Injury ieħor għal Chiellini
Giorgio Chiellini sofra injury muskolari ieħor waqt is-sessjoni ta’ taħriġ lejlet il-partita kontra Dynamo Kiev. Hu kważi żgur li, apparti l-partita t’għada, se jkollu jitlef anki d-Derby ta’ Turin.
Matthew Scerri
L-ewwel paġni tal-gazzetti Taljani (1 ta’ Diċembru 2020)
Qed inwasslulkom l-ewwel paġni tal-gazzetti Taljani tal-isports tal-lum l-1 ta’ Diċembru 2020.
De Ligt hu l-Aqwa Plejer ta’ Benevento-Juventus
Matthijs De Ligt ġie magħżul mill-qarrejja tal-website tagħna bħala l-Aqwa Plejer tal-partita bejn Benevento u Juventus. Fil-votazzjoni li saret online hu kiseb 35% tal-voti, segwit minn Morata b’24% tal-voti, filwaqt li fit-tielet post insibu lil Chiesa b’10% tal-voti. Grazzi lil kulmin ħa sehem.
Matthew Scerri
Ronaldo jrid lil Neves ma’ Juventus
Don Balon qed isostnu li Cristiano Ronaldo qed jagħmlu pressjoni biex Juventus jixtru lill-plejer ta’ nofs il-grawnd ta’ Wolves, Ruben Neves. Il-prezz tiegħu hu ta’ 50 miljun Ewro. Tajjeb ngħidu li Neves ilu snin jissemma ma’ Juventus u issa jidher li laħaq il-maturità meħtieġa biex jilgħab fi klabb importanti.
Matthew Scerri
Giroud għadu fil-mira ta’ Juventus u Inter
F’Jannar hu probabbli li Juventus se jippruvaw jixtru attakkant ieħor. L-isem li qed isir hu mill-ġdid ta’ Olivier Giroud. Juventus u Inter għadhom iriduh wara li għamlu tentattiv fis-sajf li għadda biex jixtruh. Chelsea, min-naħa tagħhom, jidhru lesti li jbigħuh.
Matthew Scerri
Ir-riżultati tal-partiti tad-9 Ġurnata tas-Serie A
Is-Sibt 28 ta’ Novembru 2020, 3.00 p.m.
Sassuolo-Inter 0-3
Is-Sibt 28 ta’ Novembru 2020, 6.00 p.m.
Benevento-Juventus 1-1
Is-Sibt 28 ta’ Novembru 2020, 8.45 p.m.
Atalanta-Verona 0-2
Il-Ħadd 29 ta’ Novembru 2020, 12.30 p.m.
Lazio-Udinese 1-3
Il-Ħadd 29 ta’ Novembru 2020, 3.00 p.m.
Bologna-Crotone 1-0
Milan-Fiorentina 2-0
Cagliari-Spezia 2-2
Il-Ħadd 29 ta’ Novembru 2020, 8.45 p.m.
Napoli-Roma 4-0
It-Tnejn 30 ta’ Novembru 2020, 6.30 p.m.
Torino-Sampdoria 2-2
It-Tnejn 30 ta’ Novembru 2020, 8.45 p.m.
Genoa-Parma 1-2
Matthew Scerri
Chiellini u Demiral lura għat-training mat-tim
Chiellini u Demiral illum ittrenjaw mal-kumplament ta’ sħabhom u għaldaqstant jidhru li rkupraw mill-injuries li sofrew fl-aħħar perjodu. Issa wieħed irid jara jekk Pirlo huwiex se jirriskjahom nhar l-Erbgħa kontra Dynamo, partita li sostanzjalment mhix wisq importanti minħabba li Juventus diġà għaddew għar-rawnd li jmiss, jew inkella jippreferixxix jagħtuhom ftit iktar jiem ta’ training u jilgħabhom fid-Derby.
Matthew Scerri
Stéphanie Frappart se tmexxi Juventus-Dynamo Kiev. L-ewwel mara li se tirreffja partita taċ-Champions League
Juventus-Dynamo Kiev se tkun partita storika. Fil-fatt l-Uefa għażlet lil Stéphanie Frappart biex tkun ir-referee tal-partita. Frappart se tkun l-ewwel referee mara li se tmexxi partita taċ-Champions League.
Matthew Scerri