Posts

Juventus kważi dejjem rebbieħa kontra Crotone

/in /by

Juventus u Crotone ftit li xejn sfidaw lil xulxin f’partiti uffiċjali matul is-snin. B’kollox insibu 6 konfronti diretti bejn kampjonat tas-Serie A u tas-Serie B. Juventus rebħu ħamsa min dawn is-sitt konfronti, filwaqt li partita oħra ntemmet fi draw. Il-konfronti ma tantx kienu bbilanċjat tant li Juventus skurjaw kumplessivament 17-il gowl u qalgħu gowl wieħed biss. Fis-Serie A s’issa kien hemm erba’ konfronti b’kollox, b’tliet rebħiet għal Juventus u draw. Minn dawn l-werba’ partiti, nofshom, ovvjament, intlagħbu fi Crotone. L-ewwel darba kienet fl-2017 b’Juventus jirbħu 2-0 b’gowls ta’ Mandzukic u Higuain. Is-sena ta’ wara Crotone rnexxilhom għall-ewwel darba ma jitilfux kontra Juventus. Fil-fatt dakinhar Simy ta’ Crotone wieġeb għall-gowl ta’ Alex Sandro għal skor finali ta’ 1-1.

Matthew Scerri

Rabiot m’għadux iktar sospiż

/in /by

Adrien Rabiot kellu jkun sospiż kontra Napoli wara li tkeċċa fil-partita tal-Olimpico. Skont ir-regolamenti peress li Juventus-Napoli ma tħassritx u l-Imħallef tal-Isports ta telfa walkover lil Napoli, is-sospensjoni ta’ Rabiot trid titqies daqslikieku seħħet. Fi kliem ieħor hu se jkun jista’ jilgħab kontra Crotone nhar is-Sibt.

Matthew Scerri

Ir-referees tal-partiti tar-4 Ġurnata tas-Serie A

/in /by

Is-Sibt 17 ta’ Ottubru 2020, 3.00 p.m.

Napoli-Atalanta: Di Bello

Is-Sibt 17 ta’ Ottubru 2020, 6.00 p.m.

Sampdoria-Lazio: Orsato

Inter-Milan: Mariani

Is-Sibt 17 ta’ Ottubru 2020, 8.45 p.m.

Crotone-Juventus: Fourneau

Il-Ħadd 18 ta’ Ottubru 2020, 12.30 p.m.

Bologna-Sassuolo: Doveri

Il-Ħadd 18 ta’ Ottubru 2020, 3.00 p.m.

Spezia-Fiorentina: Manganiello

Torino-Cagliari: La Penna

Il-Ħadd 18 ta’ Ottubru 2020, 6.00 p.m.

Udinese-Parma: Fabbri

Il-Ħadd 18 ta’ Ottubru 2020, 8.45 p.m.

Roma-Benevento: Ayroldi

It-Tnejn 19 ta’ Ottubru 2020, 8.45 p.m.

Verona-Genoa: Rapuano

Matthew Scerri

Telfa walkover u punt imnaqqas għal Napoli

/in /by

Napoli ngħataw telfa walkover ta’ 3-0 u punt imnaqqas fil-klassifika tas-Serie A. L-Imħallef tal-Isports, wara li fela d-dokumenti kollha mressqa lilu b’rabta ma’ Juventus-Napoli, wasal għal din id-deciżjoni. Skont l-Imħallef id-dokumenti ma jippruvawx li kien hemm “kawża ta’ forza maġġuri” li ma ppermettiex lil Napoli jmorru Turin għall-partita. Ġie nnutat ukoll li d-dokumenti tal-ASL u l-awtoritajiet lokali l-oħra taw istruzzjonijiet li ma kinux imorru kontra l-Protokoll tal-FIGC. Barra minn hekk l-ASL ordnat għall-ewwel li jitpoġġew f’iżolament il-kuntatti “stretti” tal-plejers pożittivi u wara talba mingħand Napoli stess, l-ASL iċċarat dakinhar tal-partita stess is-sens tarl-istruzzjonijiet li tat. Dawn l-istruzzjonijiet, fl-interpretazzjoni tal-Imħallef, ma jistgħux jinqraw bħala ordni biex Napoli ma jmorrux Turin. Għaldaqstant, fid-dawl ta’ dan kollu, Napoli ngħataw telfa walkover u se jitilfu punt fil-klassifika.

