Bejn plusvalenze u bidliet fit-tmexxija tal-klabb. Xahrejn kruċjali għall-futur ta’ Juventus

/in /by

Ftit tal-ġimgħat ilu, fl-istqarrija dwar l-approvazzjoni tal-accounts tagħhom mill-Bord tad-Diretturi konna qrajna li minħabba s-sitwazzjoni finanzjarja attwali Juventus jaf kien se jkollhom ibigħu xi plejers. Kitbuha huma stess u ma kinitx xi analiżi tal-ġurnalisti. Is-sitwazzjoni kompliet marret għall-agħar hekk kif Juventus inqalgħu miċ-Champions League. Is-sitwazzjoni finanzjarja ta’ Juventus mhix gravissima daqskemm ħafna qed isostnu u m’hemm l-ebda riskju ta’ falliment peress li l-proprjetajiet li għandhom u l-valur tal-plejers jagħmel tajjeb għad-dejn li nħoloq. Però hu evidenti li f’dan l-istadju Juventus iridu bilfors ibigħu numru ta’ plejers u jagħmlu l-hekk imsejħa plusvalenze ħalli jżommu s-sitwazzjoni taħt kontroll f’perjodu ta’ inċertezza marbut ukoll mal-Covid-19. Diversi siti u gazzetti qed isemmu li sat-30 ta’ Ġunju (meta tintemm is-sena finanzjarja tal-klabbs Taljani) Juventus iridu jagħmlu bejn 80 u 100 miljun f’plusvalenze. L-ismijiet nafuhom: Rabiot, Ramsey, il-plejers iż-żgħar tipo Frabotta, kif ukoll il-ħafna plejers li hemm mislufin (Costa u De Sciglio fuq kulħadd). Ma’ dawn hemm anki Dybala li forsi hu l-uniku plejer li jista’ jinbigħ għal somma għolja. Xejn impossibbli. Il-problema hi u se tibqa’ marbuta mad-diriġenza. Hu open secret li xi ħaġa qed tinħema u hu probabbli ferm li Agnelli, Paratici u Nedved jitilqu lil Juventus das-sajf. Jekk il-bidla se ddum ma sseħħ, mhuwiex eskluż li dawn il-plusvalenze jaf jilħqu ma jsirux. Hu għaldaqstant importanti li s-sidien ta’ Juventus ma jdumux ma jieħdu d-deċiżjoni dwar min se jmexxi lill-klabb fl-istaġun li jmiss. Nasal ngħid li iktar mill-bidla ta’ Pirlo, illum hu fundamentali li jkun deċiż jekk Agnelli-Nedved-Paratici humiex se jibqgħu u jekk le, min se jidħol minflokhom. S’issa ħlejna staġun … nisperaw li dawn ix-xahrejn li fadal jintużaw biex jitpoġġew il-bażijiet għas-sena d-dieħla!

Matthew Scerri

Chiesa hu l-Aqwa Plejer ta’ Torino-Juventus

/in /by

Federico Chiesa ġie magħżul mill-qarrejja tal-website tagħna bħala l-Aqwa Plejer tal-partita bejn Torino u Juventus. Fil-votazzjoni li saret online hu kiseb 74% tal-voti, segwit minn Ronaldo b’8% tal-voti. Grazzi lil kulmin ħa sehem!

Matthew Scerri

Plejer ta’ Torino pożittiv għall-Covid-19

/in /by

Plejer ta’ Torino nstab pożittiv għall-Covid-19. Ma nafux min hu u allura m’għandniex idea jekk lagħabx nhar is-Sibt. Ovvjament Juventus se jistennew b’ħerqa l-iswab tests t’għada biex jaraw jekk għandhom iktar plejers bil-virus.

Hemm għidut li l-plejer ta’ Torino bil-virus hu Sirigu. Jekk hu hekk probabbli li ħa l-virus waqt li kien mat-tim nazzjonali. B’kollox hemm ħames plejers, fosthom Bonucci, li marru lura mal-klabbs rispettivi tagħhom bil-virus. Sirigu jah hu s-sitt wieħed. Tajjeb ngħidu li nhar is-Sibt Sirigu kien fil-grawnd u la lagħab ifisser li sa dakinhar filgħodu kien negattiv għall-iswab test. Nafu uimma li l-virus għandu incubation period ta’ erbatax-il ġurnata u li t-test jaqbad il-virus biss meta jkun wasal f’ċertu stadju. Nittamaw li hu (jew jekk mhux hu, sieħbu tat-tim) ifiq ma jdumx u jalla li ma għaddiex il-virus la lil sħabu u lanqas lil xi ħadd mit-tim Juventin.

