Andrea Agnelli kien ippremjat bħala l-Aqwa President tal-Ewropa waqt il-premjazzjoni tal-Golden Boy 2020. Hu tkellem fost l-oħrajn dwar Paulo Dybala. Skont Agnelli, Dybala saritlu offerta għall-kuntratt il-ġdid u issa Juventus qed jistennew ir-risposta tiegħu. Fi kliem Agnelli dil-proposta se tagħmel lil Dybala mal-aqwa għoxrin plejer tal-Ewropa f’terminu ta’ paga. Il-President kompla jgħid li apprezza kliem Dybala li stqarr li jħobb lil Juventus, sentiment li hu reċiprokat għax anki Juventus iriduh magħhom għall-futur. Hu temm jgħid li x-xewqa ta’ Agnelli hi li Dybala jkun fost l-aqwa ħames plejers tal-Ewropa, anki jekk bħalissa għadu ma wasalx hemm.

Matthew Scerri