Posts

Lazio taħt investigazzjoni!

/in /by

Il-lejl li għadda il-Guardia di Finanza Taljana marret f’Formello u fil-laboratorju Futura Diagnostica ta’ Avellino biex tiġbor id-dokumenti b’rabta mal-iswab tests tal-plejers ta’ Lazio fil-jiem li għaddew. Il-Procura ta’ Avellino qed tindaga fuq il-każ biex taċċerta li ma kienx hemm irregolaritajiet fit-testijiet tal-Covid-19. Fil-jiem li għaddew, f’diversi okkażjonijiet, xi plejers ta’ Lazio kienu negattivi fit-testijiet li saru mill-imsemmi laboratorju, filwaqt li ttestjaw pożittivi f’testijiet li saru f’laboratorji oħra. M’hemmx xi ngħidu: jekk twettqu xi irregolaritajiet, il-konsegwenzi għal Lazio se jkun gravissimi kemm fil-Qrati Taljani kif ukoll quddiem il-giustizia sportiva. Ta’ min jgħid li jekk l-akkuża tkun ikkonfermata jkun ifisser li xi plejer jew plejers ta’ Lazio lagħbu kontra Torino waqt li kienu pożittivi.

Matthew Scerri

Immobile, Leiva u Strakosha se jitilfu Lazio-Juventus

/in /by

Immobile, Leiva u Strakosha mhux se jilagħbu għal Lazio fil-partita kontra Juventus. It-tlieta li huma kienu fl-aħbarijiet wara li l-Ġimgħa filgħaxija kienu pożittivi għall-Covid-19 f’test li sarilhom fi klinika Rumana, filwaqt li rriżultat negattivi fl-istess ġurnata f’test ieħor li sarilhom minn laboratrju ta’ Avellino. Ilbieraħ huma kien f’Formello mal-bqija ta’ sħabhom u wara xi ħin kellhom jitilqu minħabba li l-ASL ta’ Ruma ordnat li jitpoġġew taħt kwarantina.

Matthew Scerri

Plejers ta’ Lazio l-ewwel pożittivi u wara negattivi għat-test tal-Covid-19

/in /by

Ikompli t-taħwid fit-tim ta’ Lazio b’rabta mat-testijiet tal-Covid-19. Illum saru rapid tests lill-plejers kollha min-naħa tal-Campus Biomedico ta’ Roma. Fl-istess ħin saru swab tests, dejjem għall-plejers kollha min-naħa tal-Futura Diagnostica ta’ Avellino. Mir-rapid tests irriżulta li kien hemm tliet plejers pożittivi. L-iswab tests, però, taw riżultat ieħor: ħadd mill-plejers mhu pożittiv. F’dan l-istadju għadu mhuwiex magħruf magħriuf jekk dawn it-tlett iplejers humiex realment se jkunu jistgħu jilagħbu nhar il-Ħadd kontra Juventus.

Intant tajjeb infakkru li l-FIGC diġà fetħet inkjesta dwar il-possibbilità ta’ ksur tal-protokoll min-naħa ta’ Lazio meta jista’ jkun li Immobile, Leiva u Strakosha lagħbu minkejja li kienu pożittiv għall-Covid-19.

Matthew Scerri

Lazio qed jittamaw li jirkupraw tlett iplejers

/in /by

Għada, lejlet Lazio-Juventus, se jsiru l-iswab tests lil kull plejer taż-żewġ timijiet kif jitlob il-protokoll tal-FIGC. Lazio qed jittamaw li Immobile, Leiva u Strakosha ma jirriżultawx pożittiv sabiex ikunu jistgħu jilagħbu kontra Juventus.

Matthew Scerri

Il-JMuseum magħluq għalissa

/in /by

Il-miżuri li ttieħdu mill-Gvern Taljan kontra l-imxija tal-Covid-19 se jaffettaw lill-JMuseum. Fil-fatt sat-3 ta’ Diċembru l-bibien tal-mużew Juventini se jibqgħu magħluqin. Anki l-iStadium Tours twaqqfu għalissa. Fi kliem ieħor sa Diċembru s-supporters Bianconeri m’għandhom l-ebda mod biex jidħlu fil-binja tal-Allianz Stadium.

