Pjanic: “Sarri ma kellux fiduċja fina”

/in /by

F’intervista mogħtija lil Tuttosport, Miralem Pjanic kellu l-opportunità jgħid tiegħu dwar Maurizio Sarri. Skontu, Sarri qatt ma kellu fiduċja fil-plejers Juventini u dan wassal biex qatt ma kien hemm dik l-ispark bejnu u bejn il-plejers li twassal għar-riżultati. Fi kliem Pjanic, Sarri ma emminx biżżejjed fil-plejers li kellu għad-dispożizzjoni tiegħu u dan fixkel mhux ftit lit-tim. Minkejja kollox, però, it-tim xorta waħda rnexxilu jirbaħ il-kampjonat, li mhi qatt ħaġa faċli.

Matthew Scerri

Kif x’aktarx se jilagħbu Juventus u Verona

/in /by

Juventus (3-4-1-2): Szczesny; Danilo, Bonucci, Demiral; Cuadrado, Arthur, Bentancur, Frabotta; Kulusevski; Dybala, Morata.

Verona (3-4-2-1): Silvestri; Lovato, Ceccherini, Empereur; Faraoni, Vieria, Ilic, Lazovic; Tameze, Zaccagni; Di Carmine.

Sors: Sportmediaset

Inċident għal missier Kulusevski

/in /by

Missier Dejan Kulusevski kellu inċident bil-karozza personali tiegħu ftit ‘il bogħod mill-Continassa. Hu nqaleb bl-SUV tiegħu anki jekk b’xorti tajba ma weġġgħax. Is-Sur Kulusevski mar il-Continassa biex jiġbor lil ibnu u jieħdu d-dar wara li waslet fi tmiemha l-kwarantina volontarja tat-tim Juventin kollu.

Matthew Scerri

Inter interessati ferm f’Dybala

/in /by

Il-ftehim bejn Juventus u Paulo Dybala għall-kuntratt il-ġdid tiegħu għadu ma nstabx. It-taħdidiet ilhom għaddejjin iktar minn sena u l-ispekulazzjonijiet mhuma jieqfu xejn. Pubblikament Paratici dejjem stqarr li Juventus iridu jibnu lit-tim tagħhom madwar Dybala anki fis-snin li ġejjin. Anki Pirlo tkellem f’das-sens. Madankollu l-media ma tantx qed temminhom. Kif għidna hemm ħafna għidut dwar il-futur tiegħu. Qed jingħad pereżempju li Inter lesti jressqu offerta għalih fl-eventwalità li jirċievi offerta tajba għal Lautaro. X’se jiġri verament? Irridu nistennew u naraw.

Matthew Scerri

L-ewwel paġni tal-gazzetti Taljani (24 ta’ Ottubru 2020)

/in /by

Qed inwasslulkom l-ewwel paġni tal-gazzetti Taljani tal-isports tal-lum l-24 ta’ Ottubru 2020.

Intemmet il-kwarantina tat-tim Juventin

/in /by

Wasal fi tmiemu l-iżolament ‘fiduciario’ tat-tim Juventin hekk kif għaddew l-għaxart ijiem tal-kwarantina skont ma titlob il-liġi Taljana. Il-perjodu ta’ iżolament kien beda hekk kif McKennie kien instab pożittiv għall-Covid.

Matthew Scerri

McKennie fieq!

/in /by

Weston McKennie fieq mill-Covid-19. Hu ttestja negattiv fl-aħħar swab test li sarlu lbieraħ. L-aħbar tal-fejqan ta’ McKennie ngħatat direttament minn Juventus. Skont il-protokoll tal-FIGC, McKennie se jkun jista’ jilgħab għada kontra Verona. S’issa m’hemm l-ebda aħbar ġdida dwar Ronaldo u nifhmu li għadu pożittiv għax li kieku fieq, żgur kienet tingħata l-aħbar flimkien ma’ dik ta’ McKennie.

Matthew Scerri

Bħal-lum fil-passat (24 ta’ Ottubru)

/in /by

Helmut Haller kien skurja l-gowl li bih Juventus għelbu lil Atalanta bħal-lum fl-1971. Il-filmat t’hawn taħt iwasslilkom l-aqwa siltiet ta’ dik il-partita.

Perez lest ikeċċi lil Marcelo

/in /by

Florentino Perez jidher li jinsab imxebba’ b’ċerta plejers li hemm fit-tim tiegħu. Fost dawn hemm Marcelo. Don Balon qed jirrapurtaw li wara t-telfa kontra Shakhtar, Perez ħadha ma’ Marcelo u qallu li f’Jannar se jbigħu. Bħal dejjem qed jisemmew Juventus bħala d-destinazzjoni l-aktar probabbli għalih peress li Marcelo hu ħabib kbir ta’ Ronaldo.

Matthew Scerri