Bħal-lum fil-passat (24 ta’ April)
Lura għas-sena 1977 biex naraw mill-ġdid konfront bejn Juventus u Perugia li ntemm fl-iskor ta’ 1-1.
Lukaku se jilgħab għax hekk irid Gravina
Romelu Lukaku se jilgħab xorta waħda kontra Juventus għax hekk iddeċieda Gravina. Il-President tal-Federazzjoni ġie jaqa’ u jqum mill-fatt li ġustizzja sportiva kkonfermat anki l-appell li Lukaku kellu jkun sospiż għal partita. Tah il-maħfra għax irid bellagħha lil kulħadd li hekk tiġġieled ir-razziżmu. Fil-passat, imma, meta Kean kien ġralu l-istess kontra Cagliari ħadd ma kien neħħilu l-karta safra. Dis-sena stess kontra Spezia Kostic safa vittma ta’ tgħajjir razzist imma kulħadd għalaq għajnejh għax hekk kien konvenjenti. Tafu li aħna kontra r-razziżmu… imma kontra r-razziżmu dejjem mhux meta jaqblilna biss! Il-Federazzjoni xebgħet timxi mod magħna u mod ma’ ħaddieħor. Li kieku Lukaku ma keċċiex kontrina u kieku ma jmisshomx jilagħbu kontrina, kieku żgur Gravina ma kienx jaħfriha lil Lukaku. Ma twelidniex ilbieraħ!
L-iktar ħaġa inkredibbli f’din l-istorja hi li Inter irnexxilhom jgħaddu l-ħrafa tagħhom li dak kollu li nqala’ fi tmiem Juventus-Inter kien frott ir-razziżmu. Il-verita’ nafu x’inhi. Sal-35 minuta tat-tieni taqsima ħadd ma kien għajjar lil Lukaku. It-tgħajjir stupidu beda wara dik id-daħla jerga fejn kellu jitkeċċa (tiftakru l-qrid dwar il-karta safra ta’ Pjanic?!). Skurja minn penalty li ma kienx. Wara l-gowl mar jipprovoka lis-supporters tagħna u kif jitlob ir-regolament ġie muri karta safra. Imbagħad beda it-teatrin tiegħu: sfida lil Cuadrado għall-ġlied. Handanovic saħansitra ta daqqa lil Cuadrado. Hemm filmati li jixhdu dan. Imma ovvjament l-aqwa, li tgħaddi dejjem li Inter huma l-onesti ppersegwitati u aħna l-ħallelin. Sitwazzjoni tat-tqalligħ! Il-ġustizzja li ħafna qed jgħidu li saret hi biss wieħed mill-ħafna episodji ta’ inġustizzji li jsofru Juventus.
Matthew Scerri
GURNATA TA’ STENNIJA
Dik tal-bierah kienet gurnata twila ta’ stennija ghalina l-Juventini bejn stennija ta’ sentenza mposta fuqna ingustament u l-partita mportanti kontra sporting lisbon.
Biex nibda mil-partita, naturalment ir-rizultat kien wiehed pozittiv u wassalna ghal semi finali ta’ din il-kompetizzjoni. Morna fil-vantagg kmieni b’gowl ta’ Rabiot li minn naha ta’ gowls dan l-istagun kien pozittiv ferm ghalih ghalkemm nibqa nghid li m’huwiex player kontinwu fil-prestazzjonijiet tieghu minn dawk tajbin hafna ghal ohrajn ferm traskurat.
Nahseb illi individwalment konna hafna ahjar mil-partita kontra sassuolo u fl-ewropa naturalment timijiet ikunu aktar offensivi u ghalhekk jippermettulek aktar kontrattakki b’ aktar spazju li tkun tista tisfrutta ghalkemm xorta bqajna b’certu lentezza u b’hafna zbalji banali fit-tqassim anka dak semplici. Fit-tieni taqsima kibret l-pressjoni ta’ sporting lisbon li kienu perikoluzi f’certu okkazjonijiet izda anka minn naha taghna kellna bosta kontrattakki li stajna hadna hafna aktar minnom. Wiehed jinnota li ghad ma’ ghandniex l-aqwa Chiesa u wisq aktar l-ahjar Pogba wara zmien twil weqfin u li tant nhossu n-nuqqas ta’ dawn il-players.
