Sitt xhur wara finalment intlagħbet Juventus-Napoli. Il-Bianconeri kisbu rebħa mistħoqqa b’wirja tajba li tikkonferma l-kwalità kbira tat-tim. Ħasra, tassew ħasra, li dat-tim ma għarafx jilgħab dejjem kif lagħab illejla! Wara xhur kellna fl-aħħar ir-ritorn ta’ Paulo Dybala fil-grawnd u wara ftit minuti biss sab ix-xibka. Il-mod kif ferħu bih sħabu tat-tim juri kemm Dybala hu plejer importanti fi ħdan it-tim. Dybala żbalja f’ħafna affarijiet fl-aħħar xhur, imma nemmnu li kien u jibqa’ wieħed mill-aqwa plejers tat-tim. Nittamaw li fl-aħħar xahrejn iwarrab għal kollox il-ħmerijiet u jkun ikkunċentrat għal kollox fuq it-tim. Konvinti li biex Juventus jidħlu fiċ-Champions League se jkollhom bżonn it-talent tiegħu flimkien ma’ dak ta’ Ronaldo, Chiesa, Cuadrado u l-oħrajn.

JUVENTUS-NAPOLI 2-1

Skurjaw: Ronaldo (J), Dybala (J), Insigne (pen.) (N)

Juventus (4-4-2): Buffon; Danilo, De Ligt, Chiellini, Alex Sandro; Cuadrado (McKennie), Bentancur, Rabiot, Chiesa (Arthur); Morata (Dybala), Ronaldo. Kowċ: Pirlo.

Napoli (4-2-3-1): Meret; Di Lorenzo, Rrhamani, Koulibaly, Hysaj (Mario Rui); Fabian Ruiz (Petagna), Demme (Osimhen), Zielinski; Lozano (Politano), Mertens (Elmas), Insigne. Kowċ: Gattuso.

Referee: Mariani.

Karti sofor: Koulibaly (N), Alex Sandro (J), Rrahmani (N).

Matthew Scerri

Torino (3-5-2): Sirigu; Izzo, Buongiorno, Bremer; Ansaldi, Rincon, Mandragora, Baselli, Murru; Sanabria, Belotti.

Juventus (4-4-2): Szczesny; De Ligt, Chiellini, Alex Sandro; Cuadrado, Ramsey, Danilo, Bentancur, Chiesa; Morata, Ronaldo.

Sors: Calciomercato.com

Il-Bord tad-Dixxpilina tat-Tribunal tal-Federazzjoni Taljan qata’ s-sentenza fil-konfront ta’ Lotito u t-tobba ta’ Lazio ki kisru l-Protokoll tal-FIGC fl-okkażjoni tal-partiti kontra Torino u Juventus. Lotito ġie sospiż għal seba’ xhur, filwaqt li t-tobba Pulcini u Rodia weħlu sospensjoni ta’ sena. Lazio ġew immultati 150,000 Euro b’rabta mal-każ.

Illum twettqet inġustizzja oħra fil-konfront ta’ Juventus u Torino, li jiżdiedu mal-ħafna li ż-żewġ timijiet sofrew f’dan l-istaġun. Dis-sena, tajjeb infakkru, Roma ngħataw telfa walk over kontra Sassuolo għax bi żvista lil Diawara niżżluh fil-lista tal-plejers Under 23. Jekk inqabblu l-każ ta’ Roma ma’ dak ta’ Lazio faċli nindunaw li llum ma saritx ġustizzja. Lazio niżżlu fid-dokumenti tal-partiti kontra Torino u Juventus plejer li kien pożittiv għall-Covid-19 u saħansitra jidher li dal-plejer lagħab kontra Torino. Naħseb li dan hu każ gravi ferm u li Lazio kien ħaqqhom xejn xejn piena iktar ħarxa! Id-domanda tibqa’: li kieku ma kienx hemm Juventus fl-istorja, is-sentenza kienet tkun l-istess?

Fil-każ ta’ Juventus din h t-tieni darba dis-sena li tim avversarju ġie jaqa’ u jqum mill-Protokol. Lazio u Napoli ma ħallsux għal dak li għamlu u nemmnu li Juventus ittiħdulhom ħames punti għal xejn b’xejn, ħames punti li kienu jsaħħu l-pożizzjoni tal-Bianconeri fil-klassifika u li jaf ikunu determinati għal min se jiġi mal-ewwel erba’ dis-sena. Imma issa drajniha li Lotito u De Laurentis jagħmlu dejjem dak li jridu bla ma ħadd iwaqqafhom!!

Matthew Scerri