Posts

Mbappe jrid jitlaq lil PSG. X’se jkun il-futur ta’ Ronaldo?

/in /by

Leonardo kkonferma pubblikament li Mbappe jrid jitlaq lil PSG. Il-klabb Franċiż lest iħallih jitlaq biss bil-prezz li qed jitolbu huma. F’dar-rigward Leonardo sostna li Real kienu skorretti fl-imġiba tagħhom u ddikjara li l-offerta mressqa minn Real hi ferm ‘il bogħod minn dak li qed PSG.

Aħna hawn mhux se nidħlu fil-merti tan-negozjati bejn Real u PSG għalkemm jaqbdek id-daħk li uffiċjal ta’ PSG jitkellem dwar skorrettezza meta nafu sew dak kollu li ġara fl-aħħar snin. Li jinteressana hu x’se jkun il-futur ta’ Ronaldo. Dejjem issemma li Mendes kien tkellem ma’ PSG li riedu lil Ronaldo f’każ li jitlaqhom Mbappe. Issa rridu naraw jekk verament PSG humiex se joffru 30 miljun lil Juventus għal Ronaldo. Is-suq tat-trasferimenti wasal biex jagħlaq u ma fadalx żmien biex Juventus isibu sostitut għal CR7.

Matthew Scerri

Tliet plejers se jsellmu lil Juventus?

/in /by

Qed ikun irrapurtat li f’dal-jiem il-Juventus store mhuwiex ibigħ flokkijiet ta’ Juventus bl-isem u n-numru ta’ De Sciglio, Rugani u Pellegrini. Dan x’aktarx hu sinjal li Juventus qed jippruvaw ineħħuhom f’dawn l-aħħar jiem tas-suq tat-trasferimenti.

Matthew Scerri

Manchester City u PSG għadhom interessati li jiffirmaw lil Ronaldo

/in /by

Ninsabu ftit jiem ‘il bogħod mill-għeluq tas-suq tat-trasferimenti u l-għidut dwar il-futur ta’ Ronaldo ma jridx jieqaf. Fl-aħħar sigħat reġa’ issemma b’saħħa li PSG u Manchester City iriduh. Intqal li Manchester City jinsabu f’taħdidiet mal-aġent Mendes. Qed jingħad li Juventus lesti jbigħuh għal 30 miljun Ewro u eventwalment lesti jaċċettaw tpartit ma’ Gabriel Jesus. PSG, imbagħad, qed joħolmu li jiffurmaw il-koppja Ronaldo-Messi. Dan hu possibbli peress li jidher li Real Madrid jinsabu lesti li joffru 160 miljun Ewro lil PSG għal Mbappe. Fil-każ li jitlaqhom Mbappe, PSG ikunu lesti li jixtru lil Ronaldo. X’inhi l-verità ma nafux. Ftit jiem oħra u dit-telenovela tasal fi tmiemha!

Matthew Scerri

Koeman: “Mhux se jkun hawn wisq spazju għal Pjanic ma’ Barcellona”

/in /by

Il-kowċ ta’ Barcellona, Koeman bagħat messaġġ ċar lil Pjanic u lil Umtiti. Waqt konferenza tal-aħbarijiet hu stqarr li t-tnejn li huma ma tantx se jingħataw spazju fit-tim tiegħu. Żied anki l-plejers għandhom id-dritt li jagħżlu li jridu, biss tenna li s-sitwazzjoni tagħhom ma’ Barcellona hi “kumplikata”.

Matthew Scerri

Locatelli. Intlaħaq ftehim bejn Juventus u Sassuolo

/in /by

Qed ikun irrapurtat li Sassuolo aċċettaw l-offerta ta’ Juventus għal Locatelli. Il-plejer se jkun misluf għal sentejn lil Juventus, bilgBianconeri mbagħad ikollhom l-obbligu li jixtruh għal kollox. Il-valur kumplessi se jkun ta’ 35 miljun flimkien ma’ bonuses. X’aktarx għada stess Locatelli se jkun Turin għat-testijiet mediċi.

Matthew Scerri

Juventus-Locatelli. Forsi resqin lejn ftehim

/in /by

Juventus u Sassuolo għadhom ma jistgħux jsibu ftehim bejniethom dwar it-trasferiment ta’ Manuel Locatelli. Ninsabu ġimgħa ‘l bogħod mill-bidu tal-kampjonat u s’issa Allegri għad m’għandu l-ebda plejer ġdid f’nofs il-grawnd. Nafu li Juventus huma mftehma ma’ Locatelli imma Sassuolo għadhom jaraw kbir u qed ikomplu jitolbu ħafna iktar minn dak li qed joffru Juventus. Il-Bianconeri qed joffru madwar 35 miljun Ewro filwaqt li Sassuolo baqgħu jinsistu li jridu 45 miljun, ċifra li tidher irrealistika immens fiż-żminijiet li ninsabu fihom. Issa l-gazzetti tal-lum qed jirrapurtaw li Sassuolo lesti jaċċettaw l-offerta ta’ 35 miljun, biss issa jonqos li jkunu maqbula d-dettalji tal-ftehim: kemm se jkun imħallas is-self u jekk hux se jkun hemm l-obbligu għal Juventus li jixtruh għal kollox.

Matthew Scerri

Juventus f’laqgħa mal-aġent ta’ Dybala

/in /by

Jorge Antun temm il-kwarantina tiegħu wara li wasal l-Italja mill-Arġentina. Qed ikun irrapurtat li llum hu se jkollu laqgħa ma’ Cherubini biex jiddiskutu l-kuntratt il-ġdid ta’ Dybala. Hemm ottimiżmu qawwi li l-partijiet jistgħu jsibu ftehim wara sentejn ta’ taħdidiet.

Matthew Scerri

Tchouameni fil-mira ta’ Juventus

/in /by

Iż-żmien għaddej u mhux qed ikun hemm aħbarijiet ġodda fin-negozjati biex Juventus jixtru lil Locatelli. Sassuolo għadhom jaraw kbir u Juventus, bix-xieraq, mhumiex għollu l-offerts tagħhom. Qed ikun hemm rapporti li Juventus bdew ifittxu plejers oħra f’każ li ma jirnexxilhomx isibu ftehim ma’ Sassuolo għal Locatelli. L-isem li l-aktar li qed isir hu dak ta’ Tchouameni. Monaco qed jitolbu 15-il milun Ewro għalih, somma li Juventus lesti jħallsu f’sentejn basta tkun tinkludi anki l-bonuses.

Matthew Scerri

Gosens: “Atalanta jafu r-rieda tiegħi”

/in /by

F’intervista mogħtija lil Sport1, Robin Gosens stqarr dan li ġej: “Naħseb li se nibqa’ ma’ Atalanta dis-sena. Huma jafu x’inhi r-rieda tiegħi. Jekk jiġi għalija xi klabb tal-Bundesliga jew xi klabb ieħor, nixtieq nagħmel esperjenza oħra.”

Matthew Scerri

Pjanic lura ma’ Juventus

/in /by

Kmieni l-ġimgħa d-dieħla hu probabbli li jitħabbar ir-ritorn ta’ Miralem Pjanic ma’ Juventus. Barcellona lesti jisilfuh lil Juventus, li min-naħa tagħhom se jkollhom id-dritt li jixtruj għal kollox fl-istaġun ta’ wara. L-aġent Fali Ramadani qed imexxi n-negozjati, filwaqt li l-klabbs se jitkellmu dal-weekend meta se jkun qed jilagħbu kontra xulxin.

Matthew Scerri