Posts

Cherubini f’laqgħat mal-aġenti ta’ Koulibaly, Zaniolo u Morata

/in /by

L-Erbgħa 6 ta’ Lulju 2022 kienet ġurnata ta’ ħidma intensiva għal Federico Cherubini. Hu kellu laqgħat ikkonfermati ma’ żewġ aġenti importanti: Fali Ramadani u Claudio Vigorelli. X’intqal f’dawn il-laqgħa mhux magħruf b’mod uffiċjali, ovvjament. Biss l-għidut hu li Cherubini tkellem ma’ Ramadani dwar Koulibaly u Milenkovic. Juventus qed joffru kuntratt ta’ 4 snin lil Koulibay b’paga ta’ bejn 6 u 6.5 miljun Ewro fis-sena. Il-Bianconeri beħsiebhom joffru 30 miljun lil Napoli, li min-naħa tagħhom qed jitolbu 40 miljun għalih.

Vigorelli, imbagħad, hu l-aġent fost l-oħrajn ta’ Morata, Zaniolo u Arnautovic. Fil-jiem li ġejjin jaf ikun hemm żviluppi interessantissimi fil-mercato Juventin. Cherubini u Arrivabene jidher tassew determinati li jagħtu tim ferm kompetittiv lil Allegri sa l-ewwel ġimgħa tal-preseason.

Matthew Scerri

Offerta min-naħa ta’ Juventus għal Molina

/in /by

Parti mill-flus li Juventus se jdaħħlu mill-bejgħ ta’ De Ligt x’aktarx se jkunu investiti fl-akkwist ta’ Molina mingħand Udinese. Hemm rapporti li Juventus ressqu offerta ta’ 15-il miljun Ewro u bonuses għal Molina. Udinese, allegatament, qed jitolbu 30 miljun, biss il-fatt li m’hemmx offerti oħra għalih minn klabbs oħra, jaf ikun punt ta’ vantaġġ għal Juventus biex jiksbuh bil-prezz li jridu huma.

Matthew Scerri

Cambiaso mistenni jkun Turin nhar il-Ġimgħa

/in /by

Nhar il-Ġimgħa Andrea Cambiaso mistenni jkun Turin għat-testijiet mediċi qabel jiffirma l-kuntratt ma’ Juventus. Il-klabbs ilhom miftehim u s’issa t-trasferiment għadu ma ġiex ifinalizzat minħabba li Dragusin għadu ma aċċettax li jingħaqad ma’ Genoa bħala parti minn dal-ftehim. Jekk Dragusin finalment jgħid ‘le’ lil Genoa, il-klabbs se jerġgħu jiltaqgħu biex isibu ftehim alternattiv, jiġifieri Genoa jkunu qed jieħdu plejer ieħor mingħand Juventus.

Matthew Scerri

Bayern Munich ukoll interessati f’De Ligt

/in /by

Ftit li xejn jidher li hemm tama li Matthijs De Ligt jibqa’ ma’ Juventus. Kliem Arrivabene ftit tal-jiem ilu, juri biċ-ċar li r-rieda ta’ De Ligt hi li jitlaq u jibda esperjenza ġdida ma’ klabb ieħor. Nafu li Chelsea jriduh u allegatament offrew 70-75 miljun Ewro flimkien ma’ 10 miljuni oħra f’bonuses. Fl-aħħar sigħat, mill-Ġermanja, ħarġet l-aħbar li anki Bayern Munich iridu lil De Ligt u lesti joffru 70 miljun flimkien ma’ Pavard. Il-pożizzjoni ta’ Juventus f’dan l-istadju hi li lesti jħalluh jitlaq biss jekk titħallas il-penali ta’ 120 miljun Ewro biex hi jkun jista’ jinħall mill-kuntratt tiegħu. Ħafna qed ibassru li Juventus lesti jikkunsidraw offerti ta’ 100 miljun Ewro cash jew ftit iktar. Taħt il-100 miljun, Juventus ma jridux jinżlu. F’das-sens il-fatt li hemm żewġ timijiet kbar li jridu jiksbu s-servizzi tiegħu, x’aktarx se jgħin biex l-offerti tal-klabbs lil Juventus jogħlew u jilħqu dak li qed jistennew il-Bianconeri.

Matthew Scerri

Uffiċjali: Mandragora mibjugħ lil Fiorentina

/in /by

Juventus ħabbru li bigħu lil Rolando Mandragora lit-tim ta’ Fiorentina għas-somma ta’ 8.2 miljun Ewro, liema somma se titħallas fi tliet rati. Ma’ dis-somma hemm anki performance bonus li jammonta għal 1 miljun Ewro.

