Posts

Referee jwaqqaf partita minħabba l-Covid

/in /by

Għall-ewwel darba fl-istorja partita tal-futbol twaqqfet minħabba l-virus tal-Covid-19. St George’s Park l-Ingilterra kienet qed tilgħab partita ta’ ħbiberija kontra t-tim nazzjonali Skoċċiż ta’ taħt id-19-il sena. Sa tmiem l-ewwel taqsima l-Ingilterra kienet qed tirbaħ 3-1. Fl-intervall bejn l-ewwel u t-tieni taqsima, sar magħruf li l-kowċ tal-Iskozja, Billy Stark irriżulta pożittiv għall-Covid. Ir-referee, bi qbil mal-FAs konċernati, iddeċieda li jwaqqaf il-partita biex ikun evitat kull riskju żejjed li jiġu infettati persuni oħra involuti f’dil-partita.

Matthew Scerri

Wasal fi tmiemu l-iżolament ‘fiduciario’ fil-JHotel

/in /by

L-iżolament ‘fiduciario’ tal-plejers u l-istaff ta’ Juventus fil-JHotel wasal fi tmiemu wara li saru żewġ serje ta’ swab tests fl-aħħar jumejn li taw riżultati negattivi. L-ASL ta’ Turin tat il-permess lill-plejers u l-membri tal-istaff biex jitilqu mill-JHotel u jmorru jkomplu l-iżolament fid-djar tagħhom. Huma se jkunu xorta waħda jistgħu joħorġu biex imorru għat-training fil-jiem li ġejjin.

Matthew Scerri

Genoa għad għandhom 17-il plejer pożittiv

/in /by

Genoa ħabbru li s-17-il plejer tagħhom għadhom pożittivi għall-Covid-19. Għaxra minn dawn is-sbatax-il plejer diġa’ sarulhom żewġ swab tests u r-riżultat kien dejjem pożittiv.

Matthew Scerri

Id-Direttur tal-ASL ta’ Turin: “Juventus imxew b’mod eżemplari”

/in /by

Illum reġa’ kien hemm ħafna għidut dwar il-plejers ta’ Juventus li ma baqgħux fl-iżolament ‘fiduciario’ tagħhom. L-aħbar tpinġiet, minn min kellu kull interess li jħammeġ lil Juventus, qishom Juventus ma mxewx mar-regolamenti, daqslikieku kienu t-tim ta’ Napoli. Il-verità hi li Juventus għarrfu lill-ASL ta’ Turin li xi plejers kienu se joħorġu mill-iżolament sabiex jingħaqdu mat-timijiet nazzjonali. Il-plejers inkwistjoni huma Bentacur, Cuadrado, Danilo, Dybala u Ronaldo. Magħhom żdiedu anki Buffon u Demiral li marru d-dar tagħhom. Malli Juventus infurmaw lill-ASL dwar dan, l-ASL mill-ewwel għarrfet lill-Procura ta’ Turin kif kien fid-dmir tagħha. Id-Direttur tal-ASL stqarr illum li l-imġiba ta’ Juventus kienet eżemplari u li issa l-Procura trid tistabilixxi jekk il-plejers imsemmija wettqux reat minħabba li ma stennewx iż-żewġ swab tests ta’ dawn il-jiem qabel setgħu jinħallu mill-iżolament. Tajjeb ngħidu li jekk jinstabu ħatja, il-plejers jistgħu jeħlu multa ta’ 400 Euro kull wieħed.

Matthew Scerri

L-Imħallef tal-Isports jeħtieġ iktar żmien qabel jaqta’ s- sentenza dwar Juventus-Napoli

/in /by

Ir-riżultat ta’ Juventus-Napoli għadu u se jibqa’ sub iudice għalissa hekk kif l-Imħallef tal-Isports jeħtieġ aktar żmien biex jifli l-każ qabel joħroġ is-sentenza tiegħu. Fi kliem ieħor s’issa għad m’hemm l-ebda deċiżjoni min-naħa tiegħu.

