Awguri!
Il-President u l-Kumitat tal-Juventus Club Vero Amore (Malta 1975) jixtiequ jawguraw l-Għid it-Tajjeb lill-membri kollha, lill-familji u ħbieb tagħhom, kif ukoll lil kulmin isegwina permezz tal-website u s-social media.
Il-President u l-Kumitat tal-Juventus Club Vero Amore (Malta 1975) jixtiequ jawguraw l-Għid it-Tajjeb lill-membri kollha, lill-familji u ħbieb tagħhom, kif ukoll lil kulmin isegwina permezz tal-website u s-social media.
Is-segretarjat jixtieq javża lill-membri li minħabba r-restrizzjonijiet mħabbra il-bieraħ l-uffiċċju tal-Club ser jinżamm magħluq sa ma jerġgħu jinħarġu istruzzjonijiet oħra. Min irid iħallas il-membership jista’ jagħmel dan min fuq il-website http://juventusclubmalta.com
Grazzi
Il-Kumitat tal-Juventus Club Vero Amore jixtieq javża li kull membru li kien irriserva biljett għall-partiti tas-Serie A jew taċ-Champions League li ġew imħassra minħabba l-pandemija tal-Covid 19 issa irċieva l-bilanċ dovut lilu ftit jiem wara li dawn ingħataw lura lill-Club mingħand Juventus.
Il-Kumitat bħal dejjem jixtieq jirringrazzja lil kull membru tal-koperazzjoni tiegħu u tal-fiduċja sħiħa lejn il-Kumitat.
Grazzi
Nixtiequ ninfurmaw lill-membri tal-Club li llum il-Ħamis 24 ta’ Settembru l-uffiċċju tal-Club mhux ser jiftaħ. L-uffiċċju issa jkun miftuħ nhar il-Ħadd li ġej qabel il-partita u il-ġimgħa d-diehla It-Tlieta u l-Ħamis bejn 6.30 u 8.00 ta’ filgħaxija.
Niskużaw ruħna għal kull inkonvenjent.
Joe Shields
Segretarju
Fl-aħħar nistgħu mill-ġdid nibdew inwasslulkom l-aħbarijiet minn din il-website. Fil-jiem li għaddew kellna problemi tekniċi u kien għalhekk ma stajniex nippubblikaw xejn ġdid. Il-professjonisti li ħadmu biex isolvu dawn il-problemi llum tawna l-go-ahead li nistgħu nerġgħu nibdew inwasslulkom l-aħbarijiet dwar il-Club tagħna u Juventus. Niskużaw ruħna għal kull inkonvenjent.
Matthew Scerri
Maskri tad-drapp li jgħattu l-ħalq u l-imnieħer jinsabu għall-bejgħ mill-premises tal-Club tagħna. Dal-maskri għandhom fuqhom il-logo tal-klabb u/jew ta’ Juventus. Il-maskri jistgħu jixtraw mis-segretarjat waqt il-ħin ta’ ftuħ.
Il-Club tagħna għadu kemm ħareġ għall-bejgħ mugs bil-logo l-ġdid. Dawn jistgħu jinkisbu mis-segretarjat tal-Club għall-prezz ta’ €5. Żgur li kull supporter Juventin Malti għandu jkollu wieħed minn dawn il-mags fil-kollezzjoni tiegħu/tagħha.
Il-Kumitat tal-Juventus Club Vero Amore (Malta 1975) jixtieq javża li se jkun qed jerġa’ jiftaħ il-bibien tal-premises tiegħu għal staġun ieħor ta’ futbol. Kif kulħadd jista’ jifhem irridu napplikaw id-Direttivi tal-Awtoritajiet sabiex inħarsu s-saħħa ta’ dawk kollha li se jattendu l-Club. Għaldaqstant nixtiequ navżawkom li:
(i) Kulmin irid jattendi għandu jirriserva post billi jċempel lill-Barman Karl fuq 79992484
(ii) Ħadd mhu se jitħalla jidħol mingħajr booking.
(iii) Il-postijiet fil-premises huma limitati minħabba li nridu nżommu d-distanzi u allura se nimxu fuq bażi ta’ first come first served.
(iv) Kull persuna li tidħol fil-premises trid tkun liebsa l-maskra jew visor kemm fil-mument li tidħol fil-Club, kif ukoll waqt li tkun ħierġa. F’kull ħin li persuna tkun bilwieqfa, trid tkun liebsa l-maskra jew visor.
(v) Ħdejn il-bieb se jkun hemm hand sanitizer li jrid jintuża minn kulmin se jidħol fil-premises tal-Club.
(vi) Ħdejn il-bieb se jkun hemm reġistru fejn kull persuna, qabel tidħol fil-bar area, trid tħalli l-kuntatti personali tagħha f’każ li l-awtoritajiet jitolbuna din l-informazzjoni għall-fini ta’ contact tracing.
(vii) Min se jattendi se jkun mitlub jibqa’ bilqiegħda.
(viii) Ħadd ma jista’ joqgħod bilwieqfa, lanqas mal-bank tal-bar.
(ix) Tipjip mhux permess fil-premises kollha tal-Club.
Nitolbukom tikkoperaw magħna u grazzi bħal dejjem li tifhmuna.
Il-Kumitat