Il-gazzetta Daily Telegraph mhix teskludi li Manchester United ibigħu lil Paul Pogba f’Jannar. Fil-fatt fil-pjanijiet tar-Red Devils hemm li jbigħu lil Pogba fis-sajf li ġej sabiex jevitaw ir-riskju li jitilfuh b’xejn fis-sajf ta’ wara. Madankollu dawn il-pjanijiet jistgħu jinbidlu jekk f’Jannar taslilhom offerta tajba. Bħal dejjem Juventus, Real Madrid u PSG huma t-timijiet li l-aktar qed jissemmew għall-futur ta’ Pogba.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum is-7 ta’ Novembru 2020.
Il-ġimgħa d-dieħla se jirriturnaw l-impenji tat-timijiet nazzjonali. Intant tħabbar li Roberto Mancini nstab pożittiv għall-Covid-19. Fil-bidu tad-dieħla t-tim nazzjonali Taljan se jkun immexxi mill-Viċi ta’ Mancini, Evani. Nhar l-Erbgħa, imbagħad, se jsir swab test u skont r-riżultat se nkunu nafu jekk Mancini huwiex se jkun jista’ jieħu postu fil-pitch biex imexxi lill-Azzurri.
Matthew Scerri
Skont Mundo Deportivo Barcellona lesti jikkunsidraw li jbigħu lil Ousmane Dembélé f’Jannar. Il-kriżi tal-Covid-19 qed tinħass għal kulħadd u nafu li t-tmexxija ta’ Barcellona ftit li xejn kienet għaqlija mil-lat finanzjarju fl-aħħar snin. Fil-fatt Barcellona għandhom ħafna dejn u jeħtiġilhom ibigħu xi plejers. Juventus u Manchester United huma l-aktar timijiet li jidhru interessati fl-akkwist ta’ Dembélé.
Matthew Scerri
Alvaro Morata ġie magħżul mill-qarrejja tal-website tagħna bħala l-Aqwa Plejer tal-partita bejn Ferencvaros u Juventus. Fil-votazzjoni li saret online hu kiseb 75% tal-voti, segwit minn Cuadrado b’8% tal-voti, filwaqt li fit-tielet post insibu lil Dybala b’5% tal-voti. Grazzi lil kulmin ħa sehem.
Matthew Scerri
Cristiano Ronaldo ġie mgħajjat mat-tim nazzjonali Portugiż. Hu se jkun qed jilgħab għal pajjiżu bejn l-14 u s-17 ta’ Novembru fin-Nations League kontra Franza u l-Kroazja.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum is-6 ta’ Novembru 2020.
S’issa ntlagħab 183 konfront uffiċjali bejn Juventus u Lazio. Juventus rebħu 94 minn dawn il-partiti, filwaqt li kien hemm 43 draw u 46 rebħa għal Lazio. Komplessivament Juventus skurjaw 315 gowl u qalgħu 204 gowl f’dal-partiti. Fis-Serie A kien hemm total ta’ 152 partita, b’82 rebħa għal Juventus, 36 draw u 34 rebħa għat-tim tal-kapitali. Il-konfronti tas-Serie Abejn Juventus u Lazio fl-Istadio Olimpico kienu 76 s’issa. Juventus kisbu l-ikbar numru ta’ rebħiet (33). Il-bqija tal-konfronti raw 18-il draw u 25 rebħa għal Lazio.
Matthew Scerri
Il-Ġimgħa 6 ta’ Novembru 2020, 8.45 p.m.
Sassuolo-Udinese: Abbattista
Is-Sibt 7 ta’ Novembru 2020, 3.00 p.m.
Cagliari-Sampdoria: Ayroldi
Is-Sibt 7 ta’ Novembru 2020, 6.00 p.m.
Benevento-Spezia: Aureliano
Is-Sibt 7 ta’ Novembru 2020, 8.45 p.m.
Parma-Fiorentina: La Penna
Il-Ħadd 8 ta’ Novembru 2020, 12.30 p.m.
Lazio-Juventus: Massa
Il-Ħadd 8 ta’ Novembru 2020, 3.00 p.m.
Atalanta-Inter: Doveri
Genoa-Roma: Irrati
Torino-Crotone: Fourneau
Il-Ħadd 8 ta’ Novembru 2020, 6.00 p.m.
Bologna-Napoli: Pasqua
Il-Ħadd 8 ta’ Novembru 2020, 8.45 p.m.
Milan-Verona: Guida
Matthew Scerri