Arthur hu t-tieni l-aktar plejer li sewa flus fl-Ewropa

/in /by

Is-sit Fichajes.net ippubblika l-klassifika tal-aktar ħames trasferimenti li swew flus das-sajf fl-Ewropa. Fl-ewwel post insibu lil Kai Havertz li Chelsea xtraw għal 80 miljun. Warajh hemm l-akkwist ta’ Juventus, Arthur, li sewa 72 miljun. Fit-tielet post Osimen ta’ Napoli (70 miljun), li kien jiswa ftit iktar minn Ruben Dias (Manchester City ħallsu 68 miljun għalih). Fil-ħames post, imbagħad, hemm l-akkwist ta’ Pjanic għal 60 miljun Ewro min-naħa ta’ Barcellona.

Matthew Scerri

Il-plejers Bianconeri qed jistennew ir-riżultati tal-iswab tests qabel jingħaqdu mat-timijiet nazzjonali

/in /by

Għall-kuntrarju tal-allegazzjonijiet ippubblikati mill-Gazzetta dello Sport, Bonucci u Chiellini għadhom fil-JHotel u mhux se jmorru Coverciano mat-tim nazzjonali Taljan qabel joħroġ ir-riżultati tal-iswab tests li sarilhom mill-ġdid. Għada se jkun hemm swab tests oħra u jekk kollox ikun negattiv, Juventus ikunu jistgħu jwaqqfu l-iżolament ‘fiduciario’ tagħhom wara li s-Sibt nstabu żewġ ħaddiema pożittivi. Il-plejers Bianconeri l-oħra li huma mgħajta mat-timijiet nazzjonali tagħhom, illum ingħataw il-permess li jitilqu mill-JHotel u jmorru fid-djar tagħhom. Jekk l-iswab test tagħhom ikun negattiv, allura l-awtoritajiet se jkunu jistgħu joħorġulhom il-permessi biex imorru mat-timijiet nazzjonali rispettivi.

Matthew Scerri

Juventus-Napoli. Ebda deċiżjoni s’issa

/in /by

Għadha ma ttieħdet ebda deċiżjoni dwar il-partita Juventus-Napoli. L-għidut tal-ġurnata kien li l-inkjesta tal-FIGC tista’ twassal biex Napoli jitilfu xi punti fil-klassifika biss ma tingħatax rebħa walkover lil Juventus. Jekk verament dan ikun hekk, allura jkun ifisser li Juventus-Napoli jkollha tintlagħab darb’oħra u qed tissemma d-data tat-13 ta’ Jannar, erbat ijiem qabel il-big match kontra Inter. Kif dejjem għidna din il-kwistjoni hi kumplessa ferm. Li hu ċert hu li jekk dak li ġie rrapurtat illum hu minnu, allura verament il-futbol Taljan ikun qed jerġa’ jaqa’ għar-ridikolu. La hemm regola u Napoli jinstabu ħatja li kisru dir-regola, għandhom jeħlu l-piena li r-regolament stess jikkontempla għall-ksur ta’ din ir-regola, jiġifieri telfa walkover. M’aħniex kontra li l-partita terġa’ tintlagħab għax aħna nħobbu nirbħu fil-grawnd, imma lanqas nistgħu naċċettaw minn jgħaddina minn għajn il-labra. Il-kwistjoni hi sempliċi: Napoli kellhom jew ma kellhomx dritt ma jmorrux Turin. Jekk kellhom dritt, hu sewwa u xieraq li l-partita terġa’ tintlagħab. Jekk ma kellhomx dritt, allura jridu jingħataw telfa walkover kif jitlob ir-regolament. Kull deċiżjoni oħra tkun biss buffunata!

Matthew Scerri

Ħadd iktar ta’ Napoli ma hu pożittiv

/in /by

L-iswab tests li saru lbieraħ għall-plejers u l-istaff kollu ta’ Napoli taw kollha riżultat negattiv. Dan ifisser li ħadd iktar minn Napoli s’issa ma ħa l-virus tal-Covid-19.

Matthew Scerri

Khedira barra mil-lista taċ-Champions League

/in /by

Juventus żvelaw il-lista ta’ plejers li għaddew lill-Uefa u li se jużaw għall-partiti tan-knock-out. Fil-lista hemm isem Frabotta imma Khedira tħalla barra.

