Juventus Under 23 għandhom attakkant ġdid. Fil-fatt inxtara l-attakkant ta’ Monza, Andrea Birghenti. Hu attakkant espert li jaf sew il-kampjonat tas-Serie C u allura jista’ jgħin lit-tim Juventin jipprova jitla’ fis-Serie B.
Matthew Scerri
Wara li sofra injury muskolari mat-tim nazzjonali Taljan, Bernardeschi llum sarulu xi testijiet mediċi fil-JMedical. Irriżulta li l-injury tiegħu hu ta’ entità medja. Ħmistax-il ġurnata oħra se jerġgħu jsirulu xi testijiet oħra biex it-tobba jifhmu jekk ikunx fieq jew le. Fi kliem ieħor Bernardeschi se jitlef l-ewwel partita tal-kampjonat.
Matthew Scerri
Il-Gvernatur tar-reġjun tal-Piemonte, Alberto Cirio żvela llum li hemm pjanijiet biex l-Allianz Stadium jiftaħ mill-ġdid il-bibien tiegħu għas-supporters sa mill-ewwel partita tal-kampjonat kontra Sampdoria. Juventus ħejjew protokoll u issa l-Gvernatur tar-reġjun bagħat id-dokument Roma sabiex ikun mifli u eventwalment approvat mill-Kumitat Tekniku-Xjentifiku.
Matthew Scerri
Federico Bernardeschi kellu jabbanduna t-training grawnds fejn it-tim nazzjonali qed iħejji għall-partiti kontra l-Bosnija u l-Olanda. Hu sofra injury muskolari u ntbagħat lura Turin minħabba li mhux se jilħaq jirkupra għal dawn iż-żewġ partiti.
Matthew Scerri
Il-ftehim bejn Suarez u Juventus li tant qrajna dwaru dal-lejl jidher li jikkonsisti f’kuntratt ta’ sentejn b’paga ta’ 8 miljuni fis-sena, apparti performance bonuses oħra. Dawn huma x-xnigħat biss, tajjeb li nkunu ċara dwar dan. Hemm anki għidut li Suarez diġà għamel xi testijiet mediċi peress li Juventus riedu jkunu ċerti li m’għandux injuries li jistgħu jtellfuh parti kbira mill-istaġun. Jidher li kollox mar sew u għalhekk Juventus għaddew biex jitkellmu miegħu dwar il-paga. Issa jingħad li kollox lest. Jonqos biss li Suarez ixolji l-kuntratt ma’ Barcellona, filwaqt li Juventus jilħqu ftehim ma’ Higuain biex jintemmlu l-kuntratt immedjatament.
Matthew Scerri
Is-sekwenza sħiħa tal-partiti tas-Serie A ta’ Juventus għall-istaġun 2020/21 hi:
L-1 Ġurnata: Juventus-Sampdoria
It-2 Ġurnata: Roma-Juventus
It-3 Ġurnata: Juventus-Napoli
Ir-4 Ġurnata: Crotone-Juventus
Il-5 Ġurnata: Juventus-Verona
Is-7 Ġurnata: Lazio-Juventus
It-8 Ġurnata: Juventus-Cagliari
Id-9 Ġurnata: Benevento-Juventus
L-10 Ġurnata: Juventus-Torino
Il-11-il Ġurnata: Genoa-Juventus
It-12-il Ġurnata: Juventus-Atalanta
It-13-il Ġurnata: Parma-Juventus
L-14-il Ġurnata: Juventus-Fiorentina
Il-15-il Ġurnata: Juventus-Udinese
Is-16-il Ġurnata: Milan-Juventus
Is-17-il Ġurnata: Juventus-Sassuolo
It-18-il Ġurnata: Inter-Juventus
Id-19-il Ġurnata: Juventus-Bologna
Matthew Scerri
Juventus se jibdew id-difiża tat-titlu ta’ champions tal-Italja b’partita fl-Allianz Stadium kontra Sampdoria. Wara Din se jkun imiss li jmorru fil-kapitali kontra Roma u fit-tielet Ġurnata jospitaw lil Napoli.
Matthew Scerri