Posts
Juventus-Torino 2-1
Juventus lura għat-tliet punti fis-Serie A wara battikata kbira kontra Torino. Fl-Ewwel Taqsima Juventus kienu konfużjonarji, bla ħeġġa u prattikament bilkemm dehru fil-grawnd. Torino mhux biss marru fil-vantaġġ imma anki marru qrib divers idrabi li jiskurjaw gowl ieħor. Fit-Tieni Taqsima Juventus kienu kemxejn aħjar. Cuadrado u Chiesa lagħbu tassew bil-qalb u kaxkru magħhom lit-tim għal rimonta bil-gowls ta’ McKennie u Bonucci. Lil hinn mir-rebħa t-tim Juventin fadallu ħafna ħafna difetti xi jsewwi. L-impressjoni hi li ż-żmien għaddej u mhu qed isir xejn biex jissolvew il-problemi tat-tim. Illum, apparti r-riżultat u l-wirjiet ta’ Cuadrado/Chiesa, ma tantx hemm wisq biex tieħu pjaċir. Hemm bżonn bidla radiklai f’dat-tim biex ikun verament jista’ jimmira għar-rebħ ta’ unuri.
JUVENTUS-TORINO 2-1
Skurjaw: Nkoulou (T), McKennie (J), Bonucci (J)
Juventus (4-4-2): Szczesny; Cuadrado, De Ligt, Bonucci, Danilo (Alex Sandro); Kulusevski (Ramsey), Bentancur, Rabiot (McKennie), Chiesa; Dybala (Bernardeschi), Ronaldo. Kowċ: Pirlo.
Torino (3-5-2): Sirigu; Nkoulou, Lyanco, R. Rodriguez; Singo, Meité, Rincon, Linetty (Segre), Ansaldi (Bonazzoli); Zaza (Lukic), Belotti. Kowċ: Giampaolo.
Referee: Orsato.
Karti sofor: Kulusevski (J), Lyanco (T), De Ligt (J), Lukic (T), Cuadrado (J).
Karta ħamra: Pinsoglio (J)
Matthew Scerri
X’qal Paratici dwar il-każ ta’ Suarez
“Ninsab trankwill.” Hekk stqarr Paratici qabel Juventus-Torino meta kien mistoqsi dwar il-każ ta’ Suarez. Hu sostna li l-pożizzjoni ta’ Juventus hi ċarissima wara l-istqarrija tal-bieraħ. Mistoqsi dwar telefonata li hu kien għamel lill-Ministru Paolo De Micheli biex jitlob informazzjonijiet dwar il-proċedura tal-ksib taċ-ċittadinanza Taljana, Paratici spjega li hu ilu żmien twil jaf lill-Ministru. Sostna li jafu lil xulxin sa minn meta kienu tfal peress li twieldu u għexu fl-istess belt. Paratici temm jgħid: “Li ssaqsi għal informazzjoni mhuwiex reat.”
Matthew Scerri
PSG lesti joffru lil Icardi bi tpartit ma’ Dybala
Rapporti minn Franza qed isostnu li PSG huma interessati b’saħħa li jiksbu lil Paulo Dybala. Fil-pjanijiet tagħhom hemm li joffru lil Juventus tpartit bejn Dybala u Icardi. Min-naħa tiegħu Icardi mhuwiex kontra li jirritorna fis-Serie A. Ma nafux imma kif jaħsibha Dybala.
Matthew Scerri
L-ewwel paġni tal-gazzetti Taljani (4 ta’ Diċembru 2020)
Qed inwasslulkom l-ewwel paġni tal-gazzetti Taljani tal-isports tal-lum l-4 ta’ Diċembru 2020.
Injury ieħor għal Demiral
Demiral sofra injury muskolari ieħor. Hu talab li jinbidel waqt Juventus-Dynamo minħabba li beda jħoss fastidju muskolari. Illum sarulu xi testijiet u rriżulta li l-injury mhuxiwex gravi. Fl-istqarrija ta’ Juventus naqraw li għaxart ijiem oħra se jsirulu xi testijiet oħra.
Matthew Scerri
L-ewwel darba għal żewġ raġunijiet
Il-gowl kontra Dynamo Kiev mhuwiex biss storiku għax hu l-ewwel wieħed li Chiesa skurja bil-flokk ta’ Juventus. Dal-gowl hu storiku minħabba li għall-ewwel darba missier u iben Taljan skurjaw fiċ-Champions League. Ovvjament fi snin differenti għax illum Enrico Chiesa ilu rtirat mill-futbol. Chiesa junior kellu tassew wirja tajba kontra Dynamo Kiev u apparti l-gowl tiegħu kien involut anki fil-gowls ta’ Ronaldo u Morata. Kulma jmur hu qed juru dejjem iktar li hu plejer tal-livell ta’ Juventus u, għalkemm fadallu ħafna x’jitgħallem, diġà qed ikun determinanti għall-Bianconeri.
Matthew Scerri
Ronaldo b’ċans li jiskurja s-750 gowl fil-karriera
Illejla Cristiano Ronaldo qed jimmira li jiskurja l-gowl numru 750 fil-karriera tiegħu. S’issa hu skurja 749 u allura jekk isib ix-xibka l-lejla, se jkun qed jilħaq ċifra ta’ gowls skurjati li ftit plejers laħqu tul il-karriera tagħhom.
Matthew Scerri