Weah jasal Turin illum
Illum waranofsinhar Timothy Weah mistenni jasal Turin għat-testijiet mediċi qabel jiffirma l-kuntratt ma’ Juventus. Probabbli s’għada filgħaxija tingħata l-aħbar uffiċjali tal-akkwist.
Matthew Scerri
Posts
Ħadd iktar ma jista’ jilbes il-flokk numru 88 fl-Italja
Il-Gvern Taljan iddeċieda li l-ebda plejer mhu se jkun jista’ jilbes il-flokk numru 88. Ir-raġuni hi li gruppi neonazisti jużaw dan in-numru minflok jiktbu ‘Heil Hitler’ (l-ittra ‘h’ hi t-tmien waħda l-alfabet). Għaldaqstant dan in-numru għandu konnotazzjoni antisemita u mil-lum ‘il quddiem l-ebda partita uffiċjali mhu se jkun possibbli li plejer jilbes il-flokk numru 88.
Matthew Scerri
Uffiċjali: Rabiot jibqa’ sena oħra ma’ Juventus
Kmieni waranofsinhar Juventus taw l-aħbar li Adrien Rabiot aċċetta li jibqa’ sena oħra magħhom. Hu kellu offerti importanti, fosthom dik ta’ Manchester United li ilhom warajh mis-sajf li għadda. Madankollu l-għażla tiegħu kienet li jibqa’ ma’ Juventus.
Matthew Scerri
Bħal-lum fil-passat (26 ta’ Ġunju)
Dalgħodu qed inwasslulkom filmat li joħodna lura għas-sena 1960 meta proprju bħal-lum Juventus kienu lagħbu partita ta’ ħbiberija kontra Stade de Reims f’dik li kienet tissejjaħ “La Coppa dell’Amicizia italo-francese”. Jiuventus rebħu 2-1 b’żewġ gowls ta’ John Charles.
It-trasferimenti uffiċjali ta’ Juventus s’issa
Plejers li ngħaqdu ma’ Juventus
| Isem | Dettalji |
| Arkadiusz Milik | Juventus xtrawh għal kollox mingħand O.Marseille għas-somma ta’ 6.3 miljun Ewro, liema somma se titħallas fi tliet rati. Hemm anki bonus ta’ 1.1 miljun Ewro favur O. Marseille. Milik iffirma kuntratt ma’ Juventus sat-30 ta’ Ġunju 2026. |
Cambiaso, Pellegrini, Arthur, McKennie, Rovella, Zakaria, Aké u Pjaca ġew lura ma’ Juventus wara li ntemm il-perjodu ta’ self ma’ klabb ieħor.
Plejers mibjugħa
| Isem | Dettalji |
| Angel Di Maria | Intemmlu l-kuntratt. |
| Dejan Kulusevski | Tottenham għażlu li jixtru għal kollox lil Kulusevski u se jħallsu għalih 30 miljun Ewro. Il-pagamenti se jinqasmu f’sitt rati. |
| Leandro Paredes | Intemm il-perjodu ta’ self u Juventus għażlu li ma jixtruhx għal kollox. |
Nota: Qed jinġieb hawn kull tip ta’ ftehim ġdid li Juventus laħqu ma’ klabbs oħra wara l-15 ta’ Ġunju 2023. Mhux qed inniżżlu ftehim li sar ma’ klabbs oħra li nstab fis-snin li għaddew u li daħal fis-seħħ das-sajf.
Carnevali jispjega kif jinsabu l-affarijiet għal Frattesi
Ic-CEO ta’ Sassuolo, Carnevali, stqarr li hu kellu kuntatt ma’ Roma, Inter u Juventus dwar Frattesi. Skontu, Milan ma avviċinawx lil Sassuolo għal Frattesi minkejja li fuq il-gazzetti qed jinkiteb mod ieħor. Carnevali żied li Frattesi ma esprima ebda preferenza għal xi klabb partikulari. Qalilhom biss li jrid jibqa’ l-Italja. Ta’ min jgħid li Roma għandhom id-dritt li jdaħħlu 30% tas-somma tal-bejgħ ta’ Frattesi. Carnevali temm jgħid li Sassuolo m’għandhomx il-ħtieġa li jbigħu lil ħadd.
Matthew Scerri
Weah se jkun qed jagħmel it-testijiet mediċi l-ġimgħa d-dieħla
Il-ġimgħa d-dieħla, probabbli l-Ħamis, Timothy Weah se jkun qed jagħmel it-testijiet mediċi biex wara jiffirma kuntratt ma’ Juventus. Il-winger ta’ Lille se jingħaqad ma’ Juventus li se jħallsu għalih 10 miljun Ewro flimkien ma’ żewġ miljuni f’bonuses. Fil-pjanijiet ta’ Juventus, Weah se jkun l-eredi ta’ Juan Cuadrado.
Il-filmat t’hawn taħt jgħinna nibdew insiru nafuh:
Matthew Scerri
Uffiċjali: Paredes jitlaq lil Juventus
Wara Di Maria, Champion ieħor tad-dinja se jitlaq lil Juventus. Tħabbar, fil-fatt, b’mod uffiċjali li Juventus għażlu li ma jixtrux għal kollox lil Leandro Paredes. Hu għaldaqstant se jirritorna ma’ PSG.
Matthew Scerri