Luca Pellegrini mistenni jitlaq lil Eintracht u jingħaqad ma’ Lazio. Il-klabb tal-kapitali jinsab f’negozjati mal-aġent tal-full-back li f’Awwissu li għadda Juventus silfu lil Eintracht. Il-ftehim għat-trasferiment f’Jannar qed jiġi mogħti bħala wieħed ċert.
Matthew Scerri
Fis-sajf Juventus mhux se jkollhom l-obbligu li jixtru għal kollox lil Leandro Paredes. Fil-fatt skont La Gazzetta dello Sport l-obbligu sar issa dritt ladarba Juventus inqalgħu miċ-Champions League. Dritt li Juventus ma tantx jidhru disposti li jeżerċitaw sakemm Paredes ma jaċċettax li tonqos drastikament il-paga tiegħu, kif ukoll PSG jitolbu inqas mis-somma maqbula fis-sajf (27.8 miljun Ewro bonuses u commissions inklużi).
Matthew Scerri
F’dawn ix-xahrejn li ġejjin, bil-futbol wieqaf għal kollox għajr għall-partiti tat-Tazza tad-Dinja, l-attenzjoni bdiet iddur issa fuq is-suq tat-trasferimenti. Plejer li jista’ jħalli lil Juventus f’Jannar hu Soule’. Empoli talbuh b’self u Juventus qed jaħsbuha. Soule’ hu plejer li Juventus jemmnu ħafna fih, biss hu evidenti li għandu bżonn jilgħab b’mod regolari biex jimmatura u jikseb l-esperjenza meħtieġa biex ikun lest għal tim kbir bħal Juventus. Jekk Juventus se jkollhom il-garanziji li Di Maria u Vlahovic fiequ mill-injuries tagħhom, hu probabbli li Soule’ jiġi misluf.
Matthew Scerri
Ajax ħabbru li għarrfu lil Juventus li ma jridux iġeddu s-self ta’ Mo Ihattaren, li għaldaqstant minn Jannar 2023 se jkun qed jirritorna ma’ Juventus. Ihattaren kemm ma’ Sampdoria kif ukoll ma’ Ajax falla minħabba ħafna problemi personali, fosthom anki storja kerha li kienu qed ifittxu xi kriminali minħabba relazzjoni li beda ma’ tfajla ġejjin mill-istess ambjent ta’ dawn il-kriminali. Ma’ Sampdoria kien letteralment waqaf mit-training u ħarab lejn pajjiżu wara li miet missieru. Plejer li s’issa qed juri li ma jistax jitfa’ moħħu hemm daqskemm jidħol f’inkwiet.
Matthew Scerri
Tottenham huma mistennija li jixtru għal kollox lil Dejan Kulusevski fis-sajf 2023. Huma mar tajjeb ferm magħhom minn Jannar ‘l hawn u jidher tassew għal qalbu mal-iSpurs. Tajjeb infakkru li Tottenham ikollhom l-obbligu li jixtruh għal kollox għas-somma ta’ 35 miljun Ewro jekk dis-sena jilgħab minn tal-inqas 45 minuta f’għoxrin partiti ta’ Tottenham. L-obbligu li jixtruh għal kollox jidħol fis-seħħ anki jekk Tottenham jikkwalifikaw għaċ-Champions League. Jekk dawn il-kundizzjonijiet ma jiltlaħqux, Tottenham ikollhom id-dritt u mhux l-obbligu li jixtru lil Kulusevski għal kollox. Dad-dritt Tottenham jidhru intenzjonati li jużawh tant huma sodisfatti bil-wirjiet tal-Iżvediż.
Matthew Scerri
Juventus ħabbru d-dettalji tal-ftehim ma’ Chelsea sabiex Denis Zakaria jingħaqad mal-klabb Ingliż b’self għal sena. Chelsea se jħallsu 3 miljun Ewro għal das-self, u hemm 1 miljun Ewro ieħor f’bonuses. Is-sena d-dieħla, Chelsea jkunu jistgħu jixtruh għal kollox għal 28 miljun Ewro, flimkien ma’ 5 miljuni oħra f’bonuses.
Matthew Scerri
Plejers li ngħaqdu ma’ Juventus
Bremer (difensur, Torino)
Di Maria (winger, PSG)
Fagioli (midfielder, Cremonese)
Gatti (difensur, Frosinone)
Kostic (winger, Eintracht Frankfurt)
Milik (attakkant, O. Marseille)
Paredes (midfielder, PSG)
Pogba (midfielder, Manchester United)
Plejers mibjugħa jew mislufa minn Juventus lil timijiet oħra
Arthur (misluf lil Liverpool)
Bernardeschi (intemmlu l-kuntratt, Toronto)
Brunori (mibjugħ lil Palermo)
Cambiaso (misluf lil Bologna)
Chiellini (kuntratt itterminat qabel iż-żmien, Los Angeles FC)
De Ligt (mibjugħ lil Bayern Munich)
Demiral (mixtri għal kollox minn Atalanta)
De Winter (misluf lil Empoli)
Dybala (intemmlu l-kuntratt, Roma)
Frabotta (misluf lil Lecce)
Isreal (mibjugħ lil Sporting Lisbon)
Mandragora (mibjugħ lil Fiorentina)
Morata (wasal fi tmiemu s-self tiegħu, Atletico Madrid)
Nicolussi Caviglia (misluf lil SudTirol FC)
Pellegrini (misluf lil Eintracht Frankfurt)
Pjaca (misluf lil Empoli)
Ramsey (ftehim biex il-kuntratt tiegħu jkun itterminat)
Ranocchia (misluf lil Monza)
Rovella (misluf lil Monza)
Vrioni (mibjugħ lil New England Revolution)
Wesley (mibjugħ lil Cruzeiro)
Zakaria (misluf lil Chelsea)
Zanimacchia (misluf lil Cremonese)
Denis Zakaria qed jagħmel it-testijiet mediċi f’Turin sabiex jingħaqad b’self ma’ Chelsea. Il-klabb Ingliż se jkollu d-dritt li jixtrih għal kollox is-sena d-dieħla allegatament għal 30 miljun Ewro.
Matthew Scerri
Il-lejla fit-8 ta’ filgħaxija jagħlaq is-suq tat-trasferimenti fl-Italja. Juventus mhux mistennija jixtru jew jiksbu aktar plejers. Dal-lejl kien hemm xniegħat li se jiksbu gowler ġdid peress li għall-ewwel kien maħsub li l-injury ta’ Szczesny kien gravi. Jidher imma mill-ewwel testijiet li sarulu, il-gowler Pollakk la sofra ksur u lanqas ma wegga’ l-legamenti. Fi kliem ieħor m’għandux idum barra.
Matthew Scerri
Il-Brażiljan Arthur telaq minn Turin dalgħodu biex imur jagħmel it-testijiet mediċi fl-Ingilterra għal ma’ Liverpool. Hu se jingħaqad magħhom b’self għal sena, b’Liverpool allegatament m’għandhom ebda dritt jew obbligu li jixtruh għal kollox. Sal-bieraħ kien qed jissemma li Arthur kien se jiffirma għal Sporting, biss dal-lejl l-affarijiet inbidlu hekk kif Liverpool għamlu kuntatt mal-aġent tiegħu.
Matthew Scerri