Skont Calciomercato.com Juventus jinsabu lesti jisilfu lil Frabotta u lil Portanova. Fil-pjanijiet ta’ Juventus hemm self għalihom li xi tim ieħor tas-Serie A bil-għan li jkunu jistgħu jilagħbu iktar u jiksbu aktar esperjenza.
Matthew Scerri
Everton, Tottenham u Manchester United huma fost it-timijiet li l-aktar qed juru interess f’Adrien Rabiot. Skont il-mezzi tax-xandir Ingliżi, Rabiot jista’ jitlaq lil Juventus f’Jannar f’każ ta’ offerta tajba.
Matthew Scerri
Wara Portanova, Pavoletti u Reynolds, issa qed jissemma plejer ieħor li jista’ jkun fiċ-ċentru ta’ negozjati bejn Juventus u Cagliari. Calciomercatoweb.it qed jirrapurtaw li Juventus iridu lil Alessio Cragno fis-sajf li ġej jekk Buffon jagħżel li jirtira. Il-Bianconeri lesti joffru tpartit ma’ Rugani jew Perin. Fuq Cragno hemm anki Inter li jriduh biex ikun l-eredi ta’ Handanovic.
Matthew Scerri
Sami Khedira qed jifli bir-reqqa l-offerta li qed jaslulu u jidher li m’għandux għaġġla biex jagħżel. Juventus, mill-banda l-oħra, qed jittamaw li ma jdumux ma jarawh ma’ tim ieħor. Nafu li fis-sitwazzjoni li jinsabu fiha l-klabbs kollha tal-Ewropa, tim irid jeħles mill-paga ta’ plejer qabel ikun jista’ jidħol għal paga ta’ plejer ieħor. Fi kliem ieħor jekk jitlaq Khedira Juventus ikunu jistgħu joffrulu l-paga tiegħu (6 miljuni) lil xi plejer li jħossu li hu iktar utli għat-tim tagħhom. Il-biża’ hi li Khedira jdum jittrattjieni sal-aħħar u hekk Juventus ma jkollhomx il-ħin biex isibu plejer ieħor imbagħad.
Matthew Scerri
O.Lyon jidhru li huma sodisfatti bil-wirjiet ta’ De Sciglio s’issa. Skont Tuttosport il-klabb Franċiż qed jikkunsidra serjament li jixtrih għal kollox. Ovvjament id-deċiżjoni finali se tittieħed aktar ‘il quddiem fl-istaġun.
Matthew Scerri
Il-logħob jinsab wieqaf biss l-uffiċċjali tal-klabbs huma ferm attivi f’dak li għandu x’jaqsam mas-sessjoni tax-xitwa tas-suq tat-trasferimenti. Min-naħa tagħhom Juventus jidhru li qed ifittxu attakkant ġdid. L-ismijiet li qed isiru nafuhom: Llorente, Depay, Milik u Pavoletti. Issemma anki l-attakkant ta’ Celtic, Oudsonne Edouard. Dan jista’ jkun investiment għall-futur minħabba l-età żgħira tiegħu. Investiment ieħor f’talent żagħżugħ hu dak għal Edouard Michut li hu midfielder/playmaker. Żgur li apparti dawn l-ismijiet se nisimgħu ħafna iktar fil-ġimgħat li ġejjin.
Matthew Scerri
Diversi gazzetti u siti qed jaqblu li f’Jannar hu probabbli li Juventus ibigħu lil Bernardeschi. Fil-pjanijiet tal-Bianconeri hemm li jinstab tim lest jinvesti somma tajba fl-akkwist tal-winger Taljan. Juventus, imbagħad, jużaw il-flus li jdaħħlu mill-bejgħ ta’ Bernardeschi biex jixtru midfielder ta’ livell għoli li jista’ jgħolli l-kwalità ta’ nofs il-grawnd tat-tim ta’ Pirlo.
Matthew Scerri
Fil-ħarġa tal-lum ta’ Tuttosport naqraw li l-aġenti ta’ Mesut Ozil offrew lil Juventus il-possibbiltà li jiffirmaw lill-plejer Ġermaniż. Il-Bianconeri, però, mhumiex interessati f’Ozil.
Matthew Scerri
Juventus u Inter huma interessati ferm li jiksbu s-servizzi ta’ Rodrigo De Paul f’Jannar. Skont Il Corriere dello Sport Udinese qed jitolbu 40 miljun Ewro għalih. Nifhmu li l-ebda klabb bħalissa ma jaffordja jonfoq somma daqstant kbira bħalissa u allura hu probabbli li jkunu qed jinnegozjaw ftehim għal ħlas ta’ dis-somma fuq numru ta’ snin.
Matthew Scerri
Id-Direttur tal-Isport ta’ O.Lyon, Juninho ddikjara pubblikament li Aouar u Depay mhux se jitilqu lit-tim Franċiż. Hu semma’ xi plejers li jistgħu jitilqu (Aouar u Depay ma kinux ma’ dawn) u sostna li l-plejers l-aktar importanti tat-tim se jibqgħu sabiex it-tim ma jiddgħajjifx.
Matthew Scerri