Messaġġ tal-Milied mil-President Joseph Fenech

❤️ Għeżież Membri,

Ninsabu fl-aħħar jiem tal-2025 u bħal dejjem f’dawn iz-żminijiet nikteb kelmtejn sabiex filwaqt li nibgħatilkom l-awgurji għal Milied ħieni u sena ġdida mimlija risq u barka, nagħlqu s-sena b’ħarsa lura lejn dak kollu li jkun sar.

Kif jaf kulħadd l-2025 kienet is-sena tal 50 anniversarju tal-klabb. Għalkemm personalment għamilt pressjoni kbira mad-dirigenza gewwa Turin sabiex jonorawna bi presenza u anke xi haga ta din l’okkazzjoni unika, ma sibt l’ebda koperazzjoni jew ghajnuna.

Onestament, personalment meta rajt hekk, iddemoralizajt ruhi imma xorta ma hallejtx dan id-disrispett jaqtali qalbi, u ma stajtx nħalli lilkom il-membri mingħajr festa kif jixraq lil dan il-klabb glorjuz u li tant nhobb u lilkom il-membri. Fi zmien qasir hdimt bla waqfien sabiex kif tafu gibt fostna 4 ex players u għamilna ċelebrazzjoni kif jixraq.

Min hawn nixtieq nirringrazzja lill-membri tal-Kumitat talli emmnu fija u kienu ta spalla sabiex din ic-celebrazzjoni kienet ta’success.

Żammejna kuntatti mill-aqwa ma’ Turin, komplejna naqdu lilkom il-membri b’biljietti tal-partiti tal-Juventus at face value, u dan kollu isir bis-saħħa tas-segretarjat li ikunu hemm sabiex jaqdukom.

Minn qalbi nirringrazzja lilkom il-membri kollha talli bqajtu leali lejn il-klabb. Grazzi mill-qalb lil membri godda. Grazzi anki lil dawk il-membri li reġgħu għażlu li jidħlu fil-familja tal-Club tagħna.

Grazzi ukoll lil Barman, Robert u il-familja tieghu li dejjem hadu ħsieb il-membri u hadmu id f’id miegħi.

Nagħlaq bħal dejjem billi min qalbi nirringrazzja li-iSponsors li kieku mhux ghalihom, club bhal dan ma jistax jinzamm.

Niringrazzja wkoll lil sidien il-kera li dejjem kienu komprensibli lejna biex b’hekk ahna stajna nzommu u nkabbru dan il-palazz. Nispera li r-rispett reciproku jibqa hemm fil-futur u nkomplu nahdmu id f’id bhal ma ghamilna s’issa.

Ilni 24 sena bla waqfien inservi fil-kumitat. Taht il-Presidenza twila tiegħi kburi nghid li kellna hafna suċċessi, gibna ħafna players u sar investiment ta-tisbiħ gewwa il-klabb. U meta zmien tiegħi jasal fit-tmiem nista nghid li nħossni kburi li kont parti fundamentali minn l-istorja ta dan il-klabb tant glorjuz.

Grazzi u min qalbi nawguralkom il-Festi t-Tajba! 🎄🥂

Joseph Fenech

President

Juventus Club Vero Amore (Malta 1975)

Battalja ohra wara dik ta’ Bologna. Loghba ohra krucjali mirbuha meritatament kontra Roma, u dawn huma 3 punti ohra mhux biss meritati izda jiswew daqs id-deheb fejn jidhol ir-raba post.

Kif diga ktibt kienet rebha meritatissima, konna ahjar mir-Roma mill-bidu sa l-ahhar kemm tattikament u fl-opportunitajiet ta’ skor u bhas-soltu kieku ma’ nkunux traskurati stajna rbahna l-partita aktar fil-wisa.

It-Tim jidher li beda joghqod ghal dak li jrid Spalleti minnhom. Qeghdin naraw aktar heffa fil-loghob aktar organizazjoni tattika u dixxiplina fil-players. Rajna r-ritorn ta’ Gleison Bremer u d-differenza fid-difiza bih, kemm inkunu sodi aktar u filfatt malli Bremer kellu jinqala Roma mall-ewwel approfitaw ruhom u naqsu l-iskor biex fethu l-partita berah fl-ahhar kwarta permezz ta’ Baldanzi, player li kif jarana jiskurjalna dejjem!

Rajna partita ohra tajba minn Openda li ukoll donnu beda jissetilja u jissagrifika ruhu ghal shabu u skorja ukoll l-ewwel gowl fil-kampjonat taljan.

Jidher u nisperaw li dahlet certu certezza fil-mentalita tal-players certu kontinwita li ilna nitolbu ghalija zmien twil hafna. Naturalment ma’ rridux naraw kbir u nimxu partita wara ohra ghaliex kull darba li rajna ftit dawl dejjem ergajna waqajna fl-istess problemi ta’ dejjem.

Ezempju rridu nevitaw cirkostanzi li kellna fil-partita kontra Roma fejn minn zball redikolu ta’ Zhegrova ippermettejna lil Roma jidhlu fil-loghba u dawn ir-riskji irridu naqtawom. Izda bhal ma’ ghidt, qieghdin naraw hafna pozittiv u hafna aktar karattru sod fil-players u dan kollu jawgura tajjeb ghal zmien u loghbiet li gejjin.

FORZA JUVE DEJJEM.