Nicolussi Caviglia lejn self ma’ Salernitana
Hans Nicolussi Caviglia mistenni jibdel it-tim tiegħu f’dax-xahar ta’ Jannar. Hu mistenni jingħaqad ma’ Salernitana b’self. Fis-sajf li għadda Juventus kienu silfuh lil Sudtirol. Issa jidher li Nicolussi Caviglia se jitlaq lit-tim tas-Serie B biex jagħmel esperjenza fis-Serie A ma’ Salernitana.
Matthew Scerri
Għad hemm wisq neqsin!
Għadda ħafna żmien minn l-aħħar logħba ta’ Juventus u forsi ħafna nsew id-diskors li kien jingħad li f’Jannar se jkollu lil kulħadd lura. Il-verita’ sfortunatament hi oħra. Juventus għad għandhom bosta plejers neqsin. Wisq plejers neqsin fil-verita’ u dejjem l-istess ismijiet. Allegri llum qa li jittama li sal-aħħar tax-xahar ikollu lil kulħadd lura tajjeb għal-logħob. Għandna d-dubji tagħna kemm se jkun hekk.
Intant għal għada Allegri rkuoea lil Chiesa u lil Szczesny, għalkemm x’aktarx it-tnejn li huma mhux se jibdew mill-ewwel minuta. Pogba u Vlahovic, mill-banda l-oħra fadlilhom madwar ġimaghtejn-tlieta biex ikunu jistgħu jilagħbu. Bonucci u Cuadrado wkoll għadhom mhux f’sikkithom. De Sciglio u Kaio Jorge għadhom mhux tajbin għal-logħob anki jekk ilhom barra mill-azzjoni għal tul ta’żmien.
Ma’ dawn kollu żdied Di Maria fl-aħħar sigħat. Hu qala’ daqqa fl-għaksa waqt it-training u ma ġiex mgħajjat għall-partita kontra Cremonese.
L-injuries m’għandhiex tkun skuża għal Juventus. Biss lanqas hu sew li Juventus ilhom minn Lulju jhallsu l-pagi miljunarji ta’ Pogba, Di Maria, De Sciglio… u qatt ma jieħdu xejn mingħandhom!
Matthew Scerri
Tinfetaħ is-sessjoni tax-xitwa tas-suq tat-trasferimenti
Illum infetħet b’mod uffiċjali s-sessjoni tax-xitwa tas-suq tat-trasferimenti. Il-klabbs tas-Serie A se jkunu jistgħu jixtru, ibigħu u jisilfu plejers sal-31 ta’ Jannar.
Min-naħa tagħhom ma jidhirx li Juventus se jkunu qed jixtru lil ħadd f’Jannar. Qed jissemma ħafna li jista’ jitlaq McKennie jekk tasal offerta ta’ madwar 35-40 miljun Ewro. Jekk McKennie verament jinbiegħ għal fis-somma, allura Juventus ikollhom il-flus biex forsi jagħmlu investiment mal-linja fejn nafu li das-sajf x’aktarx jitilqu Cuadrado u Alex Sandro.
Matthew Scerri
Party tas-sena ġdida għall-membri 2022/23
L-appuntament annwali bħala ringrazzjament mistenni mill-membri tagħna, il-Party tas-sena l-ġdida se jsir nhar il-Ġimgha 13 ta’ Jannar qabel il-partita kontra Napoli bejn 7pm u 8.30pm.
Se jkun hemm varjeta’ kbira ta’ fingerfood tal-aqwa kwalita’ ġentilmemt miġjuba mingħand Dolceria Barigozzi li huma l-catering sponsor uffiċjali tal-klabb.
IMPORTANTI li l-membri jġibu magħhom it-tessera tal-klabb.
Il-ħlas għal min għadu mhux membru se jkun ta’ €10 li jkunu jistgħu jissarfu fis-sħubija għall-istaġun li jmiss 2023/24.
Narawkom!