Posts

Futur inċert għal Chiesa ma’ Juventus

/in /by

Irridu nippreparaw ruħna għal sajf mimli spekulazzjonijiet li jikkonċernaw il-futur ta’ Federico Chiesa. S’issa diġa’ smajna u qrajna ħafna dwaru. Bħas-soltu rridu noqogħdu attenti għax mhux kulma jinkiteb hu bilfors veru.

L-uniċi żewġ fatti vera huma: (1) Chiesa għandu kuntratt li jorbtu ma’ Juventus sal-2025; u (2) hemm diversi timijiet interessati fih. Għandna nifhmu li Juventus se jagħmlu minn kollox biex iżommuh anki billi joffrulu kuntratt ġdid. Hu ovvju li Juventus mhux se joffrulu paga fenomenali minħabba l-policy li jżommu l-pagi baxxi. Jekk verament Chiesa qed jitlob paga ta’ 8 miljuni, naħsbu li se jkun diffiċli għal Juventus li jikkuntentawh (sakemm fit-8 miljuni ma jkunux inklużi l-bonuses kollha u allura l-ħaġa tiġi fattibbli). Il-fatt li l-kuntratt attwali ta’ Chiesa jintemm fl-2025, hu evidenti li jekk das-sajf Juventus ma jilħqux ftehim mal-attakkant Taljan għat-tiġdid tal-kuntratt, probabbilment ma jkollhomx triq oħra ħlief li jbigħuh bil-għan li jevitaw li jitilfuh b’somma baxxa ħafna s-sena d-dieħla jew b’xejn is-sena ta’ wara.

L-interess minn klabbs oħra hu reali. Ma jistax ikun altrimenti. X’qed joffru verament, hu diffiċli li nkunu nafu. Il-klabbs tal-Premier League jidhru li huma l-iktar interessati u lesti joffru somma kbira (madwar 60 miljun) għalih. Bħal dejjem ir-rieda tal-plejer se tkun deċiżiva. Jekk hu għadu jemmen fil-proġett Juventin, konvinti li se jibqa’. Mill-banda l-oħra jekk dak li qed joffrulu Juventus (u mhux qed nitkellmu biss dwar flus) mhuwiex biżżejjed għalih, allura rridu nirrassenjaw ruħna li nitilfuh.

Matthew Scerri

Kampanja Tesseramenti 2023/24 issa miftuħa

/in /by

I𝗡𝗚Ħ𝗔𝗤𝗔𝗗 𝗜𝗦𝗦𝗔 𝗠𝗔 𝗟’𝗨𝗡𝗜𝗞𝗔 𝗗𝗔𝗥 𝗚Ħ𝗔𝗟 𝗝𝗨𝗩𝗘𝗡𝗧𝗜𝗡𝗜 𝗠𝗔𝗟𝗧𝗜𝗡 Ġ𝗘𝗪𝗪𝗔 𝗕𝗜𝗥𝗞𝗜𝗥𝗞𝗔𝗥𝗔.
JEKK QATT MA KONT MEMBRU JEW KONT MEMBRU X’IMKIEN IEHOR AHNA QED NISTENNEWK SABIEX TINGHAQAD MAL FAMILJA TAGĦNA 🫂

📢 𝗠𝗘𝗠𝗕𝗘𝗥𝗦𝗛𝗜𝗣 𝗧𝗔𝗚𝗛𝗡𝗔 𝗦𝗘𝗥 𝗧𝗜𝗚𝗜𝗞 𝗕’𝗫𝗘𝗝𝗡…. 𝗜𝗩𝗔 𝗦𝗘𝗪 𝗤𝗘𝗗 𝗧𝗔𝗤𝗥𝗔.. 𝗕’𝗫𝗘𝗝𝗡!
💥 𝗠𝗔’ 𝗞𝗨𝗟𝗟 𝗦Ħ𝗨𝗕𝗜𝗝𝗔 𝗧𝗜𝗡𝗚Ħ𝗔𝗧𝗔:

✅ 𝗩𝗢𝗨𝗖𝗛𝗘𝗥 𝗧𝗔 €𝟭𝟱 𝗠𝗜𝗡𝗚Ħ𝗔𝗡𝗗 𝗘𝗨𝗥𝗢𝗦𝗣𝗢𝗥𝗧
✅ 𝗩𝗢𝗨𝗖𝗛𝗘𝗥 𝗧𝗔 €𝟭𝟬 𝗠𝗜𝗡𝗚𝗛𝗔𝗡𝗗 𝗥𝗢𝗦𝗦𝗢𝗣𝗢𝗠𝗢𝗗𝗢𝗥𝗢
✅ 𝗩𝗢𝗨𝗖𝗛𝗘𝗥 𝗜𝗘Ħ𝗢𝗥 𝗟𝗜 𝗝𝗜𝗞𝗞𝗢𝗡𝗦𝗜𝗦𝗧𝗜 𝗙’𝗣𝗜𝗭𝗭𝗔 𝗕’ 𝗫𝗘𝗝𝗡 𝗠𝗔’ 𝗞𝗨𝗟𝗟 𝗧𝗡𝗘𝗝𝗡 𝗟𝗜 𝗧𝗜𝗫𝗧𝗥𝗜 𝗠𝗜𝗡𝗚Ħ𝗔𝗡𝗗 𝗝𝗖 𝗩𝗘𝗥𝗢 𝗔𝗠𝗢𝗥𝗘 𝗕𝗔𝗥 & 𝗚𝗥𝗜𝗟𝗟.