Matthew Scerri

Plejer ieħor tal-Under 23 pożittiv għall-Covid-19

/in /by

Id-difensur ta’ Juventus Under 23, Raffaele Alcibiade nstab pożittiv għall-Covid-19. Kif jitlob il-protokoll, it-tim kollu tpoġġa f’iżolament ‘fiduciario’ sabiex il-plejers l-oħra tat-tim jkunu jistgħu jkomplu bit-training u bil-logħob.

Matthew Scerri

Inkjesta dwar swab tests fi ħdan it-tim ta’ Lazio

/in /by

Immobile, Strakosha u Leiva llejla mhux qed jilagħbu għal Lazio fiċ-Champions League. Fl-aħħar erbgħa u għoxrin siegħa kien hemm dibattitu sħiħ dwarhom. Fil-fatt ilbieraħ għamlu swab tests quddiem uffiċċjali mqabbda mill-Uefa u rriżultaw pożittiv. Ftit minuti wara t-tobba ta’ Lazio għamlulhom swab tests oħra li taw riżultat negattiv. L-Uefa ma ħallithomx jilagħbu u qed tinvestiga l-każ. L-FIGC ordnat inkjesta wkoll sabiex ikun aċċertat li l-iswab tests fi tmiem il-ġimgħa li għaddiet kienu regolari. Intant huma jidhru li se jkunu jistgħu jilagħbu kontra Juventus nhar il-Ħadd, dejjem jekk fil-jiem li ġejjin ma jittestjawx pożittivi mill-ġdid. Tajjeb infakkru wkoll li fl-aħħar għaxart ijiem Lazio kienu milquta sew mill-każijiet ta’ Covid.

Matthew Scerri

Turin fost l-ibliet li se jkunu milquta minn lockdown ġdid

/in /by

Il-Gvern Taljan mistenni jħabbar lockdown f’diversi bliet Taljani hekk kif l-pajjiż jinsab mill-ġdid fi kriżi sanitarja qawwija minħabba ż-żieda sostanzjali ta’ każijiet ta’ Covid-19. Skont l-esperti l-Italja riesqa b’pass mgħaġġel lejn xenarju simili għal dak ta’ Marzu/April li għadda u għaldaqstant il-Gvern Taljan, bħalma ġara f’pajjiżi Ewropej oħra, qed jikkunsidra li jerġa’ jagħlaq kollox fl-ibliet l-aktar milquta. Probabbli l-lockdown se jolqot bliet bħal Turin, Milan, Ruma, Napli u Bologna. F’dan l-istadju għadu mhux magħruf l-impatt li l-lockdown jista’ jkollu fuq il-kampjonat tal-futbol tas-Serie A. Jista’ jagħti l-każ li l-futbol għalissa jkompli fl-Italja, għallinqas sakemm l-imxija tal-Covid-19 ma tilħaqx numri tant għolja ta’ persuni infettati li jkollu jieqaf kollox.

Matthew Scerri

Ronaldo fieq mill-Covid!

/in /by

Juventus ħabbru li finalment Cristiano Ronaldo m’għadux pożittiv għall-Covid-19. Hu fieq u għaldaqstant nhar il-Ħadd se jkun jista’ jirritorna fl-azzjoni kontra Spezia.

Matthew Scerri

15-il klabb tas-Serie A bla flus għall-pagi ta’ Settembru

/in /by

Sad-data tas-16 ta’ Novembru l-klabbs tas-Serie A għandhom iħallsu l-pagi lill-plejers tagħhom għax-xahar ta’ Settembru. Skont La Repubblica bħalissa hemm 15-il klabb minn 20 tas-Serie A li m’għandux il-flus għall-pagi. Il-kriżi qed tinħass sew u kif xebgħa jgħid il-President tal-Lega Calcio, bħalissa l-futbol Taljan jinsab f’xifer l-irdum. Il-Gvern qed iwiegħed xi tip ta’ għajnuna, imma intant il-Lega qed taħdem fuq pjan għall-bejgħ tar-rights tas-Serie A li jistgħu jagħtu ftit tan-nifs lill-klabbs minn tal-inqas għal dis-sena.

Matthew Scerri