Luca Coccolo mistenni jitlaq lil Juventus Under 23 fis-sigħat li ġejjin biex jingħaqad b’self ma’ Cremonese. Il-kowċ ta’ Cremonese hu Fabio Pecchia li s-sena li għaddiet kien imexxi lil Juventus Under 23 u jidher li kien hu stess li talab li Coccolo jingħaqad ma’ Cremonese.
Matthew Scerri
Allegatament Sassuolo qed jitolbu 25 miljun Ewro għal Gianluca Scamacca. Nafu fiċ-ċert li Sassuolo mhux se jisilfuh u minflok jippreferu bejgħ. Juventus, mill-banda l-oħra, ma jridux joħorġu flus għalissa. Probabbli li l-klabbs jippruvaw isibu ftehim bejniethom fuq bażi ta’ self għal sena u nofs, bil-Bianconeri jkollhom l-obbligu li jixtruh għal kollox għal somma ta’ bejn 20 u 25 miljun Ewro.
Matthew Scerri
Diversi klabbs tas-Serie A urew interess li jiksbu lil Gianluca Frabotta. Il-pożizzjoni ta’ Juventus dwar Frabotta hi ċara: hu se jibqa’ ma’ Juventus. Fil-ġimgħat li ġejjin Paratici se jibda taħdidiet mal-aġent tal-plejer biex joffrilu kuntratt ġdid għall-full-back Taljan.
Matthew Scerri
Juventus kisbu b’self mingħand Nantes lil Abdoulaye Dabo. Hu ngħaqad ma’ Juventus b’self sa tmiem l-istaġun, b’Juventus ikollhom id-dritt li jixtruh fis-sajf. Għalissa Dabo se jkun qed jifforma parti mit-tim Under 23 ta’ Juventus.
Matthew Scerri
Illum fil-JMedical inżammu t-testijiet mediċi ta’ Elia Petrelli, l-attakkant ta’ Juventus Under 23 li se jingħaqad ma’ Genoa fil-ftehim għat-trasferiment ta’ Rovella ma’ Juventus. Kollox mar sew u issa jonqos biss li l-ftehim ikun imħabbar.
Matthew Scerri
Id-DĠ ta’ Sassuolo, Giovanni Carnevali kellu l-opportunità li jitkellem waqt il-programm Tiki Taka dwar il-futur ta’ Gianluca Scamacca. Fi kliemu Sassuolo se jitilquh minn idejhom biss jekk ikun hemm il-kundizzjonijiet it-tajba. Skontu, m’hemmx biss Juventus interessati f’Scamacca. Hu temm jgħid li Sassuolo mhux se jneħħu lil Scamacca b’self.
Matthew Scerri
Ir-raba’ attakkant ta’ Juventus probabbilment se jkun Gianluca Scamacca. Genoa mhumiex isibu oġġezzjoni li jwaqqfu s-self tiegħu mingħand Genoa u issa jonqos biss li Sassuolo japprovaw it-trasferiment tiegħu b’self ma’ Juventus.
Matthew Scerri
Juventus xtraw lil Abdoulaye Dabo mit-tim ta’ Nantes B. Illum hu kien Turin għat-testijiet mediċi. Jidher li hu se jkun qed jifforma parti mit-tim Under 23 ta’ Juventus fis-sitt li ġejjin.
Matthew Scerri
Diversi sorsi qed jirrapurtaw li Juventus għandhom ftehim verbali ma’ Milik sabiex fis-sajf jingħaqad magħhom b’xejn wara li jkun intemmlu l-kuntratt ma’ Napoli. Skont Tuttosport Paratici se jagħmel tentattiv sabiex jilħaq ftehim ma’ Napoli għal trasferiment immedjat ta’ Milik ma’ Juventus. Madankollu Napoli qed ikomplu jitolbu somma ta’ bejn 10 u 15-il miljun, flus li Juventus ma jridux jonfqu issa. Għaldaqstant jekk dawn huma l-kundizzjonijiet ta’ Napoli, hu probabbli li Milik se jingħaqad ma’ Juventus fis-sajf.
Matthew Scerri