Il-midfielder Ungeriż ta’ Leipzig, Dominik Szoboszlai ilu fil-mira ta’ Milan u ta’ klabbs oħra. Kulma jmur hu qed juri dejjem iktar li hu midfielder ta’ kwalità u jidher lest biex ikun jista’ jifforma parti minn tim ikbar. Real Madrid qed jitħajru għalih ukoll u, skont il-media Ġermaniż, anki Juventus qed jikkunsidraw li jressqu offerta għalih.
Matthew Scerri
Minkejja li ilu diversi ġimgħat jittrenja b’mod regolari, Sami Khedira xorta waħda jidhru li mhuwiex fil-pjanijiet ta’ Pirlo. Juventus qed jittamaw li f’Jannar hu jaċċetta trasferiment ma’ tim ieħor biex hekk jevitaw nofs sena paga tiegħu.
Matthew Scerri
Kollox jindika li fil-pjanijiet ta’ Juventus hemm il-bejgħ ta’ Bernardeschi f’Jannar u l-akkwist ta’ plejer f’nofs il-grawd. L-ismijiet li qe disiru minn Tuttosport huma dawk li nafu sew għax ilna naqraw u nisimgħu dwarhom: Ryan Gravenberch (Ajax), Houssem Aouar de(O.Lyon), Manuel Locatelli (Sassuolo) u Nicolò Rovella (Genoa).
Matthew Scerri
Emerson Palmieri reġà tenna li jinsab kemxejn imdejjaq li mhux qed jilgħab wisq ma’ Chelsea u esprima x-xewqa tiegħu li l-affarijiet jinbidlu għalih. “Irrid nilgħab b’mod regolari, ma’ Chelsea jew inkella ma’ tim ieħor,” qal Emerson Palmieri. Hu żied li jixtieq jirritorna fil-kampjonat tas-Serie A biss qal li bħalissa ma jistax jgħid jekk dan hux se jiġri f’Jannar u ħames snin oħra.
Matthew Scerri
Wara li aktar kmieni dil-ġimgħa taw l-aħbar li Real Madrid bdew taħdidiet ġodda għall-kuntratt il-ġdid ta’ Sergio Ramos, El Chiringuito qed isostnu li hemm probabbiltà kbira li l-Ispanjol jitlaq lil Real. Huma qed isostnu li hemm 80% ċans li Real Madrid ma jilħqux ftehim ma’ Sergio Ramos u allura hu jitlaq b’xejn fis-sajf 2021. Il-problema hi li Real Madrid iridu jimxu ma’ Ramos bl-istess mod kif jimxu mal-plejers kollha li għandhom iktar minn tletin sena: kuntratt ta’ sena jew massimu tnejn, bit-tnaqqis ta’ 20% tal-paga. Min-naħa tiegħu Sergio Ramos ma jridx jaf li jaċċetta dal-ftehim u qed ikompli jitlob kuntratt ta’ tliet snin b’paga ta’ 12-il miljun fis-sena. Juventus u PSG qed isegwu mill-qrib dis-sitwazzjoni u jidhru lesti li jissodisfaw it-talba ta’ Sergio Ramos.
Matthew Scerri
Intervistat minn La Nacion, Rodrigo De Paul stqarr li għandu mħabba kbira lejn it-tim ta’ Udinese u jħossu marbut professjonalment u umanament mal-belt ta’ Udine. Madankollu hu ammetta wkoll li hu bniedem ambizzjuż u jixtieq ħafna li jilgħab fiċ-Champions League u jikseb post mal-Arġentina għat-Tazza tad-Dinja.
Matthew Scerri
Drajna li fil-jiem meta ma jkunx hemm logħob jiżdiedu l-aħbarijiet b’rabta mas-suq tat-trasferimenti. Kliem Leonardo fil-jiem li għaddew wassal biex qed ikun hemm ħafna għidut dwar trasferiment ta’ Ronaldo ma’ PSG. Xi siti qed jirrapurtaw li PSG jinsabu lesti li joffru lil Icardi u flus għal Ronaldo. Min-naħa tagħhom, però, Juventus ma jridux jitilfu lil Ronaldo u skont Calciomercato.com Mendes għarraf diġà lill-Bianconeri li Ronaldo hu intenzjonat li jibqa’ Turin sakemm jintemm il-kuntratt tiegħu.
Matthew Scerri
Drajna issa li Juventus u Inter qed imorru għall-istess plejers biex isaħħu lit-tim tagħhom. Skont La Gazzetta dello Sport bħalissa Juventus u Inter huma t-tnejn li huma interessati f’Camavinga (Rennes), Isak (Real Sociedad), Gravenberch (Ajax) u Nuno Mendes (Sporting Lisbon).
Matthew Scerri
Minkejja l-età tiegħu, Cristiano Ronaldo għadu jattira fuqu l-interess ta’ diversi klabbs kbar. Leonardo ta’ PSG stqarr li xi kultant fis-suq tat-trasferimenti jseħħu affarijiet straordinarji, dikjarazzjoni li turi li PSG mhumiex jeskludu li jistgħu jiffirmaw lil Ronaldo s-sena d-dieħla. Mill-Ingilterra, imbagħad, qed tasal l-aħbar li Manchester United jinsabu f’kuntatt mal-aġent Jorge Mendes. Skont Daily Express, fil-fatt, ir-Red Devils tkellmu ma’ Mendes dwar il-possibbiltà li jiksbu lura lil Ronaldo fis-sajf 2021.
Matthew Scerri
Il-media Olandiża hi konvinta li Juventus jinsabu lesti li jinvestu somma ta’ ftit inqas minn 5 miljuni biex jiksbu lil Ryan Gravenberch ta’ Ajax. L-aġent tiegħu nafu li hu Mino Raiola li għandu relazzjonijiet tajba fem ma’ Juventus.
Matthew Scerri