😃𝗩𝗔𝗟𝗨𝗥 𝗧𝗢𝗧𝗔𝗟𝗜 𝗧𝗔 €𝟯𝟱 !! 😃

📢 IDĦLU MEMBRI ISSA U GAWDU MAGĦNA L-ISTAGUN KOLLU !

ISSIEHEB BILLI TIDĦOL ĦAWN www.juventusclubmalta.com/issieheb-maghna/ permezz ta’ Paypal, Revolut jew ċekk kif ukoll minn l-uffiċċju tal-Club kull nhar ta’ Tlieta u Ħamis bejn 6.30pm u 8pm.

Bħal-lum fil-passat (22 ta’ Ġunju)

/in /by

Bħal-lum fl-1983 Juventus kienu rebħu l-Coppa Italia għas-seba’ darba fl-istorja tagħhom. Fil-Finali tat-22 ta’ Ġunju 1983, Juventus kienu għelbu lil Verona bl-iskor ta’ 3-0. Il-gowls waslu minn Rossi u Platini (2). Ta’ min ifakkar li dik il-ħabta l-Finali tal-Coppa Italia kienet tintlagħab fuq żewġ partiti. Juventus kienu tilfu l-ewwel partita bl-iskor ta’ 2-0, imma mbagħad f’darhom irnexxilhom jegħlbu lil Verona bl-iskor ta’ 3-0 fil-ħin supplementari.

Wiċċ ġdid fl-istaff tekniku ta’ Allegri?

/in /by

L-eks captain ta’ Sassuolo, Francesco Magnanelli mistenni jibda jifforma parti mill-istaff tekniku ta’ Massimiliano Allegri. Allegatament kien Allegri stess li offrilu li jibda jaħdem miegħu. Mhux magħruf x’se jkunu l-kompiti ta’ Magnanelli ma’ Juventus. Probabbli li Allegri jridu minħabba l-kwalitajiet ta’ leader barra l-grawnd li hu għandu. Intant, l-istaff tekniku ta’ Juventus fil-jiem li għaddew tilef lil Paolo Bianco li nħatar kowċ ta’ Modena.

Matthew Scerri

Taqtigħa kbira għall-akkwist ta’ Frattesi

/in /by

Davide Frattesi hu l-plejer tal-mument fis-sens li fuqu bħalissa hemm l-attenzjoni tal-klabbs il-kbar tas-Serie A. Juventus, Inter, Milan u Roma jriduh b’saħħa. Fil-pjanijiet ta’ Juventus, Frattesi għandu jimla l-vojt li se jħalli Rabiot. Nafu li Manna kellu minn tal-inqas tliet laqgħat (ikkonfermati) ma’ Carnevali ta’ Sassuolo għalih. L-aħħar laqgħa saret ilbieraħ stess u jidher li Juventus riedu jkunu ċerti li għad m’hemmx ftehim definittiv bejn Sassuolo u Inter għall-midfielder Taljan. Skont il-gazzetti, Inter huma l-favoriti nett li jixtru lil Frattesi għal 35 miljun Ewro. Skont Carnevali, però, Sassuolo għalissa qed jisimgħu l-offerti ta’ kulħadd u għad m’hemmx tim li jinsab fuq quddiem f’dit-taqtigħa. Dejjem skont Carnevali, Sassuolo lesti jaċċettaw li jkun hemm tpartit ma’ plejers oħra. Hawn irridu nsemmu li allegatament Juventus qed joffru lil Soule’ u flus.

Apparti Juventus u Inter, hemm anki Milan u Roma li jridu lil Frattesi. Il-midfielder Taljan hu prodott tal-youths ta’ Roma u kollox jindika li għad għandhom id-dritt ta’ recompra fuqu (dejjem jekk ikunu għallinqas qed joffru daqs l-aqwa offerta minn klabbs oħra). Imbagħad hemm Milan li f’dawn is-sigħat qed ibigħu lil Tonali għal 80 miljun u allura se jkollhom il-flus biex iressqu offerta aqwa minn dik ta’ Inter.

Nagħlqu billi bħas-soltu nfakkru li Juventus, iktar minn qatt qabel, dis-sena se jkunu qed jinvestu b’mod iktar bil-għalaq u għaldaqstant iktar ma jogħlew l-ewwel minn klabbs oħra, iktar hu probabbli li Juventus ma jirnexxilhomx jiksbuh.

Matthew Scerri

Uffiċjali: Di Maria jitlaq lil Juventus

/in /by

Juventus illum sellmu b’mod uffiċjali lil Angel Di Maria li se jitlaq wara li ntemmlu l-kuntratt ta’ sena li ffirma fis-sajf li għadda. Il-kuntratt ta’ Di Maria mhux se jkun imġedded u issa l-istilla Arġentina se tkompli l-karriera tagħha ma’ Benfica jew ma’ xi klabb tal-MLS.

