Roma-Juventus 2-2

/in /by

L-ewwel eżami serju ta’ Pirlo mar ħażin ferm għalkemm is-soltu Ronaldo rnexxilu jsalva lit-tim Juventin b’doppjetta li fissret punt mhux wisq mistħoqq. Apparti r-riżultat u l-gowls ta’ Ronaldo ma tantx hemm wisq xi tfaħħar fil-partita tal-Bianconeri. Difensivament kienet l-agħar wirja fl-aħħar għaxar snin. Prattikament kull darba li Roma ppruvaw jaqbżu nofs il-grawnd ġew waħidhom kontra Szczesny. Nofs il-grawnd kien żbilanċjat ferm bil-konsegwenza li d-difiża tħalliet mikxufa wisq u Rabiot spiċċa tkeċċa għax kien f’diffikultà waħdu. Ramsey u Kulusevski ppruvaw joħolqu imma ftit li xejn kienu effikaċi. Morata, imbagħad, għadu jrid jidra sew lil sħabu l-ġodda. Kollox ma’ kollox kien hemm ħafna, wisq, taħwid tattiku min-naħa ta’ Pirlo (bidel is-sistema meta s’issa t-tim kien sejjer tajjeb; bidel il-pożizzjoni ta’ Cuadrado u Ramsey; qed ikomplu jinsisti bi plejers barra minn posthom tipo Danilo minn full-back sar difensur ċentrali jew Cuadrado, l-aqwa full-back lemini fis-sena li għaddiet, kellu llejla jilgħab kontra siequ mal-linja l-oħra), Nispera li l-lezzjoni tal-lum ħadha u li jagħraf isewwi l-iżbalji tiegħu stess. Fl-istess ħin nittamaw li Paratici jagħtih il-plejers li huma meħtieġa f’dat-tim: full-back u midfielder ta’ kwalità, flimkien ma’ attakkant ċentrali tal-kaxxa.

ROMA-JUVENTUS 2-2

Skurjaw: 2 Veretout (1 pen.) (R), 2 Ronaldo (1 pen.) (J)

Roma (3-4-2-1): Mirante; Mancini, Ibanez, Kumbulla; Santon (Peres), Veretout, Pellegrini (Diawara), Spinazzola; Mkhitaryan, Pedro; Dzeko. Kowċ: Fonseca.

Juventus (4-4-2): Szczesny; Danilo, Bonucci, Chiellini, Cuadrado; Kulusevski (Frabotta), McKennie (Arthur), Rabiot, Ramsey (Bentancur); Morata (Douglas Costa), Ronaldo. Kowċ: Pirlo.

Referee: Di Bello.

Karti sofor: Kumbulla (R), Pellegrini (R), Frabotta (J).

Karta ħamra: Rabiot (J)

Matthew Scerri

Paratici: “Imxejna b’mod trasparenti u skont ir-regolamenti”

/in /by

Intervistat minn Sky, Paratici qal il-verżjoni tiegħu dwar il-każ Suarez. Hu stqarr: “Kien il-possibbiltà li nieħdu lil Suarez u ppruvajna nifhmu kif stajna naslu għalih. Imxejna bl-aktar mod trasparenti u skont ir-regolamenti.”

Matthew Scerri

Uffiċjali: Kif se jibdew Roma u Juventus

/in /by

ROMA (3-4-2-1): Mirante; Mancini, Ibanez, Kumbulla; Santon, Veretout, Pellegrini, Spinazzola; Mkhitaryan, Pedro; Dzeko. 

JUVENTUS (4-4-2): Szczesny; Danilo, Bonucci, Chiellini, Cuadrado; Kulusevski, McKennie, Rabiot, Ramsey; Morata, Ronaldo. 

Morata mill-ewwel minuta kontra Roma?

/in /by

Skont Tuttosport, Andrea Pirlo qed jikkunsidra serjament li jibda lil Morata mill-ewwel minuta kontra Roma. Fil-fatt fil-pjanijiet tiegħu jidher li hemm li Kulusevski jilgħab bħala trekwartista wara l-attakkanti Ronaldo u Morata. Jekk dan ikun il-każ allura Ramsey se jkollu poġġi fuq il-bank tas-sostituti.

Matthew Scerri

Sitt snin ilu l-ewwel gowl ta’ Morata bil-flokk ta’ Juventus

/in /by

Sitt snin ilu bħal-lum Alvaro Morata skurja l-ewwel gowl tiegħu bil-flokk ta’ Juventus. Kien proprju fis-27 ta’ Settembru 2014, f’partita f’Bergamo kontra Atalanta, li Morata sab ix-xibka għall-ewwel darba ma’ Juventus. Minn dakinhar għaddew sitt snin u min jaf jekk id-destin huwiex se jirriservalu l-ewwel gowl tat-tieni esperjenza tiegħu ma’ Juventus proprju fid-data tas-27 ta’ Settembru.

Commisso dwar Chiesa: “Kollox possibbli”

/in /by

“Għalissa m’hemm xejn imma kollox jista’ jiġri dil-ġimgħa.” Kliem ta’ Commisso li juru biċ-ċar li verament xi ħaġa qed tinħema dwar Federico Chiesa. L-għidut hu li Juventus qed jagħmlu minn kollox biex ibigħu lil Costa u minfloku jiksbu lil Chiesa b’self għal sena u bl-obbligu ta’ xiri fl-istaġun ta’ wara.

Matthew Scerri

West Ham f’kuntatti ma’ Juventus għal Rugani

/in /by

Allegatament West Ham għamlu kuntatt uffiċjali ma’ Juventus bil-għan li jiksbu lil Daniele Rugani. S’issa jidher li l-Hammers kienu l-uniċi li marru lil hinn minn sempliċi interess f’Rugani. Juventus qed jitolbu somma bejn 20 u 25 miljun Ewro għalih.

Matthew Scerri

Jidher fil-qrib il-ftehim ma’ Khedira

/in /by

Kmieni l-ġimgħa d-dieħla l-aġenti ta’ Khedira se jkunu qed jiltaqgħu ma’ Paratici f’laqgħa li qed tkun deskritta bħala deċiżiva biex jinstab il-ftehim tant mistenni biex ikun itterminat il-kuntratt tiegħu. Khedira s’issa dejjem irrifjuta li jaċċetta l-ftehim propost lilu min-naħa ta’ Juventus, forsi minħabba l-biża’ li ma jibqax fil-futbol ta’ livell għoli. Issa, però, jidher li Khedira fehem li m’għandux triq oħra ħlief li jaċċetta peress li ma tantx se jkun hemm spazju għalih ma’ Juventus.

Matthew Scerri

Diversi klabbs barranin interessati f’Rugani

/in /by

L-interess f’Daniele Rugani għadu ħaj iktar minn qatt qabel. Skont Tuttosport hemm tliet klabbs tal-Premier League li jriduh: Leeds, Newcastle u West Ham. Sportitalia, mill-banda l-oħra, qed isemmu lil Rennes, Fulham u Sevilla, apparti West Ham imsemmija wkoll minn Tuttosport.

Matthew Scerri