Bħal-lum fil-passat (1 ta’ April)
Fl-1995 Juventus għelbu lil Milan f’partita li prattikament immarkat it-tmiem tad-dominju ta’ Milan fl-Italja u tat bidu lill-epoka tad-deheb tal-Juventus ta’ Lippi.
Audero jitkellem dwar l-għidut tas-suq tat-trasferimenti
Emil Audero tkellem dwar dak kolu li qed jingħad fuqu, speċjalment l-aħbarijiet li klabbs kbar fosthom Juventus jinsabu interessati fih. Audero sostna li jinsab kuntent ħafna b’dan l-għidut peress li jfisser li fl-aħħar sentejn kellu l-opportunità jsir gowler aħjar ma’ Sampdoria. Fl-istess ħin sostna anki li hu jrid jibni l-futur billi jaħseb fil-preżent. Fi kliem ieħor hu se jkompli jaħdem jum wara jum biex jgħin lil Sampdoria jilħqu l-miri tagħhom u hekk juri li ħaqqu jilgħab f’tim importanti.
Matthew Scerri
Destinazzjoni ġdida għal Romagnoli?
Dan jista’ jkun l-aħħar staġun ta’ Alessio Romagnoli ma’ Milan. Bħalissa Raiola jinsab f’taħdidiet ma’ Milan hekk kif il-kuntratt ta’ Romagnoli jiskadi fl-2022. It-talba tal-plejer hi li l-paga tiegħu titla’ minn 3.5 għal 6 miljuni fis-sena. Ir-Rossoneri ma tantx jidhru disposti li jikkuntentawh. Anzi, skont La Gazzetta dello Sport, Milan lesti jbigħuh jekk taslilhom offerta ta’ 20 miljun Ewro għalih. It-timijiet interessati huma Juventus, Barcellona u Chelsea.
Matthew Scerri
Ħafna xnigħat dwar Dybala
L-għidut dwar il-futur ta’ Dybala mhuma jieqfu xejn. Bħalissa qed jissemma b’saħħa li Tottenham lesti jressqu offerta tajba lil Juventus għall-istilla Arġentina. Sorsi oħra qed isostnu li Juventus jaf se jkunu qed ipartuh ma’ Dembele jew Griezmann das-sajf.
Matthew Scerri
Juventus f’kuntatt mal-aġenti ta’ Aguero
Juventus, PSG u Barcellona huma t-tliet timijiet li bħalissa jinsabu l-aktar interessati f’li jiksbu lil Sergio Aguero. L-Arġentin se jkun qed jitlaq lil Manchester City das-sajf hekk kif jintemmlu l-kuntratt. Skont La Gazzetta dello Sport Juventus kellhom kuntatt mal-aġenti tiegħu, għalkemm s’issa l-Bianconeri għad ma ressqulu ebda offerta.
Matthew Scerri
Demiral ilu ġimgħa pożittiv!
Tuttosport qed tirraporta li Merih Demiral bħalissa jinsab f’kwarantina f’lukanda f’Istanbul. Jidher li hu ilu ttestja pożittiv għal Covid-19 ġimgħa ilu tant li nhar il-Ħamis li għadda hu ma lagħabx kontra l-Olanda proprju minħabba l-virus. Wieħed irid jara issa jekk Juventus humiex se jħalluh it-Turkija jew inkella huwiex se jorganizzaw titjira privata simili għal dik ta’ Ronaldo ftit tax-xhur ilu biex jinġieb Turin.
Matthew Scerri
Ikkonfermat li O. Lyon lesti jixtru lil De Sciglio, għalkemm …
Sky ħadu kumment mingħand l-aġent Giovanni Branchini li kkonferma li O. Lyon huma intenzjati li jixtru għal kollox lil Mattia De Sciglio. Madankollu, O. Lyon qed iħossu l-kriżi finanzjarja u jaf ma jkollhomx ir-riżorsi biex jixtruh għal kollox fis-sajf.
Matthew Scerri
Rapporti li Demiral hu pożittiv għall-Covid-19
Sal-mument li fih qegħdin niktbu għad m’hemm l-ebda konferma min-naħa ta’ Juventus. Madankollu diversi sorsi qed jirrapurtaw li Merih Derimal ittestja pożittiv għall-Covid-19. Hu għaldaqstant se jitlef żgur il-partiti fl-għaxart ijiem li jmiss kontra Torino, Napoli u Genoa.
Matthew Scerri
L-ewwel paġni tal-gazzetti Taljani (31 ta’ Marzu 2021)
Qed inwasslulkom l-ewwel paġni tal-gazzetti Taljani tal-isports tal-lum il-31 ta’ Marzu 2021.
L-aġent isostni li Chiellini ma jridx jirtira għalissa
“S’issa mhemmx ħjiel li se jirtira.” L-aġent Davide Lippi kien ċar fi kliemu dwar il-futur ta’ Giorgio Chiellini. Skontu s’issa m’hemmx taħdidiet ma’ Juventus sabiex Chiellini jiffirma kuntratt ġdid mal-Bianconeri. Lippi sostna li hu diffiċli li wieħed jimmaġina lil Chiellini bi flokk ieħor, biss żied li jekk plejer professjonali jħoss li għandu jkompli jilgħab, m’għandux għalfejn ma jikkunsidrax offerti oħra.
Matthew Scerri