Il-Lega Calcio ħabbret id-dati u l-ħinijiet uffiċjali tal-ewwel erba’ partiti tas-Serie A. Juventus se jkunu impenjati kif ġej:
L-1 Ġurnata: Udinese-Juventus (20\8\2023 — 8.45 p.m.)
It-2 Ġurnata: Juventus-Bologna (27\8\2023 — 6.30 p.m.)
It-3 Ġurnata: Empoli-Juventus (3\9\2023 — 8.45 p.m.)
Ir-4 Ġurnata: Juventus-Lazio (16\9\2023 – 3.00 p.m.)
Matthew Scerri
Tħabbar b’mod uffiċjali li Cristiano Giuntoli ffirma kuntratt ma’ Juventus u se jkun qed jifforma parti mid-diriġenza Bianconera. Hu se jkun il-Kap tal-Area Sport u se jkun responsabbli mit-tmexxija tat-timijiet kollha li għandhom Juventus.
Matthew Scerri
Il-preseason ta’ Juventus jibda l-ġimgħa d-dieħla, biss il-Continassa diġà bdiet timtela. Ilbieraħ wasal fil-Continassa Paul Pogba li, wara li qatta’ sajf jittrenja waħdu f’Miami, issa mar Turin ġimgħa qabel sħabu bil-għan li jkun mija fil-mija f’sikktu għat-tournament li Juventus se jieħdu sehem fih fl-Amerka fl-aħħar ta’ dax-xahar. Miegħu hemm anki De Sciglio li qed jirkupra minn injury gravi. Hu fadallu xhur biex jidħol lura fl-azzjoni, biss f’dan l-istadju hu importanti li hu jkompli jsegwi l-programm ta’ fiżjoterpija mfassal għalih. Fil-jiem li ġejjin mistennija jaslu fil-Continassa anki Kaio Jorge u Fagioli li huma wkoll qed jirkupraw minn injury.
Apparti l-plejers, fil-Continassa llum deher għall-ewwel darba Cristiano Giuntoli li żar il-faċilitajiet sportivi ta’ Juventus u wara kellu laqgħa privata ma’ Calvo. L-aħbar uffiċjali li Giuntoli ffirma għal Juventus għadha ma ngħatatx biss jidher li hu diġà qed jaħdem għat-tim Juventin biex jibni ġejjieni mill-isbaħ.
Matthew Scerri
