Barcellona identifikaw f’Memphis Depay is-sostitut ta’ Suarez. Nafu li l-attakkant Urugwajan jinsab qrib li jingħaqad ma’ Juventus jew Atletico Madrid f’każ li l-passaport jilħaq ma joħroġx. Minflok Suarez, Koeman talab l-akkwist ta’ Depay. F’das-sens qed jissemma li Barcellona offrew 25 miljun Ewro flimkien ma’ Umtiti għal Depay.
Matthew Scerri
Daniele Rugani finalment jaf ma jitlaqx lil Juventus. Skont Tuttojuve.com, diversi klabbs urew interess fih. Min-naħa tagħhom, Juventus ma jidhrux disposti jitilquh minn idejhom sakemm ma tasalx offerta tajba ta’ bejn 25 u 30 miljun Ewro.
Matthew Scerri
Wara li xbajna nisimgħu u naqraw li Dybala talab lil Juventus paga ta’ 15-il miljun fis-sena (u kien hemm anki min kiteb li ried 20 miljun!), l-affarijiet jidhru li issa nbidlu sew. Tuttosport qed tirraporta li Juventus għaddejjin b’kuntatti telefoniċi mal-aġent ta’ Dybala biex jinstab ftehim għall-kuntratt il-ġdid tiegħu. Dybala qed jitlob paga ta’ 10 miljun, somma li Juventus jiggarantulu basta tkun parti fissa u parti oħra li tikkonsisti f’bonuses. Min-naħa tiegħu, Dybala qed jitlob 10 miljuni netti f’idejh. Id-distanza ma tidhirx li hi kbira u għaldaqstant hu probabbli li daqt jinstab ftehim.
Matthew Scerri
Kollox lest barra l-passaport. Juventus għandhom ftehim ma’ Suarez u jidher li anki Barcellona se jkunu ikkuntentati b’somma żgħira ta’ flus. Skont Sky kollox jinsab lest għal dat-trasferiment, apparti ovvjament il-passaport. Suarez talab li jinħariġlu l-passaport biss s’issa għadu mhuwiex magħruf jekk dal-passaport huwiex se jilħaq joħroġ sal-5 ta’ Ottubru meta jagħlaq is-suq tat-trasferiment. Kif konna spjegajna bla passaport Taljan, Juventus ma jistgħux jirreġistraw lil Suarez. Hu għalhekk li l-Bianconeri għadhom ma qatgħux il-kuntatti ma’ Dzeko u Cavani biex f’każ li ma jilħaqx joħroġ il-passaport ta’ Suarez, Juventus ikollhom f’idejhom attakkant ieħor lest.
Matthew Scerri
Sfortunatament waslet il-konferma li l-injury ta’ Zaniolo hu tassew gravi. Hu qaċċat il-legament ta’ irkoptu (mhux l-istess waħda operata f’Jannar li għadda) u għada se ssirlu operazzjoni tal-cruciate. Bħal dejjem, f’każijiet bħal dawn, Zaniolo se jibqa’ barra madwar sitt xhur. Nawgurawlu fejqan ta’ malajr.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum it-8 ta’ Settembru 2020.
Donnarumma jista’ jsir il-gowler ta’ Juventus mis-sajf 2021 meta jintemmlu l-kuntratt ma’ Milan. Skont Sportitalia Raiola qed jilgħab għaż-żmien u s’issa għadu ma jistax isib ftehim ma’ Milan għall-kuntratt il-ġdid tiegħu. Probabbli li qed jagħmel hekk għax għandu ftehim ma’ Juventus. Il-Bianconeri lesti jagħtu paga ta’ 10 miljuni fis-sena lil Donnarumma, kif ukoll commission ta’ 15-il miljun lil Raiola nnifsu.
Matthew Scerri
Juventus ħabbru li kisbu b’self għal sena lil gowler ta’ 17-il sena, Matteo Bucosse. Hu ġie mit-tim ta’ Tolentino u se jkun qed jifforma parti dis-sena mit-tim Under 23 ta’ Juventus.
Matthew Scerri
Ix-xorti ma tridx tidħak lil Nicolò Zaniolo. Fil-fatt hu kellu jabbanduna l-grawnd kontra l-Olanda minħabba problema f’irkoptu. It-tobba tal-istaff mediku tat-tim nazzjonali huma mħassba u hemm il-biża’ li l-injury hu gravi. Tajjeb ngħidu li l-injury li sofra mhuwiex fl-istess irkoppa li kienet ġiet operata f’Jannar li għadda. Nawgurawlu fejqan ta’ malajr!
Matthew Scerri