L-ewwel paġni tal-gazzetti Taljani (2 ta’ Ottubru 2020)
Qed inwasslulkom l-ewwel paġni tal-gazzetti Taljani tal-isports tal-lum it-2 ta’ Ottubru 2020.
Paratici: “Aħna dejjem attenti għal kull opportunità li tinqala'”
Fabio Paratici ta kumment dwar il-mercato Juventin fi tmiem il-preżentazzjoni tal-ktieb Grand Hotel Calciomercato ta’ Gianluca Di Marzio: “Juventus huma dejjem attenti għal dak li jinqala’ fis-suq tat-trasferimenti, kemm għal Chiesa kif ukoll għal plejers oħra. Din hi l-konvinzjoni tagħna. Trid tkun kreattiv, speċjalment f’dal-mument fejn hu diffiċli tinnegozja.”
Matthew Scerri
Rugani misluf lil Rennes
Rennes laħqu ftehim ma’ Juventus sabiex jiksbu b’self lil Daniele Rugani. Skont Goal.com, Rennes se jkunu qed iħallsu 1.5 miljun Ewro (Sky semmew iċ-ċifra ta’ 2 miljuni) għal das-self u se jkun qed ikopru l-paga kollha ta’ Rugani matul l-istaġun. Rennes ma jidhrix li se jkunu qed jingħataw ebda dritt li jixtruh għal kollox is-sena d-dieħla.
Matthew Scerri
Bħal-lum fil-passat (2 ta’ Ottubru)
Il-filmat li qed inwasslulkom illum joħodna lura għas-sena 1949 meta Juventus għelbu lil Milan f’San Siro bl-iskor ta’ 0-1. Il-gowl tar-rebħa kien ġie skurjat dakinhar minn Martino.
Ir-referees tal-partiti tat-3 Ġurnata tas-Serie A
Il-Ġimgħa 2 ta’ Ottubru 2020, 8.45 p.m.
Fiorentina-Sampdoria: Giacomelli
Is-Sibt 3 ta’ Ottubru 2020, 3.00 p.m.
Sassuolo-Crotone: Pezzuto
Is-Sibt 3 ta’ Ottubru 2020, 6.00 p.m.
Genoa-Torino (posposta)
Is-Sibt 3 ta’ Ottubru 2020, 8.45 p.m.
Udinese-Roma: Abisso
Il-Ħadd 4 ta’ Ottubru 2020, 12.30 p.m.
Atalanta-Cagliari: Pasqua
Il-Ħadd 4 ta’ Ottubru 2020, 3.00 p.m.
Benevento-Bologna: Sozza
Lazio-Inter: Guida
Parma-Verona: Giua
Il-Ħadd 4 ta’ Ottubru 2020, 6.00 p.m.
Milan-Spezia: Serra
Il-Ħadd 4 ta’ Ottubru 2020, 8.45 p.m.
Juventus-Napoli: Doveri
Matthew Scerri
Il-gruppi kollha tal-Uefa Champions League 2020/21
Il-gruppi kollha tal-Uefa Champions League 2020/21 huma:
Grupp A: Bayern Munich, Atletico Madrid, Salzburg, Lokomotiv Moscow.
Grupp B: Real Madrid, Shakhtar Donetsk, Inter, Borussa Monchengladbach.
Grupp Ċ: Porto, Manchester City, Olympiacos, Olympique Marseille.
Grupp D: Liverpool, Ajax, Atalanta, Midjylland.
Grupp E: Sevilla, Chelsea, Krasnodar, Rennes.
Grupp F: Zenit, Borussia Dortmund, Lazio, Club Brugge.
Grupp G: Juventus, Barcellona, Dynamo Kiev, Ferencvaros.
Grupp H: PSG, Manchester United, Rb Leipzig, Istanbul Basaksehir.
Il-programm tal-partita mistenni jitħabbar il-Ġimgħa 2 ta’ Ottubru.
Matthew Scerri
Bidla fil-protokoll tas-Serie A
Illum ġie deċiż li l-partiti tas-Serie A se jintlagħbu dejjem sakemm it-timijiet ikollhom minn tal-inqas tlettax-il plejer mingħajr Covid-19. Din hi l-istess regola li l-Uefa qed tadotta għall-kompetizzjonijiet Ewropej. Jekk tim jirrifjuta li jilgħab minkejja li jkollhom tlettax-il plejer f’siktu, allura dak it-tim jingħata telfa walk-over ta’ 3-0. Ta min jgħid ukoll li kull tim tas-Serie A se jkollu l-possibbiltà li għal darba waħda biss fl-istaġun jitlob li partita tiġi posposta jekk ikollhom għaxra jew iktar plejers infettati bil-Covid.
Matthew Scerri
Tħassret Genoa-Torino
Genoa-Torino mhux se tintlagħab nhar is-Sibt. Il-Lega Calcio ddeċidiet li tipposponi l-partita minħabba li fit-tim ta’ Genoa hemm 15-il persuna (12 minnhom plejers) li huma pożittivi għall-Covid-19. Sal-bieraħ kienu 14 il-persuni infettati, imma magħhom żdied illum anki Destro.
Matthew Scerri