Għidut dwar bdil bejn Icardi u Ronaldo

/in /by

Drajna li fil-jiem meta ma jkunx hemm logħob jiżdiedu l-aħbarijiet b’rabta mas-suq tat-trasferimenti. Kliem Leonardo fil-jiem li għaddew wassal biex qed ikun hemm ħafna għidut dwar trasferiment ta’ Ronaldo ma’ PSG. Xi siti qed jirrapurtaw li PSG jinsabu lesti li joffru lil Icardi u flus għal Ronaldo. Min-naħa tagħhom, però, Juventus ma jridux jitilfu lil Ronaldo u skont Calciomercato.com Mendes għarraf diġà lill-Bianconeri li Ronaldo hu intenzjonat li jibqa’ Turin sakemm jintemm il-kuntratt tiegħu.

Matthew Scerri

Aktar passi dixxiplinari fil-konfront ta’ Napoli?

/in /by

Il-gazzetta La Repubblica qed tirraporta li jistgħu jittieħdu aktar passi dixxiplinari fil-konfront ta’ Napoli. Wara t-telfa walkover u l-punt imnaqqas fil-klassfika talli ma niżlux għal-logħob kontra Juventus, issa Napoli jaf ikollhom jirrispondu għall-akkużi kemm li kisru l-protokoll sanitarju tal-FIGC kif ukoll li kellhom komportament li mar kontra l-valuri tal-isport.

Matthew Scerri

Miċħuda l-aħbar tal-Ansa dwar l-iswab tests ta’ Lazio

/in /by

Kelliem għall-Procura ta’ Avellino ċaħad l-aħbar mogħtija mill-Ansa b’rabta mal-iswab tests ipproċessati mil-laboratorju Futura Diagnostica. Dil-persuna kkonfermat li l-espert reġa’ pproċessa l-istess swab tests u għadda r-riżultati lill-Procura. S’issa m’hemmx ismijiet ta’ plejers li setgħu kienu pożittivi (ilbieraħ issemma’ Strakosha). Minflok ismijiet bħalissa hemm biss barcodes u eventwalment ‘il quddiem jistgħu jkunu magħrufa l-ismijiet. Il-kelliem temm jgħid li għalissa dak li qed jinkiteb fil-gazzetti ma jaqbilx mal-informazzjoni miġbura mill-Procura.

Matthew Scerri

Ronaldo jilħaq lil Puskas fil-klassifika tal-aqwa skorers ta’ kull żmien

/in /by

Cristiano Ronaldo sab ix-xibka fir-rebħa kbira li l-Portugall kisbu fil-partita kontra Andorra (7-0). Hu s’issa skurja 102 gowl mat-tim nazzjonali u jinsab biss 7 gowls il-bogħod mir-rekord ta’ Ali Daei, li hu l-plejer li l-aktar skurja bil-flokk ta’ tim nazzjonali. Komplessivament Ronaldo skurja l-gowl numru 746 fil-karriera bejn partiti tal-klabb u tat-tim nazzjonali. Hu laħaq lil Puscas fir-raba’ post tal-klassifika tal-aqwa skorers ta’ kull żmien.

Matthew Scerri

Vida kellu jinbidel minħabba li nstab pożittiv għall-Covid-19

/in /by

Ilbieraħ intlagħbet il-partita ta’ ħbiberija bejn it-Turkija u l-Kroazja. Fl-intervall bejn l-ewwel u t-tieni taqsima Vida kellu jinbidel minħabba li waslu r-riżultati tal-iswab tests u hu kien pożittiv. Sitwazzjoni tassew inaċċettabbli! Il-protokolli tal-Uefa jidhru li mhux qed jaħdmu sew ladarba r-riżultati tal-iswab tests qed joħorġu wara li l-partita tkun bdiet. Barra minn hekk nibqgħu nsostnu li dawn il-partiti tat-timijiet nazzjonali, speċjali l-partiti ta’ ħbiberija, huma tassew barra minn posthom f’dawn iż-żminijiet ta’ pandemija fejn kulħadd qed jipprova jevita taħlit għalxejn ma’ persuni oħra.

Matthew Scerri

L-ewwel paġni tal-gazzetti Taljani (12 ta’ Novembru 2020)

/in /by

Qed inwasslulkom l-ewwel paġni tal-gazzetti Taljani tal-isports tal-lum it-12 ta’ Novembru 2020.

Filmat: L-aqwa siltiet ta’ Italja-Estonja 4-0

/in /by
https://www.youtube.com/watch?v=5yVPspY-YnY

Bħal-lum fil-passat (12 ta’ Novembru)

/in /by

Sebgħin sena ilu, proprju fit-12 ta’ Novembru 1950, Juventus kisbu rebħa kbira fid-Derby bl-iskor ta’ 4-1. Il-gowls Bianconeri, li tistgħu taraw fil-filmat t’hawn taħt, kellhom il-firma ta’ Boniperti, John Hansen (2) u Boniforti.

Chiesa għadu jista’ jingħaqad mat-tim nazzjonali

/in /by

Skont Calciomercato.com jista’ jkun li Federico Chiesa jingħaqad mat-tim nazzjonali Taljan nhar il-Ħadd jekk jilħaq jirkupra mill-injury muskolari tiegħu. L-Azzurri se jilagħbu kontra l-Bożnija fit-18 ta’ Novembru. Sa tmiem il-ġimgħa nkunu nafu jekk Chiesa huwiex se jkun jista’ jilgħab mat-tim nazzjonali Taljan.

Matthew Scerri

Juventus u Inter interessati fl-istess plejers

/in /by

Drajna issa li Juventus u Inter qed imorru għall-istess plejers biex isaħħu lit-tim tagħhom. Skont La Gazzetta dello Sport bħalissa Juventus u Inter huma t-tnejn li huma interessati f’Camavinga (Rennes), Isak (Real Sociedad), Gravenberch (Ajax) u Nuno Mendes (Sporting Lisbon).

Matthew Scerri