Juventus iħossu l-kriżi u allegatament se jkellmu lill-plejers dwar il-pagi tagħhom

/in /by

Rapporti mhux konfermati mill-klabb qed isostnu li allegatament Juventus talbu lill-plejers li jaċċettaw li jirċievu b’daqsxejn dewmien il-ħlas tal-aħħar erba’ pagi. Skont Il Corriere dello Sport Juventus qed iħossu l-piż tal-kriżi finanzjarja (speċjalment issa li nqalgħu miċ-Champions League) u jeħtiġilhom ibigħu xi plejers fis-sajf sabiex ikunu jistgħu jagħmlu tajjeb għall-pagi u l-ħlas amministrattiv l-ieħor għall-perjodu Marzu-Ġunju 2021. Il-gazzetta qed tikteb li Juventus iridu jagħmlu 100 miljun Ewro fi plusvalenze sal-aħħar ta’ Ġunju biex il-kotba tagħhom ikunu f’posthom.

Matthew Scerri

Is-supporters jibagħtu messaġġ lit-tim Juventin

/in /by

Is-supporters Juventini bagħtu messaġġ ċar lit-tim tal-qalb tagħhom hekk kif ilbieraħ feġġ streamer kbir ma’ wieħed mill-kanċelli tal-Allianz Stadium. L-istreamer jgħid: “Għandkom għal qalbkom biss is-social media, l-isponsors u l-miljuni. Aħsbu fid-Derby! Oħorġu l-attributi!!”

Il-kuntratt ta’ Donnarumma jintemm tliet xhur oħra

/in /by

Tliet xhur oħra jasal fi tmiemu l-kuntratt ta’ Gigio Donnarumma ma’ Milan. S’issa kollox jindika li t-taħdidiet tal-klabb mal-aġent Raiola ma wasslu imkien. Milan ressqu żewġ offerti: paga ta’ 7 miljuni l-ewwel u wara tellgħu l-offerta għal 8 miljuni fis-sena. Raiola qed ikompli jinsisti li jrid 10 miljuni fis-sena. F’dawn il-ġranet qed jissemma ħafna li Donnarumma jista’ jkun il-gowler il-ġdid tar-Rossoneri għalkemm tajjeb ngħidu li hu stess dejjem stqarr pubblikament li jħossu marbut ma’ Milan u jrid ikompli jiddefendi l-lasti tagħhom.

Matthew Scerri

Tliet ismijiet għan-nofs il-grawnd ta’ Juventus

/in /by

M’hemm ebda dubju li Juventus das-sajf se jkunu ferm attivi fis-suq tat-trasferimenti. Speċjalment f’nofs il-grawnd Juventus jeħtieġu taqlib kbir. Qed jissemma ħafna Locatelli, b’investiment ta’ madwar 40 miljun Euro min-naħa ta’ Juventus. Barra minn hekk qed jissemmew ukoll Donny van de Beek (Manchester United) u Jorginho (Chelsea).

Matthew Scerri

Il-plejers mgħajta għad-Derby

/in /by

Il-plejers Juventini mgħajta għad-Derby huma:

Gowlers: Szczesny, Pinsoglio, Israel
Difensuri: Chiellini, de Ligt, Alex Sandro, Danilo, Cuadrado, Di Pardo, Dragusin, Frabotta, De Marino
Plejers ta’ nofs il-grawnd: Ramsey, Chiesa, Rabiot, Bentancur, Bernardeschi, Fagioli, Kulusevski
Attakkanti: Ronaldo, Morata, Felix Correia

Matthew Scerri 

L-ewwel paġni tal-gazzetti Taljani (3 ta’ April 2021)

/in /by

 Qed inwasslulkom l-ewwel paġni tal-gazzetti Taljani tal-isports tal-lum it-3 ta’ April 2021.

Bħal-lum fil-passat (3 ta’ April)

/in /by

Fit-3 ta’ April 1966 Juventus lagħbu Derby kontra Torino, f’partita li ntemmet bl-iskor ta’ 0-0. Dawn hu l-filmat ta’ dik il-partita.

Kif x’aktarx se jilagħbu Torino u Juventus

/in /by

Torino (3-5-2): Sirigu; Izzo, Buongiorno, Bremer; Ansaldi, Rincon, Mandragora, Baselli, Murru; Sanabria, Belotti.

