Posts
Bħal-lum fil-passat (12 ta’ April)
Illum qed inwasslulkom partita tal-1953 bejn Juventus u Milan mill-‘Archivio Storico dell’Istituto Luce’. Skor finali 1-2 għal Juventus. Il-gowls Bianconeri kellhom il-firma ta’ Praest u Boniperti.
Peeters lura għal-logħob wara waqfa twila
Aħbar tassew sabiħa hekk kif Daouda Peeters reġa’ ġie mgħajjat għal-logħob ma’ Juventus Next Gen. Il-plejer Belġjan ilu madwar sena u nofs wieqaf minħabba marda fin-nervituri. Hu issa jinsab aħjar u fit-23 ta’ Marzu li għadda reġa’ beda jittrenja b’mod normali. Illum kontra Feralpisalo’ jista’ jkun li l-kowc Brambilla jagħtih ftit minuti logħob.
Matthew Scerri
Bħal-lum fil-passat (18 ta’ Marzu)
Il-filmat li qed inwasslulkom illum hu ta’ partita bejn Juventus u Napoli tal-1951. Filmat tassew antik li jixhed kemm il-futbol inbidel f’dawn l-aħħar 70 sena.
Juventus-Friburg. Il-plejers mgħajta minn Allegri
Il-plejers Juventini mgħajta għall-partita kontra Friburg huma:
Gowlers: Szczesny, Perin, Pinsoglio.
Difensuri: Bremer, Danilo, Alex Sandro, Gatti, Bonucci, Rugani.
Plejers ta’ nofs il-grawnd: Locatelli, Cuadrado, Kostic, Miretti, Rabiot, Paredes, Fagioli, Barrenechea.
Attakkanti: Chiesa, Vlahovic, Kean, Di Maria, Soulé.
Matthew Scerri
Xahar importanti għal Juventus
Ix-xahar li ġej mistenni jkun tassew importanti għal Juventus fil-ġlieda tagħhom barra l-grawnd sabiex inaddfu isimhom mill-akkużi li tressqu quddiemhom.
Qabelxejn dil-ġimgħa Juventus se jkunu qed iressqu l-appell kontra s-sentenza li wasslet biex tnaqqsulhom 15-il punt fil-klassifika. Juventus għandhom ċans sa tmiem il-ġimgħa biex iressqu l-appell biss, kif stqarr Calvo, huma se jkunu qed idaħħlu l-appell tagħhom kmieni l-ġimgħa d-dieħla. Imbagħad irridu naraw eżattament meta se jinstema’ l-appell.
Fl-10 ta’ Marzu, imbagħad jintemm jasal fi tmiemu ż-żmien li fih il-Procutore Federale jkun jista’ jressaq lil Juventus u klabbs oħra quddiem il-ġustizzja sportiva b’rabta mal-plusvalenze li ma kinux iddaħħlu fl-ewwel kawża. Juventus jistgħu jiġu mixlija anki li kisru r-regolamenti minħabba l-famuża ‘manovra stipendi’.
Hemm xnigħat li Juventus jistgħu jagħmlu patteġġament f’dak li għandu x’jaqsam mal-‘manovra stipendi’. Teknikament jekk Juventus jitolbu l-patteġġament qabel il-Procuratore Federale jiftaħ kawża kontrihom, ikunu jistgħu jilhwu ftehim iktar vantaġġuż (hekk għallinqas jikkuntempla l-Kodiċi tal-Ġustizzja Sportiva). Hemm xnigħat ukoll li ż-żjara li Calvo għamel f’Ruma wittiet it-triq f’das-sens, filwaqt li l-ħatra tal-Avukati Clarizia jaf ikunu marbuta man-negozjazzjoni tal-patteġġament. Nerġa’ ngħid li dawn huma biss xnigħat u allura m’humiex ikkonfermati.
Dax-xahar ta’ Marzu se jkun importanti ukoll peress li mistennija tkompli l-kumpilazzjoni fil-Qrati Ċivili tal-kawża li nfetħet mill-Procura ta’ Turin. Juventus qed jitolbu li l-kawża timxi għall-Qorti ta’ Milan minflok dik ta’ Turin. L-Imħallef se jkun qed jiddeċiedi dwar dan. Fl-istess ħin se jkun qed jistabbilixxi jekk hemmx biżżejjed provi biex il-kawża titkompla jew inkella tiġix arkivjata.
Matthew Scerri