Matthew Scerri

Zaniolo msemmi b’saħħa ma’ Juventus

/in /by

Kulma jmur Nicolò Zaniolo qed jissemma dejjem iktar b’saħħa ma’ Juventus. Minn dak li qed jiġi rrapurtat, jidher li r-rieda ta’ Zaniolo hi li jitlaq lil Roma biex jingħaqad ma’ Roma. It-taħdidiet ma’ Roma għall-kuntratt il-ġdid tiegħu huma weqfin bil-partijiet mhux jirnexxilhom jiddjalogaw. Zaniolo jrid jitlaq. Roma jridu jżommuh biss fehmu li l-plejer għandu intenzjonijiet oħra u, bħal dejjem, klabb diffiċli jżomm plejer kontra r-rieda tiegħu. Bil-mod il-mod Juventus għaddejjin bil-ħidma tagħhom biex jiksbu s-servizzi ta’ Zaniolo. S’issa ma jirriżultax li kien hemm offerti uffiċjali min-naħa ta’ Juventus, għalkemm nafu fiċ-ċert li l-klabbs iltaqgħu u tkellmu b’mod informali dwar Zaniolo. L-għidut hu li Juventus lesti joffru tpartit ma’ Arthur jew inkellha jiksbu lil Zaniolo b’self bl-obbligu li jixtruh għal kollox is-sena d-dieħla.

Matthew Scerri

Testijiet mediċi għal Mandragora qabel jiffirma ma’ Fiorentina

/in /by

Rolando Mandragora kien jinsab illum f’Villa Stuart, f’Ruma, għat-testijiet mediċi qabel jiffirma l-kuntratt ma’ Fiorentina. Hu se jkun qed jieħu post Torreira f’nofs il-grawnd tat-tim immexxi minn Italiano. Qed jissemma li Fiorentina se jħallsu madwar 10 miljuni għalih.

Matthew Scerri

Id-dati tas-suq tat-trasferimenti

/in /by

Is-suq tat-trasferimenti fl-Italja se jkun qed jiftaħ mil-lum 1 ta’ Lulju u se jagħlaq fl-1 ta’ Settembru 2022. Is-sessjoni tax-xitwa se tkun qed tinżamm bejn it-2 u l-31 ta’ Jannar 2023.

Matthew Scerri

Cambiaso se jibqa’ ma’ Juventus jew se jkun misluf?

/in /by

Andrea Cambiaso jinsab pass ‘il bogħod milli jsir plejer ta’ Juventus. Allegatament jeżisti ftehim bejn Juventus u Genoa sabiex Cambiaso jingħaqad mal-Bianconeri għall-prezz ta’ 4 jew 5 miljun Ewro. Flimkien ma’ dis-somma Juventus se jgħaddu lil Genoa anki lil Dragusin. Hemm għidut li Cambiaso se jkun misluf lil Atalanta, għalkemm skont rapporti oħra Cambiaso jista’ jkun is-sostitut ta’ Pellegrini li mistenni jitlaq lil Juventus.

Matthew Scerri

L-attenzjoni issa ddur fuq Zaniolo

/in /by

Hekk kif tidher li waslet fi tmiemha t-telenovela Di Maria, Juventus x’aktarx dawru issa ħarsithom fuq Nicolò Zaniolo. Hu qed jissemma bħala t-tielet akkwist eċċellenti tal-Bianconeri wara Pogba u Di Maria li għalkemm għadhom mhux imħabbra uffiċjali, ftit li xejn jifdal dubji dwar il-fatt li se jilbsu l-flokk ta’ Juventus. Waqt li Pogba u Di Maria ma swew xejn lil Juventus minħabba li huma free-agents, Zaniolo jaf ifisser investiment important min-naħa tal-Bianconeri. MInn dak li nafu, il-ġimgħa li għaddiet Cherubini kellu laqgħa ma’ Thiago Pinto. Il-partijiet tkellmu, fost l-oħrajn, anki dwar il-possibbiltà ta’ trasferiment ta’ Zaniolo ma’ Juventus. Jidher li Roma qed ikollhom diffikultajiet kbar biex jikkonvinċu lil Zaniolo jiffirma kuntratt ġdid magħhom u fehmu li x’aktarx ikun aħjar li jbigħuh minflok jitilfuh b’xejn. Roma qed jitolbu somma ta’ madwar 50 miljun, filwaqt li Juventus x’aktarx ma jridux jaqbżu l-40 miljun. Fil-ftehim Juventus jixtiequ li jkun hemm parti li tiħallas cash u parti oħra li tkun koperat bi bdil ta’ plejers. F’dal-każ qed jissemma ħafna Arthur.

Matthew Scerri