Kif ghidt, wasalna ghal-ahhar pass versu finali li tista twassalna ghal rebha ewropeja wara hafna snin u wara stagun difficilissimu ghalina u li nispera ma’ nergghu nghaddu qatt milli ghaddejjin barra l-pitch. Unur fl-ewropa mhux biss itina lura certa prestigju izda tkun risposta lil ghedewwa li tant jixtiqu innehhuna mill-mappa tal-futbol.
Nigi ghas-sentenza tal-coni tal-bierah. Kienet importanti mentalment li almenu ghalissa dawk il-punti jergghu jirritornaw ghandna izda fadal triq twila ohra, l-bierah prattikament kif kien mistenni l-coni qalet li hija sentenza ingusta imma fl-istess hin haslet ideja u regghet batet kollox lura. Wiehed jrid jistenna l-motivazzjonijiet tas-sentenza biex ikun jista jghid x’ser jigri jew x’jista jigri! Nergghu nistennew u naraw imma ghalmenu qed naraw li xi haga bdiet tikkrolla fl-ufficji tal-buttuni fuq nett!!
Xtaqt ukoll u naghlaq dan l-artiklu bil-programm tant mistenni li xxandar fuq Rai 3 reporter. Ghal dawk li bhali ghixu calciopoli u dahlu pjuttost fid dettal tal-kaz nista nghid li hafna mit-telefonati konna diga smajnihom u nafu, hareg aktar bic-car x’kienet l-intenzjoni; dik li nkissru lil Juventus biss u illum jidher aktar car anka minn nies minn gewwa jew vicin tal-Juventus jew ahjar tal-propjetarji tal-Juventus!
Forsi ftit innutaw jew taw kaz x’qal Luciano Moggi lejn l-aqwa fl-ewropa bl-aqwa dirigenti u kien hemm min ried jibdel l-aqwa dirigenti ghax ghal xi raguni bdew jaghtu fastidju. Izda l-aktar haga li forsi ftit innotaw, meta bdew jigu ittepjati t-telefonati!? Ezattament ftit wara li halliena Umberto Agnelli! Mohh kulhadd ghandu, s-somom kulhadd jaf jaghmilom, il-konkluzjonijiet inhallijom f’idejkom!
FORZA JUVE DEJJEM
Biljetti għas-Semi Finali tal-Europa League kontra Seville
Nhar il-Ħadd 23 ta’ April fis-7.00pm se nibdew naċċettaw bookings minn ġewwa l-uffiċju għall-biljetti kemm home kif ukoll away tas-Semi Finali tal-Europa League kontra Seville li se jintlagħbu rispettivament fil-11 ta’ Mejju ġewwa Turin u fit-18 ta’ Mejju ġewwa Sevilla.
Għaldaqstant nistednukom biex taqraw u tifhmu r-regolamenti dwar il-bookings ta’ biljetti li se jiġu applikati għal nhar il-Ħadd biss hekk kif inhuma spjegati hawn taħt.
Se jkunu jistgħu jirriservaw biljetti biss dawk il-membri li sal-ħin ta’ dan l-avviz laħqu rreġistraw ruħhom fil-Fan Club. Dan qiegħed isir sabiex tingħata priorita’ lill-membri prezenti reġistrati fil-Fan Club.
Għall-partita ġewwa Turin tal-11 ta’ Mejju persuna waħda se tkun tista’ tirriserva sa massimu ta’ zewg biljetti f’isem persuni reġistrati fil-Fan Club sal-ħin ta’ dan l-avviz.
