Posts

Grazzi, Agnelli!

/in /by

Għażiż Andrea,

🙏 Għamilt possibbli il-qawmien tal-belt u n-negozji ġewwa Turin.

🙏 Għamilt possibbli ġojjell ta’ Stadium li hu l-għira ta’ kulħadd.

🙏 Għamilt possibbli lukanda 4 star il-J Hotel.

🙏 Għamilt possibbli s-sede u l-faċilitajiet tal-Continassa.

🙏 Għamilt possibbli 9 scudetti infila, 4 Coppa Italia u 5 Supercups.

🙏 Għamilt possibli il-wasla tal-aqwa player tad-dinja ġewwa Turin.

🙏 Għamilt possibbli dak li 10 snin ilu kien jidher impossibbli. L-ipokrezija tal-oħrajn mhux ħa taffettwa il-personalità tiegħek.

U dan biex ĦADD ma jinsa! Dejjem miegħek #AndreaAgnelli

Joseph Fenech

President

JC Vero Amore Malta

John Elkann identifika s-suċċessur ta’ Andrea Agnelli

/in /by

Il-Presidenza ta’ Andrea Agnelli tidher riesqa lejn tmiemha. Fil-ġimgħat li għaddew ktibna ħafna dwar bidla fit-tmexxija tal-klabb. John Elkann u Andrea Agnelli, għalkemm kuġini, ma tantx imorru tajjeb flimkien. Elkann ilu s-snin jistenna l-mument opportun biex ineħħi lil Agnelli minn President ta’ Juventus. Ir-riżultati miksuba f’dan l-istaġun wittew it-triq għal dil-bidla u issa kellna ċ-ċirasa fuq il-kejk tas-Super League. Hu ovvju li wara li falla dal-proġett, Andrea Agnelli tilef parti kbira mill-kredibbiltà tiegħu fid-dinja tal-futbol u se jkun imwarrab minn ħafna Presidenti u Uffiċċjali oħra. Nemmnu li ħadem għall-ġid ta’ Juventus, biss f’dan l-istadju jaf ma jkollu ebda triq oħra ħlief li jwarrab. Minflok John Elkann lest jaħtar lil Alessandro Nasi bħala President ta’ Juventus. Nasi hu kuġin ta’ Elkann u ta’ Agnelli. Fost l-oħrajn hu anki Viċi-President tal-Exor. Fil-ħajja privata, Nasi hu l-partner ta’ Alena Seredova, l-eks sieħba ta’ Buffon.

Flimkien ma’ Andrea Agnelli x’aktarx se jkunu mwarrba anki niesu, jiġifieri Nedved u Paratici. John Elkann qed jaħseb li jġib lura lil Alessandro Del Piero bħala Viċi-President ta’ Juventus. Miegħu jaf ikun hemm anki David Trezeguet li għadu kif temm il-kors ta’ Direttur tal-Isports. Nifhmu li apparti Del Piero u Trezeguet, jaf ikun hemm il-ħatra ta’ diriġent ieħor ta’ esperjenza. Min hu għadu mhux magħruf.

Ir-rizoluzzjoni bdiet, insomma!

Matthew Scerri  

Agnelli: “Is-Super League ma tistax tkompli”

/in /by

Il-proġett tal-European Super League wasal fi tmiemu. Andrea Agnelli stess illum ikkonferma li l-proġett ma jistax jibqa’ għaddej la darba ħafna klabbs telqu. Ceferin tkellem ftit tal-ħin ilu u sostna li “kulħadd reġa’ ġie lura, Naf li għandhom ħafna x’jagħtu lill-futbol f’kull livell.” Il-kliem ta’ Ceferin jixhed il-partijiet għamlu paċi u li se jkunu qed jaħdmu mill-ġdid flimkien.

Matthew Scerri

M’hemm ebda konferma li Agnelli rriżenja minn President ta’ Juventus

/in /by

S’issa ma sabet ebda konferma l-aħbar li Andrea Agnelli rriżenja minn President ta’ Juventus. L-aħbar jidher li ħarġet minn Spanja fejn hemm sentiment qawwi kontra s-Super League. Il-media Taljana qed tirraporta li m’hemm xejn veru f’dan l-għidut, anzi żiedet li l-klabbs Taljani huma maqugħdin biex jagħtu ħajja lill-European Super League.

Matthew Scerri

Ceferin jattakka personalment lil Agnelli

/in /by

Il-President tal-Uefa, Ceferin kellu kliem iebes fil-konfront ta’ Andrea Agnelli. Hu qal: “Qatt ma rajtu persuna li tigdeb il-ħin kollu bħalu. Kellimtu s-Sibt u qalli li kien biss għidut. Qalli li kien se jċempilli siegħa wara u minflok tefa’ t-telefon. Agnelli hu l-ikbar delużjoni. Tkellimna kemm-il darba ma’ Agnelli u Perez u dejjem qalulna li kellhom bżonn aktar ħin.”