Matthew Scerri

Ronaldo se jkun jista’ jilgħab jekk …

/in /by

Cristiano Ronaldo jinsab tajjeb u m’għandux sintomi tal-Covid-19. Il-Federazzjoni Portugiża xandret ritratt ta’ Ronaldo jitbissem waqt li kien qiegħed fix-xemx fil-lukanda fejn attwalment qed iqatta’ l-kwarantina tiegħu. Għalissa hu se jibqa’ l-Portugall u se jmur lura l-Italja biss malli jirriżulta negattiv.

Tuttosport qed tirraporta li hu żgur se jitlef il-partiti kontra Crotone u Dynamo Kiev, it-tnejn li huma se jintlagħbu bejn is-Sibt u t-Tlieta. Hu se jkun jista’ jilgħab mill-ġdid fl-Italja jekk ikun negattiv sa lejlet il-partita, filwaqt li l-protokoll Uefa jippermetti li plejer ikun jista’ jilgħab jekk ikun negattiv sa ġimgħa qabel il-partita.

Matthew Scerri

Id-dati u l-ħinijiet tal-partiti tas-Serie A mill-5 sas-16-il Ġurnata

/in /by

Il-Lega Calcio ħabbret id-dati u l-ħinijiet tal-partiti tas-Serie A mill-5 sas-16-il Ġurnata. Juventus se jkunu impenjati kif ġej:

5 Ġurnata: Juventus-Verona (Il-Ħadd 25 ta’ Ottubru 2020, 8.45 p.m.)

6 Ġurnata: Spezia-Juventus (Il-Ħadd 1 ta’ Novembru 2020, 3.00 p.m.

7 Ġurnata: Lazio-Juventus (Il-Ħadd 8 ta’ Novembru 2020, 12.30 p.m.)

8 Ġurnata: Juventus-Cagliari (Is-Sibt 21 ta’ Novembru 2020, 8.45 p.m.)

9 Ġurnata: Benevento-Juventus (Is-Sibt 28 ta’ Novembru 2020, 6.00 p.m.)

10 Ġurnata: Juventus-Torino (Is-Sibt 5 ta’ Diċembru 2020, 6.00 p.m.)

11-il Ġurnata: Genoa-Juventus (Il-Ħadd 13 ta’ Diċembru 2020, 6.00 p.m.)

12-il Ġurnata: Juventus-Atalanta (L-Erbgħa 16 ta’ Diċembru 2020, 6.30 p.m.)

13-il Ġurnata: Parma-Juventus (Is-Sibt 19 ta’ Diċembru 2020, 8.45 p.m.)

14-il Ġurnata: Juventus-Fiorentina (It-Tlieta 22 ta’ Diċembru 2020, 8.45 p.m.)

15-il Ġurnata: Juventus-Udinese (Il-Ħadd 3 ta’ Jannar 2021, 8.45 p.m.)

16-il Ġurnata: Milan-Juventus (L-Erbgħa 6 ta’ Jannar 2021, 8.45 p.m.)

Matthew Scerri

Juventus-Napoli. Se jsir kollox a la Taljana!

/in /by

Kmieni l-ġimgħa d-dieħla mistennija toħroġ is-sentenza dwar Juventus-Napoli. Kollox jindika li l-FIGC, fuq pressjoni anki tal-Gvern, se tkun qed issib ħatja lil Napoli biss li kisru l-protokoll meta ma ħolqux il-bubble wara li nstab Zielinski pożittiv. Ta’ dan huma se jitnaqqsilhom punt fil-klassifika. Mhux se jkunu ħatja però li ma niżlux għall-partita u għaldaqstant mhux se jkun hemm ebda walkover. Juventus-Napoli se tintlagħab fit-13 ta’ Jannar 2021. Hekk ikun instab is-soltu kumprumess a la Taljana u l-futbol Taljan ikun ġie għal darb’oħra mżeblah quddiem id-dinja kollha. Kif dejjem għidt il-partita kellha titħassar mill-ewwel. La darba ma tħassritx u tfassal regolament, la darba għal darbtejn il-Lega fliet id-dokumenti ta’ Napoli u ordnat li l-partita kellha tintlagħab xorta waħda, allura ma dal-kumprumess tassew ma jagħmilx sens!

