Juventus huma interessati li jiksbu lill-plejer ta’ nofs il-grawnd ta’ Genoa, Nicolò Rovella. Paratici jridu b’saħħa u offrilu kuntratt hekk kif dis-sena jintemmlu l-kuntratt li għandu ma’ Genoa. Skont Calciomercato.com, Juventus tant iriduh u lesti jiftħu negozjati ma’ Genoa f’każ li Rovella jagħżel li jiffirma kuntratt ġdid ta’ Preziosi.
Matthew Scerri
Nixtiequ navżaw li l-premises tal-Club tagħna se jkunu magħluqin mid-29 ta’ Ottubru ‘l quddiem. Kif kulħadd jaf daħlu fis-seħħ miżuri ġodda sabiex titwaqqaf l-imxija tal-Covid-19 u l-Club tagħna jrid jimxi mad-direttivi tal-Gvern u tal-Awtoritajiet tas-Saħħa. Tifhmu li m’għandniex kontroll fuq din is-sitwazzjoni. Il-Club se jkun qed jerġa’ jiftaħ il-bibien tiegħu għalikom malli dawn il-miżuri jitneħħew. Nittamaw li għal Diċembru nkunu nistgħu nilqgħukom mill-ġdid fil-Club tagħna sabiex inkomplu flimkien insegwu l-partiti tat-tim tal-qalb tagħna, kif ukoll insaħħu l-ħbiberija ta’ bejnietna.
Qed inwasslulkom l-ewwel paġni tal-gazzetti Taljani tal-isports tal-lum l-1 ta’ Novembru 2020.
Spezia (4-3-3): Provedel; Ferrer, Terzi, Chabot, Bastoni; Bartolomei, Ricci, Pobega; Agudelo, Nzola, Gyasi.
Juventus (3-4-1-2): Szczesny; Demiral, Bonucci, Danilo; Cuadrado, Arthur, Bentancur, Chiesa; Kulusevski; Dybala, Morata.
Sors: Calciomercato.com
Fid-9 ta’ Novembru se jinstema’ ir-rikors imressaq minn Napoli quddiem il-Qorti tal-Appell dwar is-sentenza tal-Imħallef tal-Isports b’rabta mal-fatti ta’ Juventus-Napoli tal-4 ta’ Ottubru li għadda. Napoli se jkunu qed iressqu d-dokumenti kollha meħtieġa bil-għan li l-Qorti tal-Appell tibdel id-deċiżjoni tal-Imħallef tal-Isports li kien ikkundanna lit-tim ta’ De Laurentis għal telfa walkover u punt imnaqqas fil-klassifika.
Matthew Scerri
Aktar bidliet fi ħdan Juventus F.C. Wara li ftit xhur ilu Marco Re ħalla lil Juventus, issa tħabbar li nstab ftehim ma’ Maurizio Lombardo sabiex ikun itterminat il-kuntratt tiegħu. Lombardo kellu l-kariga ta’ Segretarju Ġenerali ta’ Juventus F.C. f’dawn l-aħħar għaxar snin. Hu kien responsabbli, fost l-oħrajn, tal-kuntratti li kienu qed isiru mal-plejers u mal-isponsors. Juventus qed ikomplu għaddejjin b’restructuring tal-istruturi tal-klabb.
Matthew Scerri
Alvaro Morata ġie magħżul mill-qarrejja tal-website tagħna bħala l-Aqwa Plejer tal-partita bejn Juventus u Barcellona. Fil-votazzjoni li saret online hu kiseb 34% tal-voti, segwit minn Szczesny, Danilo u Cuadrado b’19% tal-voti kull wieħed. Grazzi lil kulmin ħa sehem.
Matthew Scerri