Matthew Scerri

Għal ħafna hu tradiment, imma …

/in /by

Il-proġett tal-European Super League ilu jinħema bil-moħbi tal-Federazzjoni u tal-Uefa. Fix-xhur li għaddew kien hemm diversi laqgħat li raw lil Andrea Agnelli involut direttament. F’Settembru li għadda Andrea Agnelli u Zhang kienu marru f’Casa Milan biex uffiċjalment jitkellmu dwar strateġija komuni għas-Serie A. Probabbli imma li l-klabbs kienu qed jiftehmu bejniethom biex jieħdu sehem fis-Super League. Fid-19 ta’ Jannar li għadda, imbagħad, Florentino Perez kellu laqgħa ta’ tliet sigħat ma’ Andrea Agnelli fil-Continassa. Ħafna qed iqisu dik il-laqgħa bħala waħda deċiżiva biex titwaqqaf is-Super League.

Andrea Agnelli f’dawn is-sigħat qed ikun fiċ-ċentru tal-kritika ta’ dawk li huma kontra s-Super League. Fil-fatt hu, bħala President tal-ECA, kien qed jinnegozja mal-Uefa l-format il-ġdid taċ-Champions League wara l-2024. Andrea Agnelli għandu rabta ta’ ħbiberija personali mal-President tal-Uefa, Ceferin, tant li dan tal-aħħar kien il-parrinu tal-magħmudija ta’ bint Agnelli. Ħafna qed iqisu dan kollu bħala tradiment min-naħa ta’ Agnelli. Barra minn hekk skont xi esperti jista’ jkun ukoll li Juventus, Inter u Milan jaf kienu kontra li l-investiment funds Cvc-Advent-Fsi jiksbu 10% tas-Serie A proprju minħabba klawżola fil-kuntratt li ma kinitx tippermetti lill-klabbs li jieħdu sehem f’proġetti simili għas-Super League.

Tradiment, egoiżmu u ħafna termini negattivi oħra ntużaw fl-aħħar sigħat b’rabta mas-Super League. Il-mudell hu dak tal-business sportive Amerikan tipo l-NBA. Mudell li fl-Ewropa m’aħniex imdorrija bih u filwaqt li nifhem li kulħadd għandu idea kemxejn romantika tal-futbol, forsi wasal iż-żmien li nifhmu li l-klabbs jeħtieġu jibdlu dak kollu li tradizzjonalment drajna bih u li wassal biex il-klabbs il-kbar kollha jinsabu midjunin. Ma setax jibqa’ kollox kif kien qabel għax il-klabbs kienu bil-mod il-mod resqin lejn falliment finanzjarju. Forsi tajjeb li ndaħħlu f’rasna li aktar milli mossa egoistika, din hi fil-verità mossa biex jiġu salvati l-klabbs.

Matthew Scerri

Agnelli jirriżenja minn President tal-ECA u mill-Eżekuttiv tal-Uefa

/in /by

Skont l-aġenzija tal-aħbarijiet Ansa, Andrea Agnelli rriżenja minn President tal-European Clubs Association (ECA) kif ukoll ċeda postu fl-Eżekuttiv tal-UEFA. Tard ilbieraħ filgħaxija l-ECA ħarġet stqarrija li hi se tkun qed taħdem id f’id mal-UEFA għar-riforma taċ-Champions League. Fi kliem ieħor il-pożizzjoni tal-ECA hi totalment kontra dak li Andrea Agnelli u l-klabbs il-kbar tal-Ewropa qed jaħdmu fuqu.

Matthew Scerri

Allegri mistieden għand Agnelli?

/in /by

Il Giornale żvela li Massimiliano Allegri ra d-Derby ta’ Turin fuq it-tv meta kien mistieden fil-villa ta’ Andrea Agnelli f’Forte dei Marmi. Din l-aħbar, li la hi konfermat u lanqas miċħuda, qed tiġi interpretata bħala sinjal li Agnelli qed jikkunsidra li jkeċċi lil Pirlo. Hemm ħafna għidut li kjekk Juventus kjitilfu kontra Napoli, il-Bianconeri lesti jibdlu l-kowċ għall-aħħar partiti tal-kampjonat. Ovvjament jista’ jkun li Allegri kien mistieden ta’ Agnelli biss għax għadhom ħbieb u jaf m’hemm ebda konnessjoni mal-futur ta’ Pirlo. Iż-żmien jgħidilna eżattament x’se jiġri.

Matthew Scerri

Dokumentarju: Gianni Agnelli

/in /by
https://www.youtube.com/watch?v=obLdR1J21YA

Botta u risposta bejn Agnelli u Conte

/in /by

Juventus-Inter hi l-partita li se nibqgħu niftakru għall-firda definittiva bejn Antonio Conte u Juventus. Fl-intervall bejn l-Ewwel u t-Tieni Taqsima hu deher juri s-seba’ tan-nofs fid-direzzjoni tat-Tribuna fejn kien hemm Andrea Agnelli u l-ogħla uffiċċjali ta’ Juventus. Ġest ikrah u mhux xieraq fil-konfront ta’ min għamel ħafna ma’ Conte. Hu veru li Conte tana ħafna bħala kowċ, biss hu veru wkoll li Conte sar dak li hu llum grazzi għall-fiduċja ta’ Agnelli u Juventus. Fi tmiem il-partita Andrea Agnelli ma qagħadx lura milli jwieġeb lura lil Conte. Fil-fatt hu deher nieżel it-taraġ u jgħajjat insult lejn fejn kien jinsab Conte. Żgur li ma konna nistennew qatt imġiba ta’ dat-tip minn Conte u Agnelli, biss hu evidenti li l-firda llum hi tant kbira li qed twassal għal komportament ta’ dat-tip.

Matthew Scerri