Matthew Scerri

Il-plejers Bianconeri qed jistennew ir-riżultati tal-iswab tests qabel jingħaqdu mat-timijiet nazzjonali

/in /by

Għall-kuntrarju tal-allegazzjonijiet ippubblikati mill-Gazzetta dello Sport, Bonucci u Chiellini għadhom fil-JHotel u mhux se jmorru Coverciano mat-tim nazzjonali Taljan qabel joħroġ ir-riżultati tal-iswab tests li sarilhom mill-ġdid. Għada se jkun hemm swab tests oħra u jekk kollox ikun negattiv, Juventus ikunu jistgħu jwaqqfu l-iżolament ‘fiduciario’ tagħhom wara li s-Sibt nstabu żewġ ħaddiema pożittivi. Il-plejers Bianconeri l-oħra li huma mgħajta mat-timijiet nazzjonali tagħhom, illum ingħataw il-permess li jitilqu mill-JHotel u jmorru fid-djar tagħhom. Jekk l-iswab test tagħhom ikun negattiv, allura l-awtoritajiet se jkunu jistgħu joħorġulhom il-permessi biex imorru mat-timijiet nazzjonali rispettivi.

Matthew Scerri

Juventus-Napoli. Ebda deċiżjoni s’issa

/in /by

Għadha ma ttieħdet ebda deċiżjoni dwar il-partita Juventus-Napoli. L-għidut tal-ġurnata kien li l-inkjesta tal-FIGC tista’ twassal biex Napoli jitilfu xi punti fil-klassifika biss ma tingħatax rebħa walkover lil Juventus. Jekk verament dan ikun hekk, allura jkun ifisser li Juventus-Napoli jkollha tintlagħab darb’oħra u qed tissemma d-data tat-13 ta’ Jannar, erbat ijiem qabel il-big match kontra Inter. Kif dejjem għidna din il-kwistjoni hi kumplessa ferm. Li hu ċert hu li jekk dak li ġie rrapurtat illum hu minnu, allura verament il-futbol Taljan ikun qed jerġa’ jaqa’ għar-ridikolu. La hemm regola u Napoli jinstabu ħatja li kisru dir-regola, għandhom jeħlu l-piena li r-regolament stess jikkontempla għall-ksur ta’ din ir-regola, jiġifieri telfa walkover. M’aħniex kontra li l-partita terġa’ tintlagħab għax aħna nħobbu nirbħu fil-grawnd, imma lanqas nistgħu naċċettaw minn jgħaddina minn għajn il-labra. Il-kwistjoni hi sempliċi: Napoli kellhom jew ma kellhomx dritt ma jmorrux Turin. Jekk kellhom dritt, hu sewwa u xieraq li l-partita terġa’ tintlagħab. Jekk ma kellhomx dritt, allura jridu jingħataw telfa walkover kif jitlob ir-regolament. Kull deċiżjoni oħra tkun biss buffunata!

Matthew Scerri

Ħadd iktar ta’ Napoli ma hu pożittiv

/in /by

L-iswab tests li saru lbieraħ għall-plejers u l-istaff kollu ta’ Napoli taw kollha riżultat negattiv. Dan ifisser li ħadd iktar minn Napoli s’issa ma ħa l-virus tal-Covid-19.

Matthew Scerri

Gravissimu! Napoli probabbli ma segwewx il-protokoll

/in /by

Il-kwistjoni ta’ Juventus-Napoli jaf hi iktar kumplessa minn kemm ħsibna u probabbli li hemm responsabbiltajiet gravi min-naħa ta’ Napoli. Andrea Agnelli lbieraħ tefa’ l-lixka u probabbli li kellu raġun. L-ASL, fil-fatt, jaf kellha tieħu l-passi li ħadet minħabba li Napoli ma segwewx il-protokoll tal-FIGC. Mal-ewwel każ ta’ pożittività, dawk ta’ Zielinski u tal-membru tal-istaff biex niftehmu, il-bqija tat-tim kellu jibda iżolament li qed jissejjaħ ‘fiducario’. Fi ftit kliem, it-tim seta’ jkompli jittrenja u jilgħab bil-patt però li kellu jingħata l-kuntatt ma’ Zielinski/il-membru tal-istaff u ma’ nies oħra esterni. Napoli jidhru li m’għamlux dan u komplew għaddejjin qisu xejn mhu xejn. Juventus nhar is-Sibt, malli nstabu żewġ ħaddiema bil-virus, immedjatament bdew l-iżolament ‘fiduciario’ kif jitlob il-protokoll. Issa wieħed irid jara x’se tkun id-deċiżjoni tal-FIGC dwar il-każ u jekk humiex se jittieħdu passi dixxiplinari anki għall-ksur tal-protokoll. Wara d-deċiżjoni tal-FIGC irridu mbagħad nistennew battalja legali twila fil-Qrati.

Matthew Scerri