Għall-partita ġewwa Sevilla tat-18 ta’ Mejju persuna waħda se tkun tista’ tirriserva sa massimu ta’ biljett wieħed biss f’isem persuni reġistrati fil-Fan Club sal-ħin ta’ dan l-avviz.
Għall-fini ta’ kjarezza membru reġistrat fil-Fan Club interessat għall-biljett jista’ wkoll jibgħat rapprezentant minfloku.
Min mhux eliġibblii li japplika għall-biljett jista’ jpoġġi ismu ġewwa waiting list u jekk ikun għad fadal disponibilita’ ta’ biljetti wara l-għeluq tal-uffiċju l-Ħadd se nkunu qed nikkuntattjawh sabiex jerġa’ jzurna nhar it-Tlieta, jirregola ruħu u jħalli d-depositu fuq il-biljett mixtieq.
Dan qiegħed isir sabiex inzommu l-ordni u nkunu mill-iktar trasparenti kif ukoll għaliex l-allokazzjoni tal-biljetti b’mod partikolari għall-partita away se tkun waħda limitata.
Nirringrazzjawkom
Juventus jingħataw lura l-15-il punt (għalissa)
Il-Collegio di Garanzia tal-Coni ddeċieda li l-kawża tal-plusvalenze fittizji għandha terġa’ ssir. Il-Collegio laqa’ għaldaqstant dak li talab l-Prokuratur Ġenerali, Taucer. Juventus, tajjeb infakkru, kienu qed jitolbu li s-sentenza tiġi annullata. Il-kawża trid issa terġa’ tinstema u eventwalment jista’ jkollna verdett ta’ natura oħra minn dak li kellna f’Jannar. Fi kliem ieħor Juventus jistgħu jinħelsu mill-akkużi jew, jekk jerġgħu jinstabu ħatja, ikunu kkundannati għal piena li tista’ tkun differenti minn dik ta’ Jannar (jistgħu jeħlu multa biss jekk ikun applikat l-Artiklu 31 jew inkella tnaqqis ta’ punti jekk ikun applikat l-Artiklu 4).
Kienu kkonfermati s-sentenzi a dannu ta’ Andrea Agnelli, Paratici, Cherubini u Arrivabene. Nedved kien meħlus mill-akkużi. Il-kawża li se terġa’ ssir trid tistabilixxi r-responsabbiltajiet tal-uffiċċjali u sussegwentement tiddetermina f’kien is-sehem ta’ Juventus f’din l-istorja kollha.
Il-Collegio di Garanzia għandu xahar biex joħrog id-dokument fejn jispjega għala ttieħdet din id-deċizjoni. Minn meta joħroġ dad-dokument, il-Ġustizzja Sportiva jkollha xahar żmien biex l-kawża tinstema. Ta min ifakkar ukoll li jekk is-sentenza tasal sat-30 ta’ Ġunju, din tkun tgħodd għal dan l-istaġun. Sentenza wara l-1 ta’ Lulju jkun ifisser li s-sentenza tkun tgħodd mill-istaġun li jmiss.
Intant għalissa Juventus ħadu lura l-15-il punt tagħhom u telgħu fit-tielet post tal-klassifika tas-Serie A b’59 punt, żewġ punti taħt Lazio u sittax-il punt taħt Napoli.
Matthew Scerri
Illejla mhu ħiereġ ebda verdett!
Il-verdett tal-Collegio di Garanzia tal-CONI mhux se joħroġ illum. Wara li ntemmet is-seduta, l-Imħallfin bdew il-ħidma tagħhom u eventwalment għall-ħabta ta’ sebgħa ta’ filgħaxija aġġornaw għal għada. Fi kliem ieħor hu ċert li qabel għada mhux se nkunu nafu x’iddeċidew. L-Imħallfin għandhom ħamest ijiem ċans biex jaqtgħu l-verdett tagħhom.
Matthew Scerri