Bħal-lum fil-passat (3 ta’ Marzu)
Filmat li joħodna lura għall-1985 meta Juventus kienu għelbu lil Cremonese bl-iskor kbir ta’ 5-1.
Juventus-Spezia 3-0
Juventus lura għar-rebħ fil-kampjonat. Minkejja numru kbir ta’ plejers neqsin minħabba injury, il-Bianconeri rnexxilhom jiksbu tliet punti mistħoqqa anki jekk l-wirja ma kinitx (u ma setgħetx tkun minħabba l-ammont ta’ injuries) partikolarment tajba. Morata u Bernardeschi kienu fundamentali biex Juventus setgħu jiżblukkaw il-partita. Wara li Morata fetaħ l-iskor, il-Bianconeri dehru mentalment iktar liberi u kien faċli għalihom jirbħu bl-iskor ta’ 3-0.
JUVENTUS-SPEZIA 3-0
Skurjaw: Morata (J), Chiesa (J), Ronaldo (J)
Juventus (3-5-2): Szczesny; Danilo, Demiral, Alex Sandro; Chiesa (Ramsey), Bentancur, Rabiot, McKennie (Morata), Frabotta (Bernardeschi); Ronaldo, Kulusevski (Di Pardo). Kowċ: Pirlo.
Spezia (4-3-3): Provedel; Vignali, Terzi, Erlic, Marchizza; Estevez, Leo Sena, Maggiore (Acampora); Farias (Verde), Nzola (Galabinov), Gyasi. Kowċ: Italiano.
Referee: Sacchi.
Karti sofor: Frabotta (J), Demiral (J).
Matthew Scerri
Ivvota għall-Aqwa Plejer ta’ Juventus-Spezia
Segwi dil-ħolqa biex tivvota għall-Aqwa Plejer ta’ Juventus-Spezia:
https://app.ex.co/stories/juveclubm10/ivvota-g-all-aqwa-plejer-ta-juventus-spezia
Injury għal De Ligt. Se jilgħab Frabotta
Matthijs De Ligt sofra injury ftit minuti qabel il-partita u mhux se jkun qed jibda mill-ewwel minuta. Postu se jieħdu Frabotta, b’Danilo jersaq fin-nofs tad-difiża, jew inkella Juventus se jilagħbu bi tlieta fuq wara Danilo-Demiral-Alex Sandro u Frabotta jkun mal-linja x-xellugija f’nofs il-grawnd.
Matthew Scerri
Uffiċjali: Kif se jibdew Juventus u Spezia
Juventus (4-4-2): Szczesny; Danilo, Demiral, De Ligt, Alex Sandro; Chiesa, Bentancur, Rabiot, McKennie; Ronaldo, Kulusevski.
Spezia (4-3-3): Provedel; Vignali, Terzi, Erlic, Marchizza; Estevez, Leo Sena, Maggiore; Farias, Nzola, Gyasi.
Napoli ma jridux jilagħbu kontra Juventus fis-17 ta’ Marzu
Skont il-gazzetta Il Mattino Aurelio De Laurentis ma jridx li Juventus-Napoli tintlagħab fis-17 ta’ Marzu. Hu qed jilmenta li li f’dik il-ġimgħa Napoli għandhom diġà żewġ partiti barra minn darhom kontra Milan u Roma. Il-verità hi li d-data tas-17 ta’ Marzu li l-unika waħda disponibbli għalissa minħabba li Juventus għadhom qed jieħdu sehem f’kull kompetizzjoni. Is-saga ta’ din il-partita tidher li se tkompli u jkun tassew ħaġa paradossali jekk l-Lega Calcio terġa’ tbaxxi rasha għall-kapriċċi ta’ Napoli.
Matthew Scerri
Erġajna bis-soltu teatrin!
L-istorja ta’ Juventus-Napoli tal-4 ta’ Ottubru li għadda se tirrepeti ruħha llum. Fis-6.30 p.m. hemm Lazio-Torino biss it-tim ta’ Torino mhux se jinżel għal-logħob minħabba li l-ASL ordnatilhom jibqgħu Turin hekk kif hemm diversi każijiet ta’ Covid-19 fi ħdan it-tim. Ilbieraħ deher li l-partita se tiġi posposta biss fuq pressjoni ta’ xi Presidenti tal-klabbs tas-Serie A l-Lega Calcio kellha tieħu d-deċiżjoni li l-partita għandha tintlagħab xorta waħda. Dan ifisser li Lazio se jingħataw rebħa walk-over u mbagħad Torino se jappellaw u se jirbħu l-Appell eżatt kif għamlu Napoli. Il-futbol Taljan il-veru ma jieqafx jaqa’ għaċ-ċajt iktar minn hekk! La hemm periklu ta’ saħħa l-partita kellha tiġi posposta u ladarba diġà rajna t-teatrin ta’ Juventus-Napoli, il-veru ma nistgħux nifhmu x’sens fiha din id-deċiżjoni tal-Lega Calcio li ma jipposponix il-partita!!
Matthew Scerri
Il-plejers Juventini mgħajta għall-partita kontra Spezia
Pirlo rkupra lil Morata u lil Fagioli għall-partita tal-lejla kontra Spezia. Il-plejers kollha mgħajta huma:
Gowlers: Szczesny, Pinsoglio, Buffon.
Difensuri: De Ligt, Alex Sandro, Danilo, Demiral, Di Pardo, Dragusin, Frabotta.
Plejers ta’ nofs il-grawnd: Ramsey, McKennie, Chiesa, Rabiot, Bentancur, Bernardeschi, Fagioli, Kulusevski, Peeters.
Attakkanti: Ronaldo, Morata, Aké.
Matthew Scerri
Ir-referees tal-partiti tal-25 Ġurnata tas-Serie A
It-Tlieta 2 ta’ Marzu 2021, 6.30 p.m.
Lazio-Torino: Piccinini
It-Tlieta 2 ta’ Marzu 2021, 8.45 p.m.
Juventus-Spezia: Sacchi
L-Erbgħa 3 ta’ Marzu 2021, 6.30 p.m.
Sassuolo-Napoli: Marini
L-Erbgħa 3 ta’ Marzu 2021, 8.45 p.m.
Atalanta-Crotone: Sozza
Benevento-Verona: Ayroldi
Cagliari-Bologna: Di Bello
Fiorentina-Roma: Calvarese
Genoa-Sampdoria: Pairetto
Milan-Udinese: Massa
Il-Ħamis 4 ta’ Marzu 2021, 8.45 p.m.
Parma-Inter: Pasqua
Matthew Scerri