Matthew Scerri

Allegatament John Elkann talab lil Andrea Agnelli ma jibqax President ta’ Juventus

/in /by

Il-ġurnalist Paolo Bargigga qed jirraporta b’mod esklussiv li Andrea Agnelli kellu laqgħa ma’ John Elkann. Allegatament matul il-laqgħa Elkann talab lil Agnelli biex ma jibqax President ta’ Juventus. Elkann, li jmexxi l-EXOR li tamministra l-patrimonju kollu tal-Familja Agnelli, għandu kull dritt jagħmel dit-talba. Fi ħdan il-Familja Agnelli min imexxi l-Exor hu dak li jikkmanda u għandu poter deċiżjonali assolut fuq il-patrimonju tal-Agnelli. Min-naħa tiegħu Andrea Agnelli ma ħax gost bit-talba ta’ Elkann u għamel kontroproposta li jingħata t-tmexxija tal-Ferrari minflok dik ta’ Juventus. Fl-istess laqgħa, allegatament Elkann ippropona lil Andea Agnelli biex jixtri l-ishma li Exor għandhom fil-klabb Juventin u hekk ikollu l-kontroll assolut tal-klabb.

Wieħed irid jara jekk din l-aħbar hix vera. Li nafu hu li ilna xhur nisimgħu li jista’ jkun hemm bidla fil-Presidenza ta’ Juventus. Ilu jissemma li Andrea Agnelli għandu l-ambizzjoni li jieħu f’idejh it-tmexxija tal-Ferrari. U biex ngħidu kollox hu open secret li bejn John Elkann u Andrea Agnelli r-relazzjoni mhix xi waħda tajba ħafna. Jiġri x’jiġri nisperaw li jkun ta’ ġid għat-tim!

Matthew Scerri  

Allegri mistieden għand Agnelli?

/in /by

Il Giornale żvela li Massimiliano Allegri ra d-Derby ta’ Turin fuq it-tv meta kien mistieden fil-villa ta’ Andrea Agnelli f’Forte dei Marmi. Din l-aħbar, li la hi konfermat u lanqas miċħuda, qed tiġi interpretata bħala sinjal li Agnelli qed jikkunsidra li jkeċċi lil Pirlo. Hemm ħafna għidut li kjekk Juventus kjitilfu kontra Napoli, il-Bianconeri lesti jibdlu l-kowċ għall-aħħar partiti tal-kampjonat. Ovvjament jista’ jkun li Allegri kien mistieden ta’ Agnelli biss għax għadhom ħbieb u jaf m’hemm ebda konnessjoni mal-futur ta’ Pirlo. Iż-żmien jgħidilna eżattament x’se jiġri.

Matthew Scerri

Dybala, Arthur u McKennie lura għat-training

/in /by

Il-kastig ta’ Arthur, McKennie u Dybala wasal fi tmiemu hekk kif illum, f’jum l-Għid, għandna rapporti li ttrenjaw mal-bqija ta’ sħabhom. Suppost se jkunu mgħajta għall-partita kontra Napoli ta’ nhar l-Erbgħa għalkemm biex ngħidu kollox fl-aħħar jumejn kien hemm għidut mhux konfermat li Arthur jinsab muġugħ u se jkollu jibqa’ barra mill-azzjoni għal għaxart ijiem.

Matthew Scerri

Damsgaard segwit b’interess minn Juventus u Inter

/in /by

Mikkel Damsgaard hu wieħed minn dawk il-plejers li qed ikun segwit minn Juventus u Inter. Hu kellu staġun tajjeb ma’ Sampdoria u jista’ jkun utli fil-proċess ta’ tiġdid li Juventus għandhom ippjanat. Il-prezz li Sampdoria qed jitolbu għalih hu ta’ bejn 20 u 25 miljun Ewro. F’dan l-istadju nifhmu li Juventus u Inter qed isegwuh u eventwalment se jiddeċiedu iktar ‘il quddiem għandhomx iressqu offerta għalih.

Matthew Scerri

Chiellini: “Jien u Buffon m’aħna qatt se nkunu problema għal Juventus”

/in /by

“Ninsab sorpriż bl-għidut dwar il-futur tiegħi. Mhix problema u lanqas qed naħseb fuqha. Għadni ma ddeċidejtx u ninsab ikkunċentrat immens fuq il-preżent tant li qed naħseb diġà f’nhar l-Erbgħa. Għadni ma ddeċidejtx u xejn mhu se jinbidel sa tmiem l-istaġun. Wara naraw x’se jiddeċidi l-klabb. Chiellini u Buffon mhuma qatt se jkunu problema għal Juventus!” Hekk tkellem Giorgio Chiellini fi tmiem id-Derby ta’ Turin.

Matthew Scerri

L-ewwel paġni tal-gazzetti Taljani (4 ta’ April 2021)

/in /by

 Qed inwasslulkom l-ewwel paġni tal-gazzetti Taljani tal-isports tal-lum l-4 ta’ April 2021.