Matthew Scerri

Uffiċjali: Milik hu kollu kemm hu plejer ta’ Juventus

/in /by

Juventus ħabbru li xtraw lil Milik għal kollox mingħand O.Marseille. Is-somma li Juventus se jħallsu għalih hi a’ 6.3 miljun Ewro, liema somma se titħallas fi tliet rati. Hemm anki bonus ta’ 1.1 miljun Ewro li Juventus ikollhom iħallsu jekk jintlaħqu ċerti miri f’dan l-istaġun.

Matthew Scerri

Jibdew jaqgħu l-akkużi!

/in /by

Il-Procura ta’ Turin talbet li jkunu arkivjati l-akkużi fil-konfront ta’ Juventus li nħarġru invoices foloz b’rabta mal-hekk imsejħa plusvalenze fittizji. Prattikament intalab li wieħed minn kapiijiet tal-akkuża jaqa’ għal kollox peress li nstab li f’dak li għandu x’jaqsam mal-ftehim ta’ tpartit ta’ plejers bejn Juventus u timijiet oħra, Juventus qatt ma ħarġu invoices foloz u lanqas ħadu vantaġġi f’termini ta’ taxxa. Il-ftehim kien isir biss bil-għan li l-accounts ta’ kull sena jkunu in regola mal-parametri tal-Fair Play Finanzjarju billi jkun hemm dħul li jkun irreġistrat b’mod immedjat fl-accounts ta’ dik is-sena partikulari, filwaqt li l-ħruġ jiġi mqassam fuq iktar minn sena finanzjarja waħda. Il-Procura ta’ Turin irrikonoxxiet li dan mhuwiex reat u li m’hemm xejn irregolari.

Infakkru li l-kawża tal-plusvalenze, li hi magħluqa darba għal dejjem quddiem il-Ġustizzja Sportiva, għadha tibda tinstema fil-Qrati Ċivili. Juventus u l-eks uffiċċjali tagħha huma mixlija b’diversi kapi ta’ akkuża. Wieħed mill-kapijiet tal-akkuża, għaldaqstant waqa, biss il-kawża se tkompli tinstema u l-eks uffiċċjali Juventini jridu jwieġbu għall-kapijiet l-oħra tal-akkuża, speċjalment f’dak li għandu x’jaqsam mal-manovra stipendi u l-istqarrijiet għall-aħbarijiet mhux preċiżi li kienu nħarġu u li allegatament setgħu ingannaw lill-investituri u lis-suq tax-shares.

Matthew Scerri

Milħuq ftehim biex Juventus jixtru lil Milik

/in /by

Juventus u O. Marseille laħqu ftehim sabiex Milik isir kollu kemm hu plejer ta’ Juventus. Il-Bianconeri se jkunu qed iħallsu 6 miljun Ewro għalih, flimkien ma’ 1 miljun Ewro ieħor f’bonuses. Fis-sajf li għadda l-klabbs kienu qablu li Juventus setgħu jixtruh għal 7 miljuni flimkien ma’ 2 miljuni f’bonuses. Manna u Calvo rnexxilhom jikkonvinċu lil O. Marseille jbigħu lil Milik għal prezz inqas minn dak maqbul sena ilu.

Matthew Scerri

Juventus jistennew li jsiru jafu min se jibqa’

/in /by

Apparti l-ħidma ta’ Manna biex il-plejers li ġewwa lura mis-self ma’ timijiet oħra, Juventus bħalissa qed jistennew xi risposti mingħand plejers li l-kuntratt tagħhom wasal fi tmiemu. Rabiot, Cuadrado u Milik jinsabu fil-pjanijiet ta’ Juventus, imma l-futur tagħhom ma jiddipendix biss minn Juventus. Il-kuntratti ta’ Rabiot u Cuadrado se jiskadu fl-aħħar ta’ dan ix-xahar. Juventus offrewlhom kuntratt ġdid ta’ sena kull wieħed u issa qed jistennew risposta mingħandhom. It-tnejn li huma għandhom offerti minn klabbs oħra u għaldaqstant mhuwiex mija fil-mija ċert li se jaċċettaw dak li qed joffrulhom Juventus. Milik, mill-banda l-oħra, mar lura ma’ O. Marseille wara li ntemm is-self tiegħu ta’ sena. Milik diġà stqarr pubblikament li jixtieq jibqa’ ma’ Juventus, biss issa rridu naraw x’se tkun id-deċiżjoni tal-klabb Franċiż. O. Marseille ma jridux jisilfuh lil Juventus għal sena oħra u allura Manna offrilhom li Juventus jixtruh għal kollox f’kundizzjonijiet differenti minn dawk maqbula sena ilu.

Ftit tal-jiem oħra u nkunu nafu jekk Rabiot, Cuadrado u Milik humiex se jibqgħu jilbsu l-flokk ta’ Juventus.

Matthew Scerri