Weah se jkun qed jagħmel it-testijiet mediċi l-ġimgħa d-dieħla
Il-ġimgħa d-dieħla, probabbli l-Ħamis, Timothy Weah se jkun qed jagħmel it-testijiet mediċi biex wara jiffirma kuntratt ma’ Juventus. Il-winger ta’ Lille se jingħaqad ma’ Juventus li se jħallsu għalih 10 miljun Ewro flimkien ma’ żewġ miljuni f’bonuses. Fil-pjanijiet ta’ Juventus, Weah se jkun l-eredi ta’ Juan Cuadrado.
Il-filmat t’hawn taħt jgħinna nibdew insiru nafuh:
Matthew Scerri
Uffiċjali: Paredes jitlaq lil Juventus
Wara Di Maria, Champion ieħor tad-dinja se jitlaq lil Juventus. Tħabbar, fil-fatt, b’mod uffiċjali li Juventus għażlu li ma jixtrux għal kollox lil Leandro Paredes. Hu għaldaqstant se jirritorna ma’ PSG.
Matthew Scerri
Futur inċert għal Chiesa ma’ Juventus
Irridu nippreparaw ruħna għal sajf mimli spekulazzjonijiet li jikkonċernaw il-futur ta’ Federico Chiesa. S’issa diġa’ smajna u qrajna ħafna dwaru. Bħas-soltu rridu noqogħdu attenti għax mhux kulma jinkiteb hu bilfors veru.
L-uniċi żewġ fatti vera huma: (1) Chiesa għandu kuntratt li jorbtu ma’ Juventus sal-2025; u (2) hemm diversi timijiet interessati fih. Għandna nifhmu li Juventus se jagħmlu minn kollox biex iżommuh anki billi joffrulu kuntratt ġdid. Hu ovvju li Juventus mhux se joffrulu paga fenomenali minħabba l-policy li jżommu l-pagi baxxi. Jekk verament Chiesa qed jitlob paga ta’ 8 miljuni, naħsbu li se jkun diffiċli għal Juventus li jikkuntentawh (sakemm fit-8 miljuni ma jkunux inklużi l-bonuses kollha u allura l-ħaġa tiġi fattibbli). Il-fatt li l-kuntratt attwali ta’ Chiesa jintemm fl-2025, hu evidenti li jekk das-sajf Juventus ma jilħqux ftehim mal-attakkant Taljan għat-tiġdid tal-kuntratt, probabbilment ma jkollhomx triq oħra ħlief li jbigħuh bil-għan li jevitaw li jitilfuh b’somma baxxa ħafna s-sena d-dieħla jew b’xejn is-sena ta’ wara.
L-interess minn klabbs oħra hu reali. Ma jistax ikun altrimenti. X’qed joffru verament, hu diffiċli li nkunu nafu. Il-klabbs tal-Premier League jidhru li huma l-iktar interessati u lesti joffru somma kbira (madwar 60 miljun) għalih. Bħal dejjem ir-rieda tal-plejer se tkun deċiżiva. Jekk hu għadu jemmen fil-proġett Juventin, konvinti li se jibqa’. Mill-banda l-oħra jekk dak li qed joffrulu Juventus (u mhux qed nitkellmu biss dwar flus) mhuwiex biżżejjed għalih, allura rridu nirrassenjaw ruħna li nitilfuh.
Matthew Scerri
Juventus barra mill-Conference League?
