Il-partita li qed inwasslulkom illum kienet tassew inkredibbli. Fl-1990 Juventus għelbu f’darhom lil Roma bl-iskor ta’ 5-0. Fost l-oħrajn kien hemm hattrick ta’ Schillaci. Il-wirja tal-Bianconeri kienet tant kbira fejn mhux biss skurjaw ħames gowls, imma saħansitra lagħbu l-aħħar kwarta b’disa’ min-nies.
Fl-2002 proprju bħal-lum, Juventus kienu rebħu d-Derby ta’ Turin bl-iskor ta’ 4-0. Għall-Bianconeri skurjaw Del Piero, Di Vaio, Nedved u Davids.
Bi pjaċir qed inwasslulkom filmat ieħor storiku mill-Archivio Storico Luce. Illum qed noħdukom lura għas-sena 1949 meta Juventus kienu għelbu lil Inter 3-2.
Filmat storiku ieħor li joħodna lura għall-1952. Dik is-sena, proprju fid-9 ta’ Novembru, Juventus kienu impenjati fid-Derby kontra Torino. L-iskor finali tal-partita kien ta’ 4-1 favur it-tim ta’ Boniperti.
Illum se niħdukom lura għas-sena 1988. Fil-filmat t’hawn taħt tistgħu taraw konfront mimli gowls bejn l-Juventus ta’ Zoff u l-Bologna ta’ Maifredi.
Il-partita mill-passat li qed inwasslulkom illum hi Juventus-Napoli li ntlagħbet fil-5 ta’ Novembru 1950. L-iskor finali tal-partita kien ta’ 3-2 favur Juventus. Il-gowls Bianconeri kellhom il-firma ta’ Boniperti (2) u Hansen.
Fl-4 ta’ Novembru 1970 Juventus laqgħu f’darhom lil Barcellona fit-Tazza tal-Fieri, il-verżjoni l-aktar qadima tat-Tazza Uefa. Il-Bianconeri rebħu 2-1 b’gowls ta’ Bettega u Capello. Ta’ min jirrimarka li dan kien l-ewwel gowl li Fabio Capello qatt skorja bil-flokk Juventin.
Il-filmat tal-lum joħodna lura għas-sena 1976 meta Juventus laqgħu f’darhom lil Manchester United f’partita tat-Tazza Uefa. Il-partita rat lil Bianconeri jegħlbu lir-Red Devild 3-0 bil-gowls ta’ Boninsegna (2) u Benetti.
Bħal-lum fl-1992 Juventus kienu kisbu rebħa kbira ta’ 5-1 f’darhom kontra Ancona. Fil-filmat t’hawn taħt tistgħu taraw l-aqwa siltiet ta’ dik il-partita.
Illum jaħbat il-125-il anniversarju mit-twaqqif ta’ Juventus F.C. Tradizzjonalment id-data tal-1 ta’ Novembru 1897 hi meqjusa bħala l-jum li fih twaqqaf il-klabb Juventin minn grupp ta’ ħbieb li kienu jattendu l-Liceo Massimo D’Azeglio f’Turin. Nafu li dawn il-ħbieb kienu ilhom jiltaqgħu u jipprattikaw flimkien diversi tipi ta’ sports, fosthom anki l-futbol li ddaħħal fl-Italja proprju […]