Il-lista hi magħmula minn dawn il-plejers:

1 Szczesny 3 Chiellini 4 de Ligt 5 Arthur 7 Ronaldo 8 Ramsey 9 Morata 10 Dybala 12 Alex Sandro 13 Danilo 14 McKennie 16 Cuadrado 19 Bonucci 22 Chiesa 25 Rabiot 28 Demiral 30 Bentancur 31 Pinsoglio 33 Bernardeschi 38 Frabotta 39 Portanova 44 Kulusevski 77 Buffon

Matthew Scerri

L-ewwel paġni tal-gazzetti Taljani (6 ta’ Ottubru 2020)

/in /by

Qed inwasslulkom l-ewwel paġni tal-gazzetti Taljani tal-isports tal-lum is-6 ta’ Ottubru 2020.

Ivvota: X’inhi l-opinjoni tiegħek dwar ix-xiri/bejgħ/self ta’ plejers min-naħa ta’ Juventus das-sajf?

/in /by

Għidulna kif taħsbuha dwar kif imxew Juventus fis-suq tat-trasferimenti das-sajf. Segwu l-ħolqa t’hawn taħt biex tgħidulna kif taħsbuha. Grazzi lil kulmin se jieħu sehem.

https://app.ex.co/stories/juvemm10/ivvota-x-inhi-l-opinjoni-tieg-ek-dwar-ix-xiri-bejg-self-ta-plejers-min-na-a-ta-juventus-das-sajf-

It-trasferimenti kollha ta’ Juventus das-sajf

/in /by

Is-suq tat-trasferimenti hu issa uffiċjalment magħluq. F’dis-sessjoni tas-sajf, Juventus kisbu lil Morata, Chiesa, McKennie u Arthur, flimkien ma’ Kulusevski li kien inxtara f’Jannar. Inxtara mill-ġdid anki Mandragora li tħalla b’self ma’ Udinese.

Telqu lil Juventus: Pjanic (Barcellona), Rugani (Rennes), Pellegrini (Genoa), Romero (Atalanta), Perin (Genoa), Pjaca (Genoa), Nicolussi Caviglia (Parma), De Sciglio (O.Lyon) u Douglas Costa (Bayern Munich). Ta’ min jgħid li, apparti Pjanic, il-plejers kollha imsemmija, ġew mislufa u mhux mibjugħa. Saru, imbagħad, diversi trasferimenti ta’ plejers mit-tim Under 23 u l-Primavera.

Apparti dawn telqu anki Matuidi u Higuain ma’ Inter Miami wara li xoljew il-kuntratt ma’ Juventus. Paratici naqas imma li jsib ftehim ma’ Khedira biex il-kuntratt tiegħu jkun itterminat qabel iż-żmien.

Matthew Scerri

Ramsey għalissa mhux se jingħaqad mat-tim nazzjonali

/in /by

L-FA ta’ Wales ħabbret li minħabba li l-plejers Juventini jinsabu f’iżolament ‘fiduciario’ wara li nstabu żewġ ħaddiema ta’ Juventus pożittivi għall-Covid, Ramsey għalissa mhux se jkun jista’ jingħaqad mat-tim nazzjonali. Hu se jitlef il-partita kontra l-Ingilterra u wara eventwalment ikun jista’ jingħaqad ma’ sħabu tat-tim nazzjonali.

Matthew Scerri

Uffiċjali: Chiesa hu plejer ta’ Juventus!

/in /by

Federico Chiesa hu uffiċjalment plejer ta’ Juventus. Hu ngħaqad b’self ma’ Juventus għal sentejn, bid-dritt jew l-obbligu għall-Bianconeri li jixtruh għal kollox fl-2022. Is-self f’das-sentejn se jkun imħallas 10 miljun Ewro ( 3 miljuni dis-sena u 7 miljuni s-sena d-dieħla). Fl-2022 Juventus se jkollhom id-dritt li jixtruh għal kollox, liema dritt isir obbligu jekk jintlaħqu ċerta miri f’dawn is-sentejn. Il-prezz tax-xiri se jkun ta’ 40 miljun Ewro, flimkien ma’ 10 miljuni oħra f’bonuses.

Matthew Scerri