Fabio Paratici jinsab mill-ġdid f’Londra bit-tama li jirnexxilu jċaqlaq xi ħaġa f’dak li għandu x’jaqsam mal-bejgħ ta’ plejers. Nafu li hemm diversi plejers fit-tim Juventin (Douglas Costa, Alex Sandro u Rugani, pereżempju) li jinsabu fil-mira ta’ klabbs tal-Premier League. Barra minn hekk hu probabbli ferm li f’dal-vjaġġ Paratici se jkellem lil Chelsea dwar Emerson Palmieri.
Matthew Scerri
Skont Don Balon, l-aġenti ta’ Douglas Costa offrew ipproponew lil Real Madrid l-akkwist ta’ Douglas Costa. Madankollu l-Ispanjoli mhumiex interessati li jonfqu 30 miljun biex jiksbu s-servizzi tiegħu.
Matthew Scerri
Diversi klabbs mill-Premier League qed ikomplu juru interess fl-akkwist ta’ Daniele Rugani. Timijiet bħal Newcastle, Leeds u West Ham ilhom isegwuh u qed jittamaw li jirnexxilhom jiffirmawh bi prezz vantaġġuż fl-aħħar jiem tas-suq tat-trasferimenti. Ma’ dawn jidher li żdiedu anki Manchester City li qed ifittxu difensur ġdid wara li ma rnexxilhomx jiffirmaw lil Koulibaly. Juventus jidhru li jinsabu lesti li jbigħuh imma għal mhux inqas minn 20-25 miljun.
Matthew Scerri
Wara l-akkwist ta’ Morata, qed jissemma li Juventus qed jaħdmu biex jiksbu mingħand Chelsea lil Emerson Palmieri. Qed jingħad li Juventus ipproponew lil Chelsea trasferiment b’self għal sena bid-dritt li jkunu jistgħu jixtruh għal kollox is-sena d-dieħla.
Matthew Scerri
Apparti Manchester United, allegatament anki PSG jinsabu interessati li jiffirma lil Sami Khedira. Iż-żewġ timijiet qed jistennew li l-ewwel Khedira jinħall mill-kuntratt li jorbtu ma’ Juventus u wara, meta jkun free-agent, lesti joffrulu kuntratt. L-interess min-naħa ta’ klabbs importanti mix-xena Ewropea tista’ tkun inċentiv qawwi biex Khedira jilħaq ftehim ma’ Juventus sabiex ikun itterminat konsenswalment il-kuntratt.
Matthew Scerri
Mattia De Sciglio jista’ jsellem daqt lil Juventus biex jingħaqad ma’ Barcellona. Fil-fatt il-klabb Spanjol jinsab fil-proċess li jbigħ lil Semedo u minfloku qed jikkunsidraw serjament li jiksbu lil De Sciglio.
Matthew Scerri
Douglas Costa għadu fil-mira ta’ xi klabbs Ingliżi. Apparti l-interess fih min-naħa ta’ Manchester United, issa għandna rapporti li anki Wolves iriduh. Min-naħa tagħhom, nafu li Juventus lesti jbigħuh. Jidher anki li jekk Juventus ibigħu lil Costa, il-flus li se jaqilgħu se jiġu investiti fl-akkwist ta’ Federico Chiesa.
Matthew Scerri
Skont La Gazzetta dello Sport fi tmiem il-ġimgħa li għadda Juventus għamlu tentattiv ieħor li jiffirmaw lil Edison Cavani. Il-Bianconeri offrewlu 8 miljuni fis-sena biss hu baqa’ jitlob 12-il miljun. Fid-dawl ta’ dis-sitwazzjoni, Paratici mbagħad dawwar ħarstu fuq Morata anki għax Pirlo riedu b’saħħa.
Matthew Scerri
F’dawn is-sigħat qed ikun deċiż il-futur ta’ Pellegrini. Nafu li Pirlo m’għajjatlux għall-partita kontra Sampdoria peress li jinsab fil-proċess li jingħaqad ma’ tim ieħor. Genoa u Fiorentina jidhru li huma fost l-aktar li qed jagħmlu pressjoni biex jiksbuh. Raiola jinsab f’kuntatt kontinwu ma’ Paratici u probabbli f’dal-jumejn inkunu nafu fejn se jilgħab Pellegrini dis-sena.
Matthew Scerri
Milik għadu ma sarx plejer ta’ Roma minkejja li l-aġent tiegħu sab ftehim mal-klabb tal-kapitali u diġà għamel it-testijiet mediċi. Jidher fil-fatt li għad hemm xi kwisjtonijiet bejn Milik u Napoli li wasslu biex għalissa l-klabb ta’ De Laurentis għadu ma jistax iħalli lill-attakkant Pollakk jingħaqad ma’ Roma. Il-kwistjonijiet huma marbuta ma’ xi pagi arretrati, apparti li hemm kawża l-Qorti dwar l-image rights tal-plejer. Minħabba dan kollu għalissa t-trasferiment ta’ Milik ma’ Roma għadu ma seħħx, bil-konsegwenza li waqaf kollox anki fil-każ ta’ Dzeko u Juventus.
Matthew Scerri