Posts

Uffiċjali: Juventus maqlugħa ‘l barra mill-Conference League

/in /by

L-Uefa ħabbret li Juventus ġew esklużi għal sena waħda mill-kompetizzjonijiet Ewropej u weħlu multa ta’ 20 miljun Ewro minħabba li kisru t-termini tas-settlement agreement iffirmat f’Awissu tal-2022. Juventus, għaldaqstant, mhux se jitħallew jikkompetu fil-Conference League dis-sena. 10 miljuni mill-multa mogħtija jkunu jridu jitħallsu biss jekk fit-tliet snin li ġejjin Juventus ma jkunux konformi mar-regolamenti tal-Uefa.

Matthew Scerri

Tibda l-avventura Amerikana ta’ Juventus. Fagioli baqa’ Turin

/in /by

Kmieni llum waranofsinhar Juventus telqu lejn l-Amerka fejn se jilagħbu numru ta partiti ta’ ħbiberija. Mat-tim ma telaqx Fagioli li għandu infjammazzjoni tat-tunsilli. Mhux magħruf jekk hu huwiex se jmur l-Amerka fil-jiem li ġejjien (meta jgħaddilu) jew inkella huwiex se jibqa’ Turin għal kollox. Li hu żgur hu li Fagioli għadu qed isegwi programm personalizzat biex jirkupra mill-injury li kien sofra u x’aktarx xorta ma kienx se jilgħab fil-partiti ta’ ħbiberija Amerikani.

Matthew Scerri

Għada Arthur se jkun Firenze għat-testijiet mediċi

/in /by

Arthur għada se jmur Firenze għat-testijiet mediċi qabel jingħaqad b’self ma’ Fiorentina. Is-self se jkun imħallas 2 miljuni, b’Fiorentina jkollhom id-dritt li jixtruh għal kollox is-sena d-dieħla għal 20 miljun.

Matthew Scerri

Uffiċjali: Miretti ġedded sal-2027

/in /by

Miretti ffirma kuntratt ġdid li jorbtu ma’ Juventus sal-2027. Juventus jemmnu ħafna fih u riedu jkunu ċerti li jiffirma kuntratt li jdum iktar fiż-żmien bil-għan li hu jkun wieħed mill-pilastri tal-ġejjieni tat-tim.

Matthew Scerri

Injury muskolari għal Kean

/in /by

Wara għaxart ijiem mill-bidu tal-preseason wasal l-ewwel injury muskolari tal-istaġun. Moise Kean illum kellu jieqaf mit-taħriġ wara li ħass fastidju muskolari. Hu maħsub li hu mhux se jkun jista’ jmur ma’ sħabu l-Amerika.

Matthew Scerri

Arthur lejn trasferiment ma’ Fiorentina

/in /by

Il-Brażiljan Arthur jinsab tassew qrib li jingħaqad b’self ma’ Fiorentina. Illum l-aġent tiegħu, Pastorello kien fil-Continassa biex jitkellem mal-uffiċċjali ta’ Juventus. Arthurisyenni jiffirma kuntratt ġdid ma’ Juventus bil-għan li l-investiment li kien sar għalih jinqasam fuq iktar snin. Wara li jiffirma l-kuntratt il-ġdid, Arthur jiġi misluf lil Fiorentina għal sena, liema self ikun imħallas 3 miljuni mit-tim ta’ Fiorentina. Huma se jkunu jistgħu jixtruh għal kollox is-sena d-dieħla għal somma bejn 16 u 20 miljun Ewro. Fiorentina se jħallsu parti mill-paga ta’ Arthur (3 miljuni mħallsa minnhom u Juventus jagħtuh il-bqija).

Matthew Scerri

Giuntoli: “Irridu nsibu bilanċ bejn sostenibbiltà u kompetittività”

/in /by

Waqt il-konferenza tal-aħbarijiet tal-lum, Cristiano Giuntoli ġie mistoqsi ħafna dwar l-istrateġiji ta’ Juventus fis-suq tat-trasferimenti. Skontu jrid jinstab bilanċ bejn il-kompettittivita’ tat-tim u s-sostenibbilta’ finanzjarja tal-operat tat-tim. Saħaq li għalissa Juventus m’huma se jixtru lil ħadd peress li jemmnu li għandhom tim kompetittiv. L-attenzjoni tinsab biss fuq il-bejgħ ta’ plejers ladarba hemm wisq plejers fi ħdan it-tim. F’das-sens ikkonferma li hemm offerti minn klabbs oħra għal Zakaria, Arthur u Bonucci, b’dan tal-aħħar pero’ mhux interessat l-offerti li waslulu. Tenna li se jkun diffiċli fil-bidu li t-tim jitmexxa b’mod għaqli mil-lat finanzjarju, biss fil-futur għad ikun hemm frott kbir grazzi għal dil-ħidma u s-sagrifiċċji li qed isiru issa.

