Nicolussi Caviglia se jkun misluf lil Parma
Hans Nicolussi Caviglia daqt mistenni jitlaq lil Juventus. Hu se jkun misluf lil Parma fejn se jkollu opportunità ikbar li jilgħab b’mod regolari.
Matthew Scerri
Jitilqgħu għal dsatax il-plejers u l-membri tal-istaff ta’ Genoa morda bil-Covid-19
Telgħu għal dsatax il-plejers u membri tal-istaff ta’ Genoa pożittivi għall-Covid-19. L-aħħar tlieta li żdiedu huma l-plejers Miha Zajc u Petar Brlek, kif ukoll it-trainer tal-gowlers, Walter Bressan. Dan hu każ bla ebda preċedent fi ħdan tim tal-futbol.
Matthew Scerri
Tnejn ta’ Napoli pożittivi għall-Covid-19
Napoli ħabbru li Zielinski u membru tal-istaff tekniku nstabu pożittivi għall-Covid-19 wara t-testijiet li sarulhom lbieraħ. Għada se jsiru aktar testijiet qabel it-tim ta’ Napoli jibda jivvjaġġa lejn Turin.
Matthew Scerri
Juventus qrib li jsibu ftehim għal Chiesa
Illum tista’ tkun ġurnata deċiżiva fin-negozjati għat-tasferiment ta’ Federico Chiesa ma’ Juventus. Kollox jindika li Juventus u Fiorentina resqin lejn ftehim. Il-valur komplessiv ta’ Chiesa se jkun ta’ 60 miljun, bonuses inklużi, bl-ewwel sentejn ikunu self u fit-tielet sena jkun hemm xiri għal kollox. L-ikbar problema f’dan l-istadju hi marbuta ma’ Douglas Costa. Il-Brażiljan ma jridx jaf li jitlaq sakemm ma tasallux offerta minn klabb kbir. Jekk ma’ jitlaqx Costa, Juventus mhux se jkunu jistgħu jiffirmaw lil Chiesa.
Matthew Scerri
Costa ma jridx jitlaq sakemm …
Skont Calciomercato.com Douglas Costa għarraf lil Juventus li hu mhux se jaċċetta trasferimenti ma’ klabbs oħra sakemm ma jkunux top Clubs Ewropej. Fi kliem ieħor hu mhux se jitlaq sakemm ma jiġix għalih tim ta’ livell għoli. F’dan l-istadju hu tassew probabbli li Juventus ikollhom iżommu lil Douglas Costa u ma jkunux jistgħu jieħdu lil Chiesa minflok.
Matthew Scerri
L-Uefa b’deċiżjoni importanti dwar id-dħul ta’ nies fl-istadiums
L-Uefa ddeċidiet fil-partiti tal-kompetizzjonijiet Ewropej se jkun permess li kull stadium jilqa’ fih numru ta’ supporters sa massimu ta’ 30% tas-seating capacity. L-aħħar kelma, ovvjament, se tkun f’idejn l-awtoritajiet lokali. Fl-Italja l-Kumitat Tekniku Xjentifiku s’issa għadu qed jipponi li jidħlu iktar minn elf persuna fl-istadiums minħabba s-sitwazzjoni medika fil-pajjiż.
Matthew Scerri
L-ewwel paġni tal-gazzetti Taljani (2 ta’ Ottubru 2020)
Qed inwasslulkom l-ewwel paġni tal-gazzetti Taljani tal-isports tal-lum it-2 ta’ Ottubru 2020.
Paratici: “Aħna dejjem attenti għal kull opportunità li tinqala'”
Fabio Paratici ta kumment dwar il-mercato Juventin fi tmiem il-preżentazzjoni tal-ktieb Grand Hotel Calciomercato ta’ Gianluca Di Marzio: “Juventus huma dejjem attenti għal dak li jinqala’ fis-suq tat-trasferimenti, kemm għal Chiesa kif ukoll għal plejers oħra. Din hi l-konvinzjoni tagħna. Trid tkun kreattiv, speċjalment f’dal-mument fejn hu diffiċli tinnegozja.”
Matthew Scerri
Rugani misluf lil Rennes
Rennes laħqu ftehim ma’ Juventus sabiex jiksbu b’self lil Daniele Rugani. Skont Goal.com, Rennes se jkunu qed iħallsu 1.5 miljun Ewro (Sky semmew iċ-ċifra ta’ 2 miljuni) għal das-self u se jkun qed ikopru l-paga kollha ta’ Rugani matul l-istaġun. Rennes ma jidhrix li se jkunu qed jingħataw ebda dritt li jixtruh għal kollox is-sena d-dieħla.
Matthew Scerri
Bħal-lum fil-passat (2 ta’ Ottubru)
Il-filmat li qed inwasslulkom illum joħodna lura għas-sena 1949 meta Juventus għelbu lil Milan f’San Siro bl-iskor ta’ 0-1. Il-gowl tar-rebħa kien ġie skurjat dakinhar minn Martino.