Juventus lesti jaċċettaw li ma jiħdux sehem fil-Conference League fl-istaġun li jmiss. L-aħbar qed tingħata minn Tuttosport, li qed tirraporta kif grupp ta’ avukati u diriġenti Juventini jinsabu f’negozjati mal-Uefa biex tingħalaq il-kwistjoni tal-inkjesta dwar allegat ksur tat-termini tas-settlement agreement tal-2022. Kif nafu Juventus kienu aċċettaw is-settlement agreement propost lilhom mill-Uefa minħabba ksur tal-prinċipji tal-Fair Play Finanzjarju bejn l-2018 u l-2022. Is-settlement agreement għandu l-għan li Juventus jirregolarizzaw il-pożizzjoni tagħhom. Ftit tax-xhur ilu, malli ntemmet l-inkjesta ‘Prisma’ tal-Procura ta’ Turin, l-Uefa bdiet tindaga jekk l-accounts ippreżentati minn Juventus (li fuqhom ġie kkalkulat is-settlement agreement) kinux korretti. Kif wieħed jista’ jifhem, jekk jinstabu provi li l-accounts ta’ Juventus ma kinux veritjiera, is-settlement agreement jaqa’ (għax ikkalkulat fuq il-bażi tal-accounts żbaljati) u l-Uefa tista’ tieħu passi dixxiplinari fil-konfront tal-klabb.
Issa kif għidna Juventus qed jippruvaw jagħlqu l-kwistjoni mal-Uefa u jirriżulta li lesti li jibqgħu barra mill-kompetizzjonijiet Ewropej fl-2023/24. Jekk dan verament ikun il-każ, allura jkun ifisser li verament Juventus iridu jagħlqu tassew darba għal dejjem f’dan l-istaġun il-kwistjonijiet kollha li kellhom u li għandhom pendenti mal-Uefa u l-Figc. Il-patteġġament għalaq il-kwistjonijiet mal-Figc. Juventus jonqoshom issa jirranġaw l-affarijiet mal-Uefa u s-sena barra mill-kompetizzjonijiet Ewropej tidher li hi s-soluzzjoni.
Intant tajjeb ngħidu li lbieraħ il-logo ta’ Juventus tħalla barra mill-paġna tal-website tal-Uefa li fiha kien hemm imniżżla l-ismijiet tal-klabbs kollha li se jieħdu sehem fil-Conference League 2023/24. Mill-ewwel qamet polemika kbira fuq is-social media u wara ftit l-Uefa kkoreġiet l-iżball u spjegat li l-logo Juventin tħalla barra bi żvista. Issa rridu naraw x’se jiġri verament. Id-diriġenza attwali waslet verament biex ittemm xogħolha li taqla’ lit-tim mit-tempesta li daħal fiha.
Matthew Scerri
Kampanja Tesseramenti 2023/24 issa miftuħa
I𝗡𝗚Ħ𝗔𝗤𝗔𝗗 𝗜𝗦𝗦𝗔 𝗠𝗔 𝗟’𝗨𝗡𝗜𝗞𝗔 𝗗𝗔𝗥 𝗚Ħ𝗔𝗟 𝗝𝗨𝗩𝗘𝗡𝗧𝗜𝗡𝗜 𝗠𝗔𝗟𝗧𝗜𝗡 Ġ𝗘𝗪𝗪𝗔 𝗕𝗜𝗥𝗞𝗜𝗥𝗞𝗔𝗥𝗔.
JEKK QATT MA KONT MEMBRU JEW KONT MEMBRU X’IMKIEN IEHOR AHNA QED NISTENNEWK SABIEX TINGHAQAD MAL FAMILJA TAGĦNA 🫂
📢 𝗠𝗘𝗠𝗕𝗘𝗥𝗦𝗛𝗜𝗣 𝗧𝗔𝗚𝗛𝗡𝗔 𝗦𝗘𝗥 𝗧𝗜𝗚𝗜𝗞 𝗕’𝗫𝗘𝗝𝗡…. 𝗜𝗩𝗔 𝗦𝗘𝗪 𝗤𝗘𝗗 𝗧𝗔𝗤𝗥𝗔.. 𝗕’𝗫𝗘𝗝𝗡!
