Bħal-lum fil-passat (14 ta’ Novembru)
Illum se nfakkru Derby ta’ Turin li ntlagħab bħal-lum fil-1954. Dakinhar Juventus kienu għelbu lil Torino bl-iskor ta’ 3-0. Għal Juventus kienu skurjaw Boniperti (2) u Oppezzo.
Morata: “Ninsab tajjeb ma’ Juventus”
Waqt il-konferenza tal-aħbarijiet organizzata mit-tim nazzjonali Spanjol, Morata ddikjara: “Ninsab tajjeb ħafna f’Turin, kif kont anki f’Madrid. Għandi x-xorti li jittrattawni tajjeb.”
Matthew Scerri
Chiellini għandu madwar xahar barra
Rapporti, mhux konfermati min-naħa ta’ Juventus, qed isostnu li Giorgio Chiellini se jkollu jibqa’ madwar xahar barra mill-azzjoni minħabba l-injury li sofra dan l-aħħar. Skont La Gazzetta dello Sport Chiellini se jitlef żgur is-sitt partiti li jmiss tal-Bianconeri. B’xorti tajba De Ligt wasal biex jidħol lura.
Matthew Scerri
Emerson Palmieri: “L-affarijiet iridu jinbidlu”
Emerson Palmieri reġà tenna li jinsab kemxejn imdejjaq li mhux qed jilgħab wisq ma’ Chelsea u esprima x-xewqa tiegħu li l-affarijiet jinbidlu għalih. “Irrid nilgħab b’mod regolari, ma’ Chelsea jew inkella ma’ tim ieħor,” qal Emerson Palmieri. Hu żied li jixtieq jirritorna fil-kampjonat tas-Serie A biss qal li bħalissa ma jistax jgħid jekk dan hux se jiġri f’Jannar u ħames snin oħra.
Matthew Scerri
Sergio Ramos ma jridx jaċċetta dak li qed joffrulu Real Madrid
Wara li aktar kmieni dil-ġimgħa taw l-aħbar li Real Madrid bdew taħdidiet ġodda għall-kuntratt il-ġdid ta’ Sergio Ramos, El Chiringuito qed isostnu li hemm probabbiltà kbira li l-Ispanjol jitlaq lil Real. Huma qed isostnu li hemm 80% ċans li Real Madrid ma jilħqux ftehim ma’ Sergio Ramos u allura hu jitlaq b’xejn fis-sajf 2021. Il-problema hi li Real Madrid iridu jimxu ma’ Ramos bl-istess mod kif jimxu mal-plejers kollha li għandhom iktar minn tletin sena: kuntratt ta’ sena jew massimu tnejn, bit-tnaqqis ta’ 20% tal-paga. Min-naħa tiegħu Sergio Ramos ma jridx jaf li jaċċetta dal-ftehim u qed ikompli jitlob kuntratt ta’ tliet snin b’paga ta’ 12-il miljun fis-sena. Juventus u PSG qed isegwu mill-qrib dis-sitwazzjoni u jidhru lesti li jissodisfaw it-talba ta’ Sergio Ramos.
Matthew Scerri
L-ewwel paġni tal-gazzetti Taljani (13 ta’ Novembru 2020)
Qed inwasslulkom l-ewwel paġni tal-gazzetti Taljani tal-isports tal-lum it-13 ta’ Novembru 2020.
Bonucci għadu ftit muġugħ
Leonardo Bonucci jidher li ma jinsab f’sikktu mija fil-mija. Anki mat-tim nazzjonali qed iħoss xi ftit l-istess uġigħ li kellu qabel Juventus-Barcellona. Jidher li minħabba dil-problema jista’ jkun li nhar il-Ħadd Bonucci ma jilgħabx kontra l-Polonja.
Matthew Scerri