Posts

Juventus fost it-timijiet interessati f’Rudiger jekk jitlaq lil Chelsea

/in /by

Rudiger qed itella’ u jniżżel jitlaqx lil Chelsea hekk kif spiċċa lura fil-ġerarkiji tal-preferenzi ta’ Lampard. Spiss qed ikollu jibqa’ riserva u qed ikun irrapurtat li qed jiddejjaq jilgħab ftit. Skont Bild Rudiger se jistenna saż-żewġ partiti li jmiss biex jara l-affarijiet jinbidlux u eventwalment jieħu d-deċiżjoni tiegħu. Juventus u Milan huma interessati fih. Ma jonqsux anki estimaturi mill-Premier League (Tottenham) u mill-Bundesliga (Borussia Dortmung u Leipzig).

Matthew Scerri

Bdil Pavoletti-Portanova

/in /by

Tkompli t-tfittxija ta’ attakkant riserva għal Juventus mingħajr l-infieq ta’ ħafna flus. Wara li ssemmew xi plejers li għandhom kuntratt li daqt jiskadi (Milik u Depay), kif ukoll l-eks plejer Llorente, issa qed jissemma b’saħħa Leonardo Pavoletti ta’ Cagliari. Skont xi siti Taljani, jista’ jkun li Juventus u Cagliari jilħqu ftehim bejniethom biex ipartu b’self lil Pavoletti u lil Portanova. Il-jiem li ġejjin jistgħu jkunu deċiżivi biex Paratici jiffinalizza d-dettalji tat-trasferiment tal-attakkant il-ġdid tal-Bianconeri.

Matthew Scerri

Juventus se jixtru lil Reynolds

/in /by

Qed jingħata bħala ċert it-trasferiment ta’ Reynolds ma’ Juventus. Il-Bianconeri se jixtruh għal 8 miljuni mingħand Dallas FC u se jkun misluf lil Cagliari minħabba anki l-limitazzjonijiet fuq reġistrazzjoni ta’ plejers extrakomunitarji. Fit-3 ta’ Jannar Reynolds se jkun l-Italja għat-testijiet mediċi.

Matthew Scerri

Araujo jista’ jkun l-eredi ta’ Cuadrado ma’ Juventus

/in /by

L-eredi ta’ Juan Cuadrado ma’ Juventus jista’ jasal hu ukoll mill-Amerka. Fil-fatt Juventus tefgħu għajnejhom fuq Julian Araujo li, bħal Cuadrado, jaf jilgħab mal-linja kemm f’pożizzjoni arretrata kif ukoll f’waħda iktar avvanzata.

Matthew Scerri

Milik jew Depay fil-pjanijiet ta’ Juventus

/in /by

F’Jannar Juventus se jkunu qed jippruvaw jiksbu attakkant ġdid. Fil-pjanijiet ta’ Paratici hemm li jinkiseb bi ftit flus attakkant li jkun jista’ jserraħ lil Ronaldo u lil Morata. Apparti Milik, Tuttosport qed issemmu anki lil Depay. Bħal Milik, anki Depay għandu kuntratt li se jiskadi f’Ġunju 2021 u għaldaqstant l-akkwist tiegħu jista’ jiswa ftit. Jidher, imma, li Depay qed jagħti l-ewwel preferenza tiegħu lil Barcellona.

Matthew Scerri

Suarez: “Kont iffirmajt precontratto ma’ Juventus”

/in /by

Skont Sportmediaset, Luis Suarez ikkonferma waqt ix-xhieda li ta lill-Procura ta’ Perugia li kien iffirma precontratto ma’ Juventus, iżda mbagħad kollox sfaxxa fix-xejn. L-Ansa qed tirraporta li sorsi interni ta’ Juventus qed isostnu li t-trasferiment ta’ Suarez ma seħħx minħabba li ma kienx hemm biżżejjed żmien biex jitlestew il-formalitajiet burokratiċi marbuta mal-każ.

Matthew Scerri

Rummenigge: “Alaba ma aċċettax l-offerta tagħna”

/in /by

Karl-Heinz Rummenigge kkonferma uffiċjalment li David Alaba ma aċċettax l-offerta li Bayern ressqulu għall-kuntratt il-ġdid tiegħu. Fi kliem Rummenigge, Alaba jista’ jinnegozja ma’ min irid fi Fraf peress li l-kuntratt tiegħu wasal biex jiskadi. Hu ma eskludiex però li jista’ jkun hemm tentattiv mill-ġdid minn Bayern biex jinstab ftehim ma’ Alaba.

Matthew Scerri

Paratici se jiltaqa’ mal-aġent ta’ Reynolds

/in /by

Juventus jistgħu jsiru aktar Amerikani. Skont Gianluca Di Marzio nhar il-Ħamis Paratici se jiltaqa’ mal-aġent ta’ Bryan Reynolds, full-back ta’ 19-il sena li jilgħab ma’ Dallas FC. Jidher li s’issa Bruges diġà offrew 7 miljuni għalih. Juventus lesti jixtruh bi ftehim ma’ Cagliari hekk kif ma jistgħux jirreġistraw aktar plejers extrakomunitarji.

Matthew Scerri

Milik ma jridx jitlaq lil Napoli f’Jannar

/in /by

Arkadiusz Milik mhux se jitlaq lil Napoli f’Jannar. Skont Calciomercato.com l-aġent tiegħu, Pantak kellu laqgħa ma’ uffiċċjali ta’ Napoli. F’dil-laqgħa Pantak għarrafhom li Milik mhux se jitlaq lil Napoli f’Jannar u minflok se jistenna sa Ġunju meta jiskadilu l-kuntratt. Napoli riedu jbigħuh f’Jannar għal 18-il miljun Ewro biex jevitaw li jitilfuh b’xejn. Madankollu Milik jidher li mhux se jpaxxihom wara li ilhom xhur jittrattawh ħażin.

Matthew Scerri

Milik u Giroud mill-ġdid imsemmija ma’ Juventus

/in /by

F’Jannar hu probabbli li Juventus se jippruvaw jiksbu attakkant ieħor tal-kaxxa kif kienu se jagħmlu fis-sajf li għadda b’Kean. Irid ikun attakkant li ma jiswix wisq flus u f’das-sens jidher li fil-mira tal-Bianconeri hemm mill-ġdid Milik u Giroud. It-tnejn li huma għandhom kuntratt li jiskadi f’Ġunju li ġej. Napoli qed jitolbu somma bej 15 u 18-il miljun għal Milik, somma li Juventus ma jridux jonfqu għal plejer li se jkun free agent minn Frar. Giroud, mill-banda l-oħra, qed jilgħab regolari ma’ Chelsea u jista’ jkun li Lampard ma jħallihx jitlaq f’Jannar.

Matthew Scerri