Uffiċjali: Rovella misluf lil Monza
Monza għadhom kif ħabbru li kisbu b’self lil Nicolo’ Rovella mingħand Juventus. Is-self hu għal sena waħda biss.
Matthew Scerri
Posts
Konferma minn Pariġi li Paredes hu miftiehem ma’ Juventus
Il-kowċ ta’ PSG, Christophe Galtier ikkonferma li Paredes għandu ftehim ma’ Juventus. Fi kliemu Paredes moħħu f’Juventus minkejja li għadu plejer ta’ PSG. Fis-sigħat li ġejjin it-trasferiment mistenni jkun uffiċjali.
Matthew Scerri
Erba’ klabbs interessati li jiksbu lil Arthur
Nhar is-Sibt Arrivabene għamilha ċara li hu essenzjali għal Juventus li jneħħu lil xi plejers li għandhom fit-tim sabiex ma jkunx hemm piż żejjed fuq l-accounts tal-klabb. Wieħed mill-plejers li Juventus iridu jneħħu hu Arthur. Nafu li Valencia ilhom iriduh b’self. Klabbs oħra li fl-aħħar sigħat urew interess fih huma: Nice, Sporting Lisbon u Everton. L-aġent qed jaħdem bla qatigħ bil-għan li tinstab soluzzjoni li twassal biex Arthur jingħaqad ma’ tim ieħor li jkun jista’ jiggarantixxi lill-midfielder Brażiljan post fiss mal-ewwel ħdax tat-tim tiegħu.
Matthew Scerri
Paredes-Juventus. Trasferiment fil-qrib ħafna
F’dawn is-sigħat Juventus qed jiffinalizzaw il-ftehim ma’ PSG biex jiksbu lil Leandro Paredes b’self għal sena. Il-klabbs allegatament resqin lejn qbil għal self b’ Juventus ikollhom id-dritt li jixtru lil Paredes għal kollox is-sena d-dieħla għal 15-il miljun Ewro. Jidher li l-aħħar dettalji li l-klabbs għad iridu jsibu ftehim dwarhom huma l-kundizzjonijiet li jwasslu biex dan id-dritt isir obbligu min-naħa ta’ Juventus li jixtru lil Paredes għal kollox.
Matthew Scerri
Milik wasal Turin!
Arek Milik wasal Turin b’titjira private direttament minn Franza. Hekk bdiet uffiċjalment l-avventura tiegħu f’Turin ma’ Juventus. Issa jmiss it-testijiet mediċi u wara jkun jista’ jiffirma l-kuntratt li se jorbtu ma’ Juventus. Milik qed jirritorna l-Italja wara li sena u nofs ilu kien ħalla lil Napoli. Anki dak iż-żmien Milik kien qrib li jingħaqad ma’ Juventus. Jidher li Juventus kienu fid-destin tiegħu u issa finalment se jkun qed jilbes il-flokk abjad u iswed tat-tim tal-qalb tagħna.
Matthew Scerri
Milik fi triqtu lejn Turin. Paredes ukoll qrib li jingħaqad ma’ Juventus
Milik se jkun qed jasal Turin aktar tard illum skont rapporti li qed jidhru fil-media Taljana. X’aktarx hu se jkun qed jagħmel it-testijiet mediċi għada. Juventus kisbuh b’self għal sena, liema self se jkun imħallas 1 miljun Ewro flimkien ma’ 1 miljun Ewro ieħor f’bonuses. Is-sena d-dieħla Juventus se jkunu jistgħu jixtruh għal kollox għal 8 miljuni.
Intant f’dawn is-sigħat id-diriġenza Bianconera għaddejja b’kuntatti ma’ PSG bil-għan li bejn illum u għada tiffinalizza t-trasferiment ta’ Paredes, b’self ukoll għal sena.
Matthew Scerri
L-aġent ta’ Milik tkellem ma’ Juventus
L-aġent ta’ Milik kellu laqgħa f’Turin ma’ Juventus u allegatament il-partijiet komplew jiddiskutu d-dettalji tal-kuntratt li se jorbot lill-attakkant Pollakk mal-Bianconeri. F’dan l-istadju jidher li Juventus għandhom ftehim kemm ma’ O.Marseille (self imħallas 2 miljuni B’ Juventus ikunu jistgħu jixtruh għal kollox is-sena d-dieħla għal 8 miljuni) kif ukoll ma l-plejer innifsu. Probabbli li Juventus se jistennew ġurnata jew tnejn biex jifhmu eżattament x’se jagħmel Depay. Jekk l-Olandiz se jkompli jitlob ħafna (kf inhu probabbli għax issa jriduh anki Manchester United), allura Juventus jiksbu lil Milik.
Matthew Scerri
Roma interessati ferm f’Zakaria
Wara biss sitt xhur Zakaria jista’ jitlaq lil Juventus. Roma jriduh peress li tilfu lil Wijnaldum sal-aħħar tas-sena. Pinto diġa’ għamel kuntatt ma’ Juventus. Roma jriduh b’self filwaqt li Juventus qed jippruvaw ibigħuh għal kollox għal 18-20 miljun. Fi kliem ieħor hemm differenza sostanzjali bejn domanda u offerta. Madankollu Juventus bħalissa jridu bilfors ineħħu midfielder biex ikunu jistgħu jiffirmaw lil Paredes, liema plejer jinsab fil-mira ta’ Roma ukoll. Għaldaqstant hu fl-interess ta’ Juventus li jikkuntentaw lil Roma dwar Zakaria.
Matthew Scerri
Miretti u Rovella x’aktarx jibqgħu ma’ Juve. Fagioli lejn self għal darba oħra
Min se jibqa’ miż-żghar? Domanda li għamilniha kemm-il darba. L-uniku li jidher ċert li se jibqa’ hu dejjem Miretti. Rovella wkoll qed ikollu wirjiet tajbin u hu maħsub li jibqa’ ma’ Juventus jekk ma jkunux jistgħu jieħdu lil Paredes (qabel iġibuh iridu jneħħu lil Arthur, Zakaria jew xi midfielder ieħor). Fagioli, li s’issa għadu ma lagħabx minuta, probabbli jkun misluf lil Cremonese. Din hi s-sitwazzjoni kif tidher bħalissa. Ovvjament daqt inkunu nafu l-verita’ kollha hekk kif is-suq tat-trasferimenti wasal biex jagħlaq.
Matthew Scerri
Milik qabeż lil Depay fil-preferenzi ta’ Juventus
L-aħħar għidut hu li wara li kkonsultat ma’ Allegri, id-diriġenza ta’ Juventus hi dejjem iktar konvinta li tikseb lil Milik u mhux lil Depay fl-attakk. Depay allegatament qed jitlob paga ta’ 8.5 miljun Ewro. Sa ġimgħa ilu Juventus kienu qed jitkellmu miegħu għal paga ta’ 6 miljuni. Juventus ma jridux jonfqu wisq għal attakkant riserva. Għaldaqstant jippreferu jiffirmaw lil Milik. Il-Bianconeri għandhom ftehim ma’ O.Marseille biex jiksbu lil Milik b’self bid-dritt li jixtruh is-sena d-dieħla għal 8 miljuni flimkien ma’ 2 miljuni oħra f’bonuses.
Matthew Scerri