Dalgħodu Andrea Pirlo se jkun jaf jekk Leonardo Bonucci huwiex se jkun jista’ jilgħab kontra Barcellona. Sal-bieraħ hu kien qed jittrenja apparti. Pirlo lbieraħ stqarr li waqt is-sessjoni ta’ taħriġ ta’ dalgħodu se jkollu l-indikazzjonijiet dwar jekk huwiex tajjeb għal-logħob. Infakkru li Chiellini u De Ligt għadhom barra u allura apparti Bonucci, Pirlo fadallu biss lil Danilo u Demiral bħala difensuri ċentrali.
Matthew Scerri
Juventus (4-4-2): Szczesny; Cuadrado, Danilo, Demiral, Frabotta; Kulusevski, Bentancur, Rabiot, Chiesa; Dybala, Morata.
Barcellona (4-2-3-1): Neto; Dest, Araujo, Lenglet, Jordi Alba; Busquets, De Jong; Trincao, Pedri, Ansu Fati; Messi.
Sors: Sportmediaset
Dejan Kulusevski ġie magħżul mill-qarrejja tal-website tagħna bħala l-Aqwa Plejer tal-partita bejn Juventus u Verona. Fil-votazzjoni li saret online hu kiseb 41% tal-voti, segwit minn Dybala (13%), filwaqt li fit-tielet post insibu lil Morata b’11% tal-voti. Grazzi lil kulmin ħa sehem.
Matthew Scerri
Wara t-tentattiv li għamlu fis-sajf li għadda, jidher li PSG għadhom ma qatgħux qalbhom li jistgħu jiffirmaw lil Ronaldo. Skont Don Balon fis-sajf 2021 il-Franċiżi se jagħmlu tentattiv ieħor. Il-gazzetta Spanjola qed tirraporta li Juventus ma jridux ibigħu lil Ronaldo, biss quddiem offerta ta’ 70 miljun jaf jibdlu fehemthom.
Matthew Scerri
L-istess bħal fil-każ ta’ Chiellini, Leonardo Bonucci sofra injury ta’ natura ħafifa. Mit-testijiet li sarulu llum ma rriżulta ebda dannu għall-muskoli ta’ saqajh. It-tobba ta’ Juventus se jibqgħu jsegwuh biex jaraw b’liem ritmu se jkun qed ifieq. Interessanti li fl-istqarrijata’ Juventus m’hemm l-ebda indikazzjoni dwar kemm se jdum barra mill-azzjoni.
Matthew Scerri
Il-filmat tal-lum joħodna għas-sena 1988 meta Juventus għelbu f’darhom lil Athletic Bilbao fit-Tazza Uefa bl-iskor kbir ta’ 5-1.
Juventus jaf ikollhom emerġenza fid-difiża kontra Barcellona. Illum suppost inkunu nafu x’għandu Bonucci. L-impressjoni hi li hu mhux se jkun jista’ jilgħab nhatr l-Erbgħa. L-istess jgħodd għal Chiellini, filwaqt li De Ligt għadu ma ngħatax il-go-ahead biex jilgħab mill-Professur li operah. Fi kliem ieħor Pirlo fadallu biss lil Demiral u Danilo li kapaċi jilagħbu bħala difensuri ċentrali. F’dan l-istadju rridu nifhmu jekk Pirlo huwiex xorta waħda se jkompli jinsisti bid-difiża bit-tlieta (li jkun ifisser li jilgħab xi ħadd miż-żgħar jew inkella jilgħab xi ħadd barra minn postu) jew inkella hux se jkollu jibdel is-sistema ta’ logħob.
Matthew Scerri
Juventus-Verona kienet konferma oħra tal-kriżi li ilu għaddej minnha Federico Bernardeschi. Meta taqra l-kummenti tas-supporters wara l-partita, tinduna kemm verament is-supporters donnhom qatgħu qalbhom minnu. Fil-grawnd mhu qed ikun qatt effettiv u, bħall-bieraħ, malli ħareġ hu t-tim deher jilgħab aħjar. Nifhmu li fil-gerarkiji llum Bernardeschi spiċċa ferm wara Chiesa u Kulusevski, u min jaf jekk mhux anki wara Frabotta wkoll. Veru li għadu ġej minn injury, però hu veru wkoll li fit-tliet snin li ilu ma’ Juventus, ftit li xejn wera l-valur tiegħu. Nittamaw li Pirlo jagħraf verament joħroġ l-aħjar minnu għax inkella verament tkun riesqa lejn tmiemha l-esperjenza tiegħu ma’ Juventus.
Matthew Scerri