Sarulu tliet domandi dwar Lukaku u r-risposta li ta Giuntoli kienet li bħalissa hu u Manna qed jitkellmu ma’ klabbs oħra biex jiksbu informazzjoni dwar xi plejers mingħajr ma fetħu negozjati ma’ ħadd. Fl-istess waqt Giuntoli saħaq li Juventus jemmnu ħafna f’Vlahovic u Chiesa tant li ma jridux ibigħuhom. Madankollu jekk tasal offerta fenomenali, Juventus lesti jikkunsidraha peress li l-accounts tal-klabb jirrikjedu dħul biex jagħmel tajjeb għat-telf li kien hemm u li jista’ jkun hemm, speċjalment jekk Juventus ma jiħdux sehem fil-Conference League.

Fl-aħħar nett kumment dwar Allegri. Giuntoli faħħru għax-xogħol tas-sena li għaddiet minkejja d-diffikultajiet kbar li kien hemm. Żvela li Allegri ma talbu ebda akkwist, anzi hu jemmen ħafna fil-potenzjal tat-tim li għandu Giuntoli temm jgħid li qed jaħdem bejn ipoġġi lil Allegri fl-aħħar kundizzjonijiet biex jaħdem b’tim magħmul minn talent żagħżugħ u plejers esperti li jaħdmu id f’id flimkien ħalli Juventus jiksbu l-aqwa riżultati.

Matthew Scerri

Għad trid tittieħed id-deċiżjoni dwar Pogba u Fagioli

/in /by

Dil-ġimgħa Juventus se jkunu qed jivvjaġġaw lejn l-Amerka fejn se jilagħbu xi partiti ta’ ħbiberija. Minn dak li nafu s’issa jidher li għada trid tieħu d-deċiżjoni dwar jekk Pogba u Fagioli humiex se jmorru l-Amerka. It-tnejn li huma fiequ kompletament mill-injuries tagħhom biss jinsabu f’fażi delikata tat-taħriġ tagħhom. Pogba pereżempju qed juża l-istrutturi tal-JMedical bħala parti mill-programm personalizzat sabiex ikunu tajjeb għal-logħob. Hemm qed ikollu eżerċizzji fuq ir-ramel bil-għan li jikseb iktar stabbilita’ u saħħa muskolari. Fagioli wkoll jeħtieġ joqgħod attent wara li kiser il-collarbone. Hemm indikazzjonijiet li jumejn qabel it-tim kollu jmur l-Amerka se tittieħed id-deċiżjoni definittiva dwar Pogba u Fagioli għandhomx imorru jew inkella jibqgħu l-Italja. M’hemmx xi ngħidu: aħjar nistennew him ftit issa biex ikunu jistgħu jilaghbu dejjem fil-kampjonat. Sogru żejjed issa jaf iwassal għal waqfiet oħra meta jibda l-futbol li jgħodd.

Matthew Scerri

Il-Cassazione lesta tagħti raġun lil Juventus

/in /by

Il-Procuratore Generale tal-Qorti tal-Cassazione, Luigi Cuomo ta parir favur it-talba mressqa mill-avukati ta’ Juventus u l-eks uffiċċjali tagħha li riedu li l-kawża fil-qorti ċivili tinżamm f’Milan u mhux f’Turin. Din hi l-kawża marbuta mal-inkjesta Prisma. Il-Qorti tal-Cassazione se taqta’ l-verdett definittiv fis-6 ta’ Settembru biss klox jindika li la l-Procuratore ta dal-parir, il-Qorti se tilqgħu. Il-Procuratore qed jaqbel li la Juventus huna kkwotati fil-Borża ta’ Milan, allura l-kawża għandha tinstema’ fil-belt ta’ Milan u mhux f’Turin. La darba l-kawża timxi għal Milan, tkun tista’ titkompla l-kumpilazzjoni tal-każ u fi tmiem il-fażi preliminari l-Imħallef irid jistabbilixxi jekk hemmx biżżejjed provi biex il-kawża effettivament tibda tinstema’ jew inkellha għandhiex tiġi arkivjata.

Matthew Scerri

Bonucci u McKennie mqaċċta barra mit-tim Juventin

/in /by

Qed ikun irrapurtat li Juventus għarrfu lil Bonucci u lil McKennie li huma se jkun ‘fuori rosa’ jiġifieri mhux se jkunu qed jiffurmaw parti mit-tim ta’ dis-sena. Din hi mossa biex huma jaċċettaw li jingħaqdu ma’ tim ieħor. Bonucci nhar it-Tnejn se jmur il-Continassa imma mhux se jkun qed jittrenja mal-bqija tat-tim u lanqas sejjer l-Amerka ma’ sħabu. Ma nafux x’se jagħmel McKennie. Probabbli, imma, anki hu se jkun qed jittrenja fil-Continassa sakemm isib tim ġdid.

Matthew Scerri