💥 𝗠𝗔’ 𝗞𝗨𝗟𝗟 𝗦Ħ𝗨𝗕𝗜𝗝𝗔 𝗧𝗜𝗡𝗚Ħ𝗔𝗧𝗔:
✅ 𝗩𝗢𝗨𝗖𝗛𝗘𝗥 𝗧𝗔 €𝟭𝟱 𝗠𝗜𝗡𝗚Ħ𝗔𝗡𝗗 𝗘𝗨𝗥𝗢𝗦𝗣𝗢𝗥𝗧
✅ 𝗩𝗢𝗨𝗖𝗛𝗘𝗥 𝗧𝗔 €𝟭𝟬 𝗠𝗜𝗡𝗚𝗛𝗔𝗡𝗗 𝗥𝗢𝗦𝗦𝗢𝗣𝗢𝗠𝗢𝗗𝗢𝗥𝗢
✅ 𝗩𝗢𝗨𝗖𝗛𝗘𝗥 𝗜𝗘Ħ𝗢𝗥 𝗟𝗜 𝗝𝗜𝗞𝗞𝗢𝗡𝗦𝗜𝗦𝗧𝗜 𝗙’𝗣𝗜𝗭𝗭𝗔 𝗕’ 𝗫𝗘𝗝𝗡 𝗠𝗔’ 𝗞𝗨𝗟𝗟 𝗧𝗡𝗘𝗝𝗡 𝗟𝗜 𝗧𝗜𝗫𝗧𝗥𝗜 𝗠𝗜𝗡𝗚Ħ𝗔𝗡𝗗 𝗝𝗖 𝗩𝗘𝗥𝗢 𝗔𝗠𝗢𝗥𝗘 𝗕𝗔𝗥 & 𝗚𝗥𝗜𝗟𝗟.
😃𝗩𝗔𝗟𝗨𝗥 𝗧𝗢𝗧𝗔𝗟𝗜 𝗧𝗔 €𝟯𝟱 !! 😃
📢 IDĦLU MEMBRI ISSA U GAWDU MAGĦNA L-ISTAGUN KOLLU !
ISSIEHEB BILLI TIDĦOL ĦAWN www.juventusclubmalta.com/issieheb-maghna/ permezz ta’ Paypal, Revolut jew ċekk kif ukoll minn l-uffiċċju tal-Club kull nhar ta’ Tlieta u Ħamis bejn 6.30pm u 8pm.
Bħal-lum fil-passat (23 ta’ Ġunju)
Fl-1965, proprju bħal-lum, Juventus kienu tilfu l-Finali tat-Tazza tal-Fieri kontra l-Ungeriżi tal-Ferencvaros. Il-filmat t’hawn taħt ifakkarna f’dik il-partita.
Bħal-lum fil-passat (22 ta’ Ġunju)
Bħal-lum fl-1983 Juventus kienu rebħu l-Coppa Italia għas-seba’ darba fl-istorja tagħhom. Fil-Finali tat-22 ta’ Ġunju 1983, Juventus kienu għelbu lil Verona bl-iskor ta’ 3-0. Il-gowls waslu minn Rossi u Platini (2). Ta’ min ifakkar li dik il-ħabta l-Finali tal-Coppa Italia kienet tintlagħab fuq żewġ partiti. Juventus kienu tilfu l-ewwel partita bl-iskor ta’ 2-0, imma mbagħad f’darhom irnexxilhom jegħlbu lil Verona bl-iskor ta’ 3-0 fil-ħin supplementari.
L-aġent: “Cambiaso se jibqa’ ma’ Juventus”
Giovanni Bia, li hu l-aġent ta’ Andrea Cambiaso, kien mistieden illum fuq il-programm ‘Viola Amore Mio’ li jixxandar fuq Radio Firenze Viola. Hu sostna li 99.9% Cambiaso se jibqa’ ma’ Juventus das-sajf, għalkemm ikkonferma li Bologna u klabbs oħra urew interess fih. Ir-rieda ta’ Juventus, minn dak li ntqallu, hi li Cambiaso jkun qed jifforma parti mill-iskwadra ta’Allegri għas-sena d-dieħla.
Matthew Scerri