Passi dixxiplinari kontra Roma

/in /by

Roma ngħataw telfa walk-over ta’ 3-0 kontra Verona peress li, bi żball, l-isem ta’ Diawara ġie mniżżel f’lista ħażina mogħtija lil-Lega Calcio. Fil-fatt kull tim, fil-bidu tal-istaġun, jagħti lil-Lega Calcio lista ta’ 25 plejer, flimkien ma’ lista’ oħra ta’ plejers Under 22 li għandhom fit-tim u li jkunu jistgħu jużaw matul is-sena. Diawara, li sa sena ilu kien f’dil-lista tal-Under 22, baqa’ jidher fl-istess lista anki jekk għalaq sninu. Fi kliem ieħor isem Diawara għadu mniżżel bi żball fil-lista tal-Under 22 u dan l-iżball wassal għal telfa walk-over għal Roma kif kien ġara lil Sassuolo fl-2016. Intant is-Segretarju Ġenerali ta’ Roma, Pantaleo Longo diġa’ tefa’ r-riżenzja tiegħu b’rabta mal-każ u allegatament se jmur jaħdem ma’ Verona. Storja, insomma, tassew inkredibbli taħt kull aspett.

Matthew Scerri

Juventus għamlu kuntatt ieħor ma’ Cavani qabel ħadu lil Morata

/in /by

Skont La Gazzetta dello Sport fi tmiem il-ġimgħa li għadda Juventus għamlu tentattiv ieħor li jiffirmaw lil Edison Cavani. Il-Bianconeri offrewlu 8 miljuni fis-sena biss hu baqa’ jitlob 12-il miljun. Fid-dawl ta’ dis-sitwazzjoni, Paratici mbagħad dawwar ħarstu fuq Morata anki għax Pirlo riedu b’saħħa.

Matthew Scerri

Dalgħodu t-testijiet mediċi ta’ Morata

/in /by

Alvaro Morata wasal Turin tard dal-lejl u wara l-mistrieħ mistħoqq dalgħodu se jkun qed imur fil-JMedical għat-testijiet mediċi qabel jiffirma l-kuntratt ma’ Juventus. Illejla stess x’aktarx se tkun qed tingħata l-aħbar uffiċjali tat-trasferiment tiegħu ma’ Juventus.

Matthew Scerri

Filmat: Morata wasal Turin

/in /by
https://www.instagram.com/p/CFaq41xK7-N/?utm_source=ig_web_copy_link

Ir-riżultati tal-partiti tal-1 Ġurnata tas-Serie A

/in /by

Is-Sibt 19 ta’ Settembru 2020, 6.00 p.m.

Fiorentina-Torino 1-0

Is-Sibt 19 ta’ Settembru 2020, 8.45 p.m.

Verona-Roma 0-0 (Verona ngħataw rebħa 3-0 walk over minħabba xi irregolaritajiet min-naħa ta’ Roma)

Il-Ħadd 20 ta’ Settembru 2020, 12.30 p.m.

Parma-Napoli 0-2

Il-Ħadd 20 ta’ Settembru 2020, 3.00 p.m.

Genoa-Crotone 4-1

Il-Ħadd 20 ta’ Settembru 2020, 6.00 p.m.

Sassuolo-Cagliari 1-1

Il-Ħadd 20 ta’ Settembru 2020, 8.45 p.m.

Juventus-Sampdoria 3-0

It-Tnejn 21 ta’ Settembru 2020, 8.45 p.m.

Milan-Bologna 2-0

L-Erbgħa 30 ta’ Settembru 2020, 6.00 p.m.

Benevento-Inter 2-5

Udinese-Spezia 0-2

L-Erbgħa 30 ta’ Settembru 2020, 8.45 p.m.

Lazio-Atalanta 1-4

Matthew Scerri

Juventus-Sampdoria bir-ritratti

/in /by

Qed inwasslulkom ġabra ta’ ritratti tal-aqwa mumenti tal-partita Juventus-Sampdoria. Din il-photogallery hi magħmula minn ritratti li ġew ippubblikati fil-websajt ta’ Juventus. 

Sors: Juventus.com

Juventus-Sampdoria 3-0

/in /by

Bdejna tajjeb, anzi tajjeb ħafna. L-ewwel partita uffiċjali marret kif kull supporter kien qed jixtieq. It-tim lagħab tajjeb, lagħab bil-qalb, għal disgħin minuta sħaħ. Ma rajniex iktar it-tqassim eċċessiv u ossessiv tal-ballun li konna naraw is-sena l-oħra u minflok il-ballun beda jiġi mdawwar b’aktar ħeffa. McKennie u Kulusevski spikkaw fuq il-wirjiet tajbin tal-kumplament tat-tim. Anki Frabotta kellu logħba tajba b’wirja li ilna nistennew mingħand Alex Sandro. Ramsey, imbagħad, kien fost l-aqwa fil-grawnd wara li rnexxilu jħalli warajh, għal darba, il-problemi fiżiċi. Insomma, bidu tassew mill-aqwa. It-triq, però, hi twila ħafna. Irbaħna partita, imma fadal ħafna xi jsir kemm min-naħa ta’ Pirlo kif ukoll min-naħa ta’ Paratici. Nittamaw li l-attakkant il-ġdid jilħaq jasal dil-ġimgħa ħalli Pirlo u Juventus ikunu jistgħu jħabbtu wiċċhom mat-testijiet tqal (il-partita kontra Roma u Napoli) tal-ġimagħtejn li ġejjin.

JUVENTUS-SAMPDORIA 3-0

Skurjaw: Kulusevski (J), Bonucci (J), Ronaldo (J)

Juventus: Szczesny; Cuadrado (Bentancur), Bonucci, Chiellini (Demiral), Danilo, Frabotta (De Sciglio); Kulusevski (Douglas Costa), McKennie, Rabiot, Ramsey; Ronaldo. Kowċ: Pirlo.

Sampdoria: Audero; Bereszynski, Tonelli (Yoshida), Colley, Augello; Depaoli (Ramirez), Thorsby (Damsgaard,), Ekdal, Jankto, Leris (Quagliarella); Bonazzoli (Bonazzoli). Kowċ: Ranieri.

Referee: Piccinini

Karta safra: Tonelli (S)

Matthew Scerri