Marchisio se jsir kummentatur tal-partiti tat-tim nazzjonali
Claudio Marchisio se jkun qed jibda esperjenza ġdida. Fil-fatt hu se jkun wieħed mill-kummentaturi ta’ Rai fl-okkażjoni tal-partita bejn l-Italja u l-Bosnija.
Matthew Scerri
Claudio Marchisio se jkun qed jibda esperjenza ġdida. Fil-fatt hu se jkun wieħed mill-kummentaturi ta’ Rai fl-okkażjoni tal-partita bejn l-Italja u l-Bosnija.
Matthew Scerri
F’intervista mogħti lil Juventus Tv, Andrea Pirlo sostna li t-triq hi twila. It-tim beda jaħdem u, minkejja li sar ħafna xogħol, xorta waħda għad fadal wisq xi jsir. Dan l-għaliex hemm plejers li jinsabu impenjati mat-timijiet nazzjonali. Barra minn hekk hemm “oħrajn li għad iridu jingħaqdu mat-tim biex isaħħu l-iskwadra.” Fi kliem ieħor Pirlo wera biċ-ċar li Juventus minn hawn sal-5 ta’ Ottubru se jkunu qed jagħmlu diversi akkwisti. Interessanti li f’kull intervista jew intervent pubbliku, Pirlo qiegħed dejjem jindika li se jkun akkwisti oħra, kważi qisu jħoss il-ħtieġa ta’ plejers ġodda fit-tim Juventin.
Mathew Scerri
Gianluca Di Marzio ta l-aħbar li Empoli laħqu ftehim ma’ Juventus biex jiksbu b’self lil Olivieri. L-attakkant ta’ 21 sena, li kellu wirjiet tajba fl-aħħar partiti tal-era Sarri, se jkun qed jibda esperjenza ġdida fejn se jkun jista’ jilgħab regolari u jikseb l-esperjenza meħtieġa biex xi darba jkun jista’ jirritorna ma’ Juventus. Il-ftehim ma’ Empoli hu biss fuq bażi ta’ self mingħajr ebda dritt jew obbligu għal Empoli li jixtruh għal kollox.
Matthew Scerri
Allegatament fl-aħħar jumejn Luis Suarez għamel xi telefonati lil plejers ta’ Juventus. Skont La Gazzetta dello Sport, l-ewwel telefonata saret lil Chiellini li kien vittma ta’ gidma min-naħa ta’ Suarez fit-Tazza tad-Dinja tal-2014. Tajjeb ngħidu li t-tnejn li huma kienu diġà ċċaraw dak l-episodju bejniethom jumejn wara l-gidma. Issa Suarez ried ikun ċert li Chiellini kien nesa l-episodju u li m’għandux problemi li jkunu fl-istess tim. It-tieni telefonata li allegatament saret, did-darba skont IlBianconero.com, rat lil Suarez jitkellem ma’ Bentancur. It-tnejn li huma jilagħbu flimkien fit-tim nazzjonali u jidher li Suarez xtaqt isir jaf ‘minn ġewwa’ lit-tim Juventin.
Matthew Scerri
Cristiano Ronaldo jaf ikollu jitlef il-partita tal-Portugall kontra l-Kroazja. Hu mhux qed jittrenja minħabba infezzjoni f’suba’ ta’ saqajh. S’issa m’hemmx rapporti li għandu injury gravi, biss ma ninsewx li s-Serie A se tibda ħmistax oħra u Juventus diġà għandhom barra lil Dybala.
Matthew Scerri
Juventus u Atalanta resqin lejn ftehim għat-trasferiment ta’ Romero mat-tim ta’ Gasperini. Il-partijiet jidhru li qed jaqblu li Romero jkun misluf lil Atalanta, bil-klabb minn Bergamo jkollu l-obbligu li jixtrih għal kollox aktar ‘il quddiem għal valur komplessiv ta’ 25 miljun.
Matthew Scerri
Skont La Gazzetta dello Sport, Luis Suarez għad m’għandux passaport Taljan jew iċ-ċittadinanza Spanjola. Hu qatt ma applika għalihom minkejja li kellu kull dritt. Fil-fatt hu intitolatat għal passaport Taljan peress li martu Sofia hi ċittadina Taljana u għandhom tlett itfal. Barra minn hekk jista’ anki jikseb iċ-ċittadinanza Spanjola peress li ħadem għal sentejn fi Spanja. Il-gazzetta r-roża qed tirraporta li dil-kwisjtoni mhux se twaqqaf eventwalment it-trasferiment ta’ Suarez ma’ Juventus. Dan l-għaliex Suarez jista’ jitlob passaport Taljan jew iċ-ċittadinanza Spanjola u f’temp ta’ ftit jiem suppost jirċievi d-dokumenti meħtieġa.
Matthew Scerri
Sportitalia ħadu kumment mingħand l-aġent ta’ Locatelli, Stefano Castelnovo. Hu stqarr: “Fl-Italja bħalissa ħadd m’għandu l-flus biex jixtrih.” Din hi konferma li Sassuolo verament qed jitolbu prezz għoli ħafna għal Locatelli (dan l-aħħar issemmiet is-somma ta’ 40 miljun).
Matthew Scerri
Luis Suarez jidher li jinsab tassew qrib li jsir plejer ta’ Juventus. Sky taw l-aħbar li, wara li nstab ftehim mal-plejer innifsu, Juventus qabbdu lill-aġent tiegħu jgħarraf lil Barcellona li lesti jħallsu somma żgħira bħala kumpens lill-klabb Spanjol. Il-kumpens se jkun f’forma ta’ bonuses li jitħallsu fis-sajf 2021 skont ir-riżultati miksuba mit-tim u l-wirjiet ta’ Suarez innifsu.
Matthew Scerri