Matthew Scerri

Possibbiltà konkreta ta’ Play-Offs għas-Serie A

/in /by

Jeżisti ċans kbir li l-kampjonat dis-sena jkollu jibdel il-format tiegħu f’każ ta’ waqfa oħra minħabba l-pandemija. Fil-fatt il-Lega Calcio u l-FIGC tkellmu mal-Ministru Spadafora fil-jiem li għaddew dwar il-possibbiltà li jkun hemm play-offs sabiex ikun determinat ir-rebbieħ tas-Serie A dis-sena. Il-bidla se tidħol eventwalment fis-seħħ jekk ikun hemm lockdown ieħor jew l-kampjonat ikollu jieqad għal xi żmien. Nafu li fl-2021 se jkun hemm il-Kampjonat Ewropew għan-Nazzjonijiet u allura mhuwiex possibbli li bħas-sena li għaddiet il-kampjonat jibqa’ għaddej fis-sajf. L-idea hi li jkun hemm Final Eight stil taċ-Champions League dis-sena, b’sistema imma li tagħti ftit tal-vantaġġ lit-timijiet li jkunu spiċċaw fl-ewwe;l erba’ postijiet.

Matthew Scerri

L-Imħallef tal-Isports jeħtieġ iktar żmien qabel jaqta’ s- sentenza dwar Juventus-Napoli

/in /by

Ir-riżultat ta’ Juventus-Napoli għadu u se jibqa’ sub iudice għalissa hekk kif l-Imħallef tal-Isports jeħtieġ aktar żmien biex jifli l-każ qabel joħroġ is-sentenza tiegħu. Fi kliem ieħor s’issa għad m’hemm l-ebda deċiżjoni min-naħa tiegħu.

Matthew Scerri

Juventus-Napoli. Ebda deċiżjoni s’issa

/in /by

Għadha ma ttieħdet ebda deċiżjoni dwar il-partita Juventus-Napoli. L-għidut tal-ġurnata kien li l-inkjesta tal-FIGC tista’ twassal biex Napoli jitilfu xi punti fil-klassifika biss ma tingħatax rebħa walkover lil Juventus. Jekk verament dan ikun hekk, allura jkun ifisser li Juventus-Napoli jkollha tintlagħab darb’oħra u qed tissemma d-data tat-13 ta’ Jannar, erbat ijiem qabel il-big match kontra Inter. Kif dejjem għidna din il-kwistjoni hi kumplessa ferm. Li hu ċert hu li jekk dak li ġie rrapurtat illum hu minnu, allura verament il-futbol Taljan ikun qed jerġa’ jaqa’ għar-ridikolu. La hemm regola u Napoli jinstabu ħatja li kisru dir-regola, għandhom jeħlu l-piena li r-regolament stess jikkontempla għall-ksur ta’ din ir-regola, jiġifieri telfa walkover. M’aħniex kontra li l-partita terġa’ tintlagħab għax aħna nħobbu nirbħu fil-grawnd, imma lanqas nistgħu naċċettaw minn jgħaddina minn għajn il-labra. Il-kwistjoni hi sempliċi: Napoli kellhom jew ma kellhomx dritt ma jmorrux Turin. Jekk kellhom dritt, hu sewwa u xieraq li l-partita terġa’ tintlagħab. Jekk ma kellhomx dritt, allura jridu jingħataw telfa walkover kif jitlob ir-regolament. Kull deċiżjoni oħra tkun biss buffunata!

Matthew Scerri