Juventus (4-4-2): Szczesny; De Ligt, Chiellini, Alex Sandro; Cuadrado, Ramsey, Danilo, Bentancur, Chiesa; Morata, Ronaldo.

Sors: Calciomercato.com

Milik se jitlaq lil O. Marseille das-sajf

/in /by

Milik mistenni jitlaq lil O. Marseille das-sajf. Skont L’Equipe, il-klabb Franċiż lest ibigħu għal somma bejn 12 u 15-il miljun Ewro sabiex ikun jista’ jagħmel plusvalenza li tgħinhom ipoġġu l-accounts tagħhom f’psothom. Juventus għadhom interessati f’Milik u jidhru disposti li jaslu sa massimu ta’ 15-il miljun Ewro biex jiksbu s-servizzi tiegħu.

Matthew Scerri

La Juve siamo noi. Ħaqqna rispett u mhux iktar dardir!

/in /by

M’hemmx għalfejn ngħidu li l-aħbar tal-ikla jew festa fir-residenza ta’ McKennie kienet daqqa ta’ ħarta oħra għas-supporters Juventin fi staġun tassew tqil u fastidjuż. Iċ-ċiklu wasal fi tmiemu u bħalma jiġri f’każijiet bħal dawn, it-tim kollu qed jintelaq. Dis-sena rarissimu rajna partita tat-tim tal-qalb tagħna u ħadna verament gost. Nemmen li ħafna plejers ma tawx l-almu tagħhom. Rajna ħafna partiti mitlufa minħabba żbalji stupidi li llum lanqas it-tfal fin-nurseries m’għandhom jagħmlu. Ma tistax tirbaħ tajjeb. Dan hu fatt li qatt ma ċħadna. Li ma nistgħux inġerrħu iktar hu l-atteġġament tal-plejers ġewwa u barra l-grawnd. Ħalli titlef, imma f’ġieħ kemm hemm għandna kull dritt nitolbu li l-plejers jitfgħu qalbhom fil-grawnd. Għandna d-dritt nitolbu li l-plejers jilagħbu għall-flokk. Għandna d-dritt nitolbu li barra l-grawnd il-plejers iġibu ruħhom b’mod diċenti. Kulħadd hu liberu li jagħmel li jrid fil-ħajja privata tiegħu, imma hemm limitu għal kollox. Li tliet plejers jiddeċiedu li jinġabru ma’ nies oħra (10 jew 20, min jaf kemm kienu) għal ikla sa tard billejl meta fl-Italja hemm curfew hi ħaġa inaċċettabbli. Hemm rapporti li għal din l-ikla/festa xi xhieda raw taxis bi tfajliet deħlin fir-residenza ta’ McKennie. Hemm stejjer li McKennie għal siegħa sħiħa ma ħalliex lil Carabinieri jidħlu fid-dar tiegħu. ksur ta’ liġi sfaċċat u ripetut. Dan kollu hu tal-mistħija, speċjalment meta wieħed iqis li partijiet kbar tal-Italja u tad-dinja ilhom iktar minn sena b’restrizzjonijiet kbar minħabba l-imxija tal-Covid. Il-qżież m’hemmx iktar postu ma’ Juventus! It-tim li rridu nibdew nibnu s-sena d-dieħla jrid ikun ibbażat mhux biss fuq it-talent imma anki fuq l-imħabba li l-plejers għandhom lejn it-tim. Li fil-ġimagħtejn ta’ wara t-telfa umiljanti kontra Benevento plejer bħal Dybala jdarras lis-supporters l-ewwel b’filmat fuq Instagram fejn jidher jikkummiedja mal-partner tiegħu u wara jinqabad f’din l-ikla/festa hi ħaġa tal-mistħija! Jien wieħed minn dawk li lil Dybala nħobbu immens u nemmen li dan l-istaġun morna ħażin anki għax ma kienx hemm hu fil-grawnd. Biss issa nqabeż kull limitu u ma naħsibx li qed juri li Juventus għadhom prijorità għalih. Moħħu iktar fil-ħajja privata u Juventus jixirqilhom aħjar minn